Мирошин, Николай Васильевич

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Мирошин.
Николай Васильевич Мирошин
Мирошин, Николай Васильевич.jpg
Шочмо кече 1923 ий 19 теле(1923-12-19)
Шочмо вер Кукарка, Марий Турек район, Марий автоном область, РСФСР, СССР
Колымо кече 1986 ий 15 пеледыш(1986-06-15) (62 ий)
Колымо вер Йошкар-Ола, Марий Эл, Россия
Гражданлык  СССР
Паша сомыл партийный деятель, депутат
Награде да премий

Орден Трудового Красного Знамени — 1971 Орден Отечественной войны I степени— 1985 Орден Красной Звезды  — 1944 Орден Красной Звезды  — 1945 Медаль «За боевые заслуги» — 1943 Медаль «За победу над Германией в Великой Отечественной войне 1941—1945 гг.» «Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын» Почётная грамота Президиума Верховного Совета РСФСР — 1965

Николáй Васи́льевич Мирóшин (19 теле 1923, Кукарск, Шернур кантон, Марий автоном область, РСФСР, СССР — 15 пеледыш 1986, Йошкар-Ола, Марий АССР, РСФСР, СССР) — марий совет партий пашаеҥ. Марий АССР-ысе КПСС-ын Куженер райкомжын икымше секретарьже (1965—1971), Марий областьысо профсоюз-влак Советын секретарьже (1972—1978). Кугу Ачамланде сарын участникше. 1943 ий гыч ВКП(б) член.

Илыш корно

1923 ий 19 теле тылзын кызытсе Марий Турек кундемысе Кукарск ялеш кресаньык ешеш шочын[1][2].

1941 ий июльышто РККА-ш ӱжыныт. Кугу Ачамланде сарын участникше: 1941—1944 ийлаште — наводчик, Юго-Восточный фронтышто 64-ше армийын 229-ше стрелковый дивизийын 647-ше артиллерийский полкын орудий командирже, дивизионын комсоргшо, 1944—1945 ийлаште — «Смерш» отделын оперативный пашаеҥже, старший сержант. 1943 ийыште ВКП(б) радамыш пурен. Ик кредалмаште нелын сусырген. 1946 ийыште младший лейтенант званий дене демобилизоватлалтын. I степенян Ачамланде сар, Йошкар Шӱдыр орден-влак да медаль-влак дене, туштак «Сарзылык суаплан» медаль дене палемдалтын[3][4][5].

Марий АССР-ыш пӧртылмеке, вигак партий пашаш шогалын: 1947—1953, 1956—1959 ийлаште — КПСС-ын Косолапово райкомын инструкторжо, отдел вуйлатышыже. 1956 ийыште Горькийысе партий школым тунем пытарен[1].

1959 ий гыч МарАССР КПСС-ын Шернур райкомын отделжым вуйлатен. 1961 ийыште КПСС ЦК пеленсе Кӱшыл партий школым тунем пытарен. 1965—1971 ийлаште МарАССР КПСС-ын Куженер райкомжын икымше секретарьже лийын. 1971 ийыште Нартас ялозанлык техникумым тунем пытарен. 1972—1978 ийлаште — Марий областьысо профсоюз-влак советын секретарьже[1].

1967—1975 ийлаште Марий АССР-ысе Кӱшыл Советын VII да VIII созыв депутатшылан сайлалтын[6].

Тудын шуко ияш партий да депутат пашаже Паша Йошкар Тисте орден, медаль-влак, а тыгак РСФСР-ысе да Марий АССР-ысе Кӱшыл Совет-влакын Президиум-влакын чап грамотышт дене (кок гана) палемдалтын[1].

1986 ий 15 пеледышыште Йошкар-Олаште илыш гыч каен[1].

Суаптар-влак

  • Паша Йошкар Тисте орден (1971)[1]
  • I степенян Ачамланде сар орден (06.04.1985)[7][8]
  • I степенян Ачамланде сар орден (21.03.1944, 31.01.1945)[3][4][5]
  • «Сарзылык суаплан» медаль (30.11.1943)[3][4][5]
  • «1941—1945 ийласе Кугу Ачамланде сарыште Германийым сеҥымылан» медаль (09.05.1945)[3][4][5]
  • «Чапле пашалан. Владимир Ильич Ленинын шочмыжлан 100 ий темме лӱмеш» медаль
  • РСФСР Кӱшыл Каҥашын Президиумжын Чап грамотыжо (1965)[1]
  • Марий АССР-ысе Кӱшыл Каҥашын Президиумжын Чап грамотыжо (1951, 1973)[1]

Палемдымаш

  1. ↑ 1 2 3 4 5 6 7 8 Мочаев, 2017, с. 281.
  2. ↑ Кукарск (Кырчаново) | Родная Вятка. rodnaya-vyatka.ru. Тергыме кече: 2 кылме 2022.
  3. ↑ 1 2 3 4 #дорогапамяти Участник ВОВ ✩ Мирошин Николай Васильевич (руш.). Музейный комплекс "Дорога Памяти". Тергыме кече: 2 кылме 2022.
  4. ↑ 1 2 3 4 Мирошин Николай Васильевич :: Память народа. pamyat-naroda.ru. Тергыме кече: 2 кылме 2022.
  5. ↑ 1 2 3 4 Подвиг народа. podvignaroda.ru. Тергыме кече: 2 кылме 2022.
  6. ↑ Официальный сайт Госсобрания Республики Марий Эл. old.gsmari.ru. Тергыме кече: 2 кылме 2022.
  7. ↑ Мирошин Николай Васильевич :: Память народа. pamyat-naroda.ru. Тергыме кече: 2 кылме 2022.
  8. ↑ Подвиг народа. podvignaroda.ru. Тергыме кече: 2 кылме 2022.

Литератур

  • Мирошин Николай Васильевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 236. — 2032 экз. — ISBN 5-87898-357-0.
  • Мочаев В. А. Мирошин Николай Васильевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 281. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Мирошин,_Николай_Васильевич&oldid=1209574" гыч налме