Лоскутов, Иван Кузьмич

Иван Кузьмич Лоскутов
Иван Кузьмич Лоскутов
Угарман автомобиль заводын директоржо
	1938 — 1948
Ончычсо пашаеҥ	Дьяконов, Сергей Сергеевич
Алмаштыше	Хламов, Григорий Сергеевич
Шочын	7 (20) сӱрем 1900; Кужэҥер кундем, Марий Автоном Совет Социализм Республик, РСФСР[d];
Колен	21 кылме 1982 (82 ий); Моско, СССР;
Партий	КПСС
Шинчымаш	Ленинградысе политехник институт
Награде

Иван Кузьмич Лоскутов (7 [20] сӱрем 1900, Кужэҥер кундем, Марий Автоном Совет Социализм Республик — 21 кылме 1982, Моско) — совет озанлык, кугыжаныш да политик пашаеҥ, инженер-техник войскан генерал-майоржо (1945).

Илыш корныжо

1900 ий 7 сӱремыште тачысе Марий Элын Кужэҥер вел Савер ялеш шочын^[2]. Икмарда кресаньык еш гыч, Тошто Торъял школым, Чарласе (Краснококшайск) педкурсым тунем лектын. 1919 ий гыч ВКП(б) йыжъеҥ.

1919 ий гыч — озанлык, мер да политик пашаште.

1929 ийыште Ленинградысе политехник институтыш (руш.) (мар. тунемаш пурен да 1934 ийыште тунем пытарен.

1919—1973 ийлаште — 50-ше лӱйкалыше дивизийын политпашаеҥже, Йошкар-Олаште ВЛКСМ уком секретарь да обком пӧлка вуйлатышыже, Ленинградысе тӱрлӧ ыштыкверласе партком секретарь, тыглай конструктор, пресс цехын, ыштен лукмашын начальникше, Угарман автомобиль заводын директоржо^[2], Ульяновск автомобиль заводын (руш.) (мар. директоржо, СССР Минмашын техник виктержым вуйлатыше, СССР МАТСХМ-се Тӱҥ автопромын начальникше, коллегийын йыжъеҥже, СССР-ысе МАП-ын ыштен лукшо виктержын начальникше, РСФСР Госпланын автотранспорт пӧлкажын начальникше лийын.

РСФСР-ысе Кӱшыл Каҥашын 1-ше да 2-шо созывысе депутатшылан сайлалтын (1938—1951). ВКП(б)-н XVIII (1939), КПСС-ын XIX погынжын (1952) делегатше^[2].

1982 ий 21 ноябрьыште колен, Москваште тойымо.

Суаптар-влак

Лоскутов лӱмеш урем

Тудын лӱмжӧ дене Угарманысе Автозавод велне уремым лӱмдымӧ (1996)^[2]^[3].

Уремыште верланеныт: В. С. Коноваленко лӱмеш спорт полат, 25 №-ан оласе йоча эмлымверын стационар пӧлкаже, 92 №-ан интернат-школ, Угарман оласе кикбоксинг федераций^[4].

Палемдымаш

↑ Лоскутов Иван Кузьмич (руш.) — 2014.
↑ ¹ ² ³ ⁴ Памятники знаменитому уроженцу Марий Эл стоят на двух кладбищах страны, <https://www.marpravda.ru/news/society/k-125-letiyu-loskutova-ivana-kuzmicha-pamyatniki-znamenitomu-urozhentsu-mariy-el-stoyat-na-dvukh-kla/>. Тергыме: 21 шыжа 2025.
↑ Улица Лоскутова (руш.). 2gis.ru. Тергыме кече: 21 шыжа 2025.
↑ Все заведения на улице Лоскутова в Нижнем Новгороде (руш.). zoon.ru. Тергыме кече: 21 шыжа 2025.

Литератур

Кто был кто в Великой Отечественной войне 1941—1945: Краткий справочник. М.,1995
Горбачёв А. Н.. 10000 генералов страны: Краткий биобиблиографический справочник.5 изд. М., Infogans, 2017
Шахтарин Д. Памятники знаменитому уроженцу Марий Эл стоят на двух кладбищах страны // Марийская правда. — 2025. — 12 июля.
Колесников А. Ю., Щвецова А. А., Мочаев В. А. Лоскутов Иван Кузьмич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 259. — 606 с. — 1500 экз. — ISBN 978-5-905314-35-3.

[_5574ffb649cb471c-1] Лоскутов Иван Кузьмич (руш.) — 2014.

[:0-2] ¹ ² ³ ⁴ Памятники знаменитому уроженцу Марий Эл стоят на двух кладбищах страны, <https://www.marpravda.ru/news/society/k-125-letiyu-loskutova-ivana-kuzmicha-pamyatniki-znamenitomu-urozhentsu-mariy-el-stoyat-na-dvukh-kla/>. Тергыме: 21 шыжа 2025.

[3] Улица Лоскутова (руш.). 2gis.ru. Тергыме кече: 21 шыжа 2025.

[4] Все заведения на улице Лоскутова в Нижнем Новгороде (руш.). zoon.ru. Тергыме кече: 21 шыжа 2025.

[1]

[2]

[3]

[4]