Онучин, Михаил Васильевич

Михаил Васильевич Онучин
Михаил Васильевич Онучин
Шочмо кече	1903 ий 16 идым
Шочмо вер	Изи Шопкер ял, Шернур район, Марий Эл
Колымо кече	1943 ий 5 шыжа (40 ий)
Колымо вер	Черкассы область
Пурымаш	СССР
Войскан родшо	инженер войска
Службо жап	1921—1943
Званий
Кредалмаш/сар	Кугу Ачамланде сар

Михаил Васильевич Онучин (16 сентябрь 1903 — 5 октябрь 1943) — Пашазе-кресаньык Йошкар Армийын полковникше, Кугу Ачамланде сарын салтакше, Совет Ушемын Талешкыже (1943).

Илыш корныжо

Михаил Онучин 1903 ий 16 сентябрьыште Изи Шопкер ялеш (кызыт — Шернур кундем) шочын. Кыдалаш школым тунем пытарымек, туныктышо-влаклан семинарийыште тунемын. 1921 ийыште Онучиным Пашазе-кресаньык Йошкар Армийыш служитлаш налме. Озаҥ сарзе-инженер школым да Сарзе технике академийын фортификаций-чоҥышо факультетшым тунем пытарен. 1942 ий июнь гыч — Кугу Ачамланде сарын фронтыштыжо^[1].

1943 ий сентябрьлан гвардийын полковникше Михаил Онучин Воронеж фронтысо 3-шо гвардий танк армийын инженер войскаж дене командоватлен. Днепр верч кредалме годым ойыртемалтын. 1943 ий 22 сентябрьыште Онучин вуйлатымыж почеш Украин ССР Каневск велысе Трахтемиров да Григоровка села кумдыкышто Днепр гоч вончаш кӱварым чоҥаш тӱҥалыныт. Онучин йӱд-кече чоҥымаште лийын, пӱтынь пашам виктарен, илышлан лӱдыкшым шотыш налде, чыла паша тушманын самолётшо чоҥештылме йымалне, артлӱйкалымаш коклаште шукталтын. 1943 ий 5 октябрьыште черетан тушман самолёт бомбитлыме годым Онучин колен. Украинын Киев кундем Переяслав оласе иза-шольо шӱгарыште тойымо^[1].

СССР Кӱшыл Каҥаш Президиумын 1943 ий 17 ноябрьысе кӱштыкшӧ дене «немыч захватчик-влак дене кучедалме фронтышто сар кӱштыкым сайын шуктымылан да тидын годым лӱддымылыкым да талылыкым ончыктымылан» гвардийын полковникше Михаил Онучинлан, колымекыже, Совет Ушемын Талешкыже кугу чаплӱмым пуымо. Тыгак Ленин орден ден Йошкар Тисте орден дене суапландаралтын^[1].

Онучинын лӱмжым Шернур вел Зашижемье кандашияш школ нумалеш^[2], Переяславыште тудын лӱмеш урем лӱмдалтын^[1].

Палемдымаш

↑ ¹ ² ³ ⁴ Михаил Васильевич Онучин (руш.). Сайт «Герои страны».
↑ Постановление Совмина РСФСР от 24.05.1965 № 662 «О присвоении имён Героев Советского Союза учреждениям народного образования» (руш.). Правовая Россия (24 ага 1967). Тергыме кече: 18 вӱдшор 2019. Архивировано из оригинала 17 вӱдшор 2019 ий.

Литератур

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Наши Герои. 2-е изд., перераб. и доп. — Йошкар-Ола, 1985.
Мочаев В. А. Онучин Михаил Васильевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 264. — 2032 экз. — ISBN 5-87898-357-0.
Онучин Михаил Васильевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 592. — 872 с. — 3505 экз. — ISBN 978-5-94950-049-1.
Онучин Михаил Васильевич // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 170—171. — 374 с. — 500 экз. — ISBN 978-5-94950-070-5.
Мочаев В. А. Онучин Михаил Васильевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 318. — 606 с. — 1500 экз. — ISBN 978-5-905314-35-3.

[wh-1] ¹ ² ³ ⁴ Михаил Васильевич Онучин (руш.). Сайт «Герои страны».

[2] Постановление Совмина РСФСР от 24.05.1965 № 662 «О присвоении имён Героев Советского Союза учреждениям народного образования» (руш.). Правовая Россия (24 ага 1967). Тергыме кече: 18 вӱдшор 2019. Архивировано из оригинала 17 вӱдшор 2019 ий.

[1]

[2]