Мосунов, Павел Григорьевич
| Павел Григорьевич Мосунов | |
|---|---|
 | |
| Шочмо кече | 1928 ий 14 шорыкйол |
| Шочмо вер | Кӱшыл Ӱшӱт, Кужэҥер кундем, Марий автоном область, РСФСР, СССР |
| Колымо кече | 2005 ий 12 сӱрем (77 ий) |
| Колымо вер | Йошкар-Ола, Марий Эл, Россий |
| Гражданстве |
 СССР →  Россий |
| Паша | педагог |
| Шинчымаш | Н. К. Крупская лӱмеш марий кугыжаныш педагогике институт |
| Партий | КПСС |
| Тӱҥ идей | коммунизм |
| Суаптар |
    |
Павел Григорьевич Мосунов (14 шорыкйол 1928, Кӱшыл Ӱшӱт, Марий автоном область, РСФСР[d], СССР — 12 сӱрем 2005, Йошкар-Ола, Марий Эл Республик, Россий) — совет кугыжаныш да туныктымо пашан еҥже. Кужэҥер районысо Руш Шой кыдалаш школын директоржо (1960—1982), Марий АССР Савино интернат-пӧртын директоржо (1985—1988). СССР Кӱшыл Каҥашын 9-ше созывысе депутатше (1974—1979). 1953 ий гыч КПСС йыжъеҥ.
Илыш корныжо
1928 ий шорыкйол тылзын 14-ше кечынже Марий Эл Кужэҥер вел Старсела ялысе кресаньык ешеш шочын[1][2].
1945 ийыште Нартас ялозанлык техникумым, 1958 ийыште — Н. К. Крупская лӱмеш Марий кугыжаныш педагогике институтым тунем пытарен[1].
1960 ий марте Марий АССР Кужэҥер вел Коҥганур кыдалаш школын историй туныктышыжлан пашам ыштен. 1960—1982 ийлаште — Кужэҥер районысо Руш Шой кыдалаш школын директоржо[3]. Тудын годым тыште тунемше-влаклан интернат да кочкыш пӧрт, туныктышо-влаклан пачер, шуко озанлык оралтым чоҥымо[4].
1985—1988 ийлаште — МАССР-ысе Савино интернат-пӧртын директоржо[1].
1974—1979 ийлаште СССР Кӱшыл Каҥашын 9-ше созывысе депутатшылан сайлалтын.
Шинчымашым вияҥдымашке надырлан Пашан Йошкар Тисте орденже, медаль-влак да РСФСР да Марий АССР Кӱшыл Каҥаш Вуйвер-влакын чаптаныкышт-влак дене палемдыме[1].
2005 ий сӱрем тылзын 12-шо кечынже Йошкар-Олаште колен[1].
Суапшым пагалымаш
- Пашан Йошкар Тисте орденже (1971)[1]
- «1941—1945 ийласе Кугу Ачамланде сарыште чолга пашалан» медаль
- «Чапле пашалан. Владимир Ильич Ленинын шочмыжлан 100 ий темме лӱмеш» лӱмгече медаль (1970)
- РСФСР Кӱшыл Каҥаш Вуйверын чаптаныкше (1980)[1]
- Марий АССР Кӱшыл Каҥаш Вуйверын чаптаныкше (1967)[1]
Шарнымаш
Педагог да депутат П. Г. Мосуновын шке архивше гыч фото, документ-влак Кужэҥер район тоштер-ончер рӱдерыште аралалтыт[5].
Палемдымаш
- ↑ 1 2 3 4 5 6 7 8 Мочаев, 2017, с. 291.
- ↑ Верх-Ушут (Старсела) | Родная Вятка. rodnaya-vyatka.ru. Тергыме кече: 20 шорыкйол 2026.
- ↑ Школа - это дом наш родной... - Мои статьи - Каталог статей - valdina2011.ucoz.ru. valdina2011.ucoz.ru. Тергыме кече: 20 шорыкйол 2026.
- ↑ Информационный ресурс Республики Марий Эл "12rus.ru" :: Куженерский район. www.12rus.ru. Тергыме кече: 20 шорыкйол 2026.
- ↑ ВКонтакте | ВКонтакте. m.vk.com. Тергыме кече: 20 шорыкйол 2026.
Литература
- Опарина Т. Т. Мосунов Павел Григорьевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 244. — 2032 экз. — ISBN 5-87898-357-0.
- Опарина Т. Т. Мосунов Павел Григорьевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 291. — 606 с. — 1500 экз. — ISBN 978-5-905314-35-3.
- Шорыкйол тылзын 14 кечынже шочшо-влак
- 1928 ийыште шочшо-влак
- Алфавит почеш персоналий-влак
- Кужэҥер районышто шочшо-влак
- Сӱрем тылзын 12 кечынже колышо-влак
- 2005 ийыште колышо-влак
- Йошкар-Олаште колышо-влак
- Алфавит почеш педагог-влак
- Российысе педагог-влак
- СССР-ысе педагог-влак
- Паша Йошкар Тисте орден дене суапландаралтше-влак
- «1941–1945 ийласе Кугу Ачамланде сарыште чолга пашалан» медаль дене суапландаралтше-влак
- «Владимир Ильич Ленинын шочмыжлан 100 ий темме лӱмеш» медаль дене суапландаралтше-влак
- РСФСР Кӱшыл Каҥаш Президиумын Чапграмотшо дене суапландаралтше-влак
- Алфавит почеш политик-влак
- СССР-ыште шочшо-влак
- КПСС йыжъеҥ-влак
- 9-ше созывысе Калык-влак каҥашын депутатше-влак
- Марий кугыжаныш педагогике институтым тунем пытарыше-влак
- СССР-ысе школ директор-влак
- Марий Элысе туныктышо-влак