Никитин, Рудольф Иванович

РУВИКИ — эрыкан энциклопедий гыч материал
В Рувики есть статьи о других людях с такой фамилией, см. Никитин.
Рудольф Иванович Никитин
Никитин, Рудольф Иванович.jpg
Шочмо кече 24 пеледыш 1937(1937-06-24)
Шочмо вер
Колымо кече 27 сӱрем 2019(2019-07-27) (82 ий)
Колымо вер
Гражданлык  СССР →  Россий
Паша сомыл йӧнозанлык пашаеҥ, мер-политик пашаеҥ
Награде да премий

Honorable Radio Operator of the USSR badge.png
Ленин орден — 1991 Орден «Знак Почёта»  — 1975 Орден Трудового Красного Знамени — 1981 RUS Medal 300 Years of the Russian Navy ribbon.svg
Марий АССР шанче ден техникын сулло пашаеҥже (1984)
Йошкар-Олан чапланыше гражданинже (2003)
Марий АССР Кӱшыл Каҥаш Президиумын Чаптаныкше (1987)

Рудольф Иванович Никитин (24 пеледыш 1937, Оршанке, Марий Автоном Совет Социализм Республик — 27 сӱрем 2019, Йошкар-Ола) — совет да россий йӧнозанлык пашаеҥ, мер-политик пашаеҥ. «Изотоп» ыштенлукшо ушемын / ЗПП-н тӱҥ директоржо (1986—1997), Йошкар-Оласе полупроводник ӱзгар заводын (ЗПП) директоржо (1997—2007). Марий АССР шанче ден техникын сулло пашаеҥже (1984). Йошкар-Олан чапланыше гражданинже (2003). СССР калык депутат (1989—1991). Ленин орденын кавалерже (1991).

Илыш корныжо

1937 ий 24 пеледышыште кызытсе Марий Эл Республикын Оршанке вел Оршанке посёлкышто шочын. 1956 ийыште Юл кундемысе чодыра-техник техникумым, 1966 ийыште — Марий политех институтым (заочно) тунем пытарен[1][2]. Совет Армий радамыште служитлен[3].

1959 ий 22 ноябрь гыч Йошкар-Оласе полупроводник ӱзгар заводышто пашам ыштен: станок пашаеҥ, вискалыше, инженер, цех вуйлатыше, 1976 ий гыч — тӱҥ инженер, 1986 ий гыч — тӱҥ директор (2003 ий гыч — ОАО «ЗПП»)[1][2].

3 ӱзгарын (изобретенийын) да 39 пайдале темлымашын авторжо. Сатум ыштен лукмым талын вӱдышӧ: 1986—1991 ийлаште 32 тӱрлӧ у сатум лукташ тӱҥалме, 500 наре технологий йӧным шочыктымо, неле 1990-ше ийлаште, кунам аралтыш йӧнозанлык сатум ыштымым чарнен, калык кучылтмо арвер-влакым лукташ тӱҥалын, ужалыме у пазар кумдыкым шочыктен, ыштыкверым сатум ыштымашым у орбитыш луктын, тидын годым заводын илышкыл сынжым арален коден. 1978 ийыште кугыжаныш шун дене ыштыме 12 сатум «СССР-ын сайлык шотышто тамгаже»  (руш.) (мар. пале дене палемден[3].

2019 ий 27 сӱремыште Йошкар-Олаште колен[3].

Мер-политик пашаже

  • Йошкар-Оласе ола Каҥашын XII, XIII созыв, Йошкар-Оласе оласе калык депутат-влакын Каҥашын XX созыв депутатшылан сайлалтын[3].
  • СССР калык депутатлан  (руш.) (мар. XII созывысе Марий АССР 593 №-ан Завод калыкле-кумдыкысе сайлыме йырвечыште сайлалтын (1989—1991)[3].
  • Йӧнозанлык шотышто депутат тӱшка вуйлатышын алмаштышыже, СССР-ын Кӱшыл Каҥашын аралтыш да кугыжаныш лӱдыкшыдымылык шотышто комитетын йыжъеҥже лийын[4].

Чаплӱм да суаптар-влак

Палемдымаш

  1. ↑ 1 2 3 4 5 6 7 8 Мочаев, 2017, с. 305.
  2. ↑ 1 2 3 4 5 6 7 8 Энциклопедия Республики Марий Эл, 2009, с. 577.
  3. ↑ 1 2 3 4 5 6 7 8 9 Рудольф Иванович Никитин (руш.). marpravda.ru. Тергыме кече: 1 теле 2025. Архивлыме 24 кылме 2019 ий.
  4. ↑ 1 2 Никитин Рудольф Иванович (руш.). Марийская история в лицах. Тергыме кече: 1 теле 2025.

Литератур

  • Никитин Рудольф Иванович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 254. — 2032 экз. — ISBN 5-87898-357-0.
  • Никитин Рудольф Иванович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 577. — 872 с. — 3505 экз. — ISBN 978-5-94950-049-1.
  • Краснов П. В., Мочаев В. А. Никитин Рудольф Иванович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 305. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Никитин,_Рудольф_Иванович&oldid=1233133" гыч налме