Нӱлмарий
| Посёлко | |
| Нӱлмарий | |
|---|---|
 | |
| 56°08′02″ с. ш. 48°25′36″ в. д.GЯO | |
| Эл |
 Россий |
| Федерацийын субъектше | Марий Эл |
| Муниципал район | Юлсер |
| Ял шотан илем | Нурсола |
| Историй да географий | |
| Икымше увертарымаш | 1987 |
| Шагат ӱштӧ | UTC+3:00 |
| Калык чот | |
| Калык | 414 еҥ (2010) |
| Калыклык | мари |
| Официал йылме | марий, руш |
| Цифран идентификатор-влак | |
| Почто индекс | 425025 |
| ОКТМО код | 88604424116 |
| ОКАТО код (2014 ий марте) | 88204824004 |
|
|
|
 |
|
Нӱлмарий (руш. Кленовая Гора) — Российысе Марий Эл Республикын Юлсер кундемысе посёлко. Нурсола ял шотан илемыш пура. Посёлко гыч ял шотан илемын рӱдерже марте 5 уштыш, а район рӱдӧ, Юлсер ола марте, 33 уштыш. Эн лишыл кӱртньыгорно станций, Памашъял станций марте, 20 уштыш наре кужыт лиеш[1].
Географий
Марий Эл Республикын кечывалвел ужашыштыже, Юлсер ола деч йӱдвел могырыш, 33 уштыш тораште верланен.
Историй
Посёлко 540 веран «Кленовая Гора» санаторий пелен шочын. 1987 ийыште чоҥымо санаторий «Ужар памашшинчан» вӱдшӧ дене пайдалана[2].
Калык чот
2002 ийыште 419 еҥ (марий 60 %) илен[3], 2010 ийыште 414 еҥым шотлымо.
| 2002[4] | 2010 | 2020[5] |
|---|---|---|
| 419 | ↘414 | ↘243 |
2025 ий 1 июньысо увер почеш, Марий Эл Республикын Юлсер кундем Нӱлмарий посёлкын калыкчотшо 396 еҥ.
Туризм
«Кленовая гора» санаторий Марий Эл Республикысе Юлсер кундемые Нӱлмарий посёлкыштыжо верлана. Марий Чодыра калыкле паркын кумдыкыштыжо верланыше эмлымверын озанлыкыштыже 8 пачашан илыме оралте, эмлыме оралте да кочмывер оралте уло, нуно икте-весышт дене оралте кӧргыштак куснен коштмо шокшо корно дене ушалтыныт. Илыме погым (фонд) 450 еҥлан ситарыме, уна-влаклан тӱрлӧ илыме верым темлат: шагалрак оксам тӱлыман Twin, тыгак кумда апартамент-влак улыт. Сайлык категорийым шотыш налде, кажне толшылан посна мушкылтмо вер (ванне, душ), а пӧлемлаште — чыла кӱлешан арвер, телевизор уло.
Каныше-влаклан — финн сауно да руш мончан спа-комплекс уло, спортым йӧратыше-влаклан тренажёр зал почылтын, уремыште кап-кылым тазаҥдыме вер-влак улыт, спортӱзгарым да велосипедым налаш, ӱстел теннис але бильярд дене модаш лиеш. Эмлалтме верыште чӱчкыдын тӱвыра вашлиймаш-влак эртаралтыт, а йоча-влакым весела аниматор-влак куандарат.
Шуко профилян санаторий тӱрлӧ чер нерген ончылгоч шижтарыме шотышто пашам вӱда — кочкышым шулыктарыме кышкар гыч тӱҥалын, вӱргорно да шӱм чер але кид-йолым эмлыме марте. Санаторийыште эмлалтмашын ик эн тӱҥ негызшылан вӱд да лавыра шотлалтеш, тыште каныше-влаклан санаторий-курорт-влакын йӱлаш пурышо йӧнышт темлалтыт — вӱд да минерал дене эмлымаш (бальнеотерапий), шокшо южым шӱлен эмлымаш (ингаляций), лавыра дене эмлымаш, ЛФК да массаж[6].
Палемдымаш
- ↑ Пекшеева, 2021, с. 20.
- ↑ История сел и деревень Республики Марий Эл. Волжский район. Сборник документальных очерков. — Йошкар-Ола: Комитет Республики Марий Эл по делам архивов, Государственный архив Республики Марий Эл, администрация муниципального образования «Волжский район», 2003. — 320 с.
- ↑ Коряков Ю. Б. База данных «Этно-языковый состав населённых пунктов России» (руш.). Тергыме кече: 2 сӱрем 2025. Архивлыме 16 кылме 2017 ий.
- ↑ http://www.perepis2002.ru/content.html?id=11&docid=10715289081460.
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.
- ↑ Санаторий Кленовая Гора Марий Эл (неопр.). ВК. Тергыме кече: 30 пеледыш 2025.
Литератур
Пекшеева Э. И. Кленовая Гора // Наименования населённых пунктов Республики Марий Эл. — Йошкар-Ола: МарНИИЯЛИ, 2021. — С. 20. — 600 экз. — ISBN 978-5-94950-116-0.
.png)