Кошкин, Андрей Евдокимович

Андрей Евдокимович Кошкин
Андрей Евдокимович Кошкин
Шочмо кече	18 теле 1922
Шочмо вер	Кайбицы кундем, Татар Автоном Совет Социалистик Республик, РСФСР[d];
Колымо кече	30 шорыкйол 1958 (35 ий)
Колымо вер	Волжск, Марий Автоном Совет Социализм Республик, РСФСР[d], СССР;
Пурымаш	СССР
Войскан родшо	пехото
Службо жап	1941—1945
Званий
Кредалмаш/сар	Кугу Ачамланде сар
	РУВИКИ.Медиаште медиафайл-влак

Андрей Евдокимович Кошкин (1922–1958) — Пашазе-кресаньык Йошкар Армийын изирак сержантше, Кугу Ачамланде сарын салтакше, Совет Ушемын Талешкыже (1944).

Илыш корныжо

1922 ий 18 декабрьыште Кугу Подберезье селаште шочын (кызыт Татарстанын Кайбиц кундемже). Ялысе школым тунем пытарымек, колхозышто пашам ыштен. Вара Марий АССР Волжск олашке куснен, кагаз комбинатыште пашам ыштен.

1941 ий июнь тылзыште Пашазе-кресаньык Йошкар Армийыш служитлаш налыныт. 1942 ий август гыч — Кугу Ачамланде сарын фронтлаштыже. 1943 ий сентябрьыште изи сержант Андрей Кошкин Степь фронтысо 37-ше армийын 110-шо гвардейский стрелковый дивизийжын 106-шо посна разведротын разведчикше лийын. Днепр верч кредалмаште ойыртемалтын^[1].

1943 ий 5 сентябрьыште разведчик-влак тушман тылыш пуреныт, да тӱшкан саргурал складым пытареныт, 15 немыч салтак ден офицерым пуштыныт. Пӧртылмышт годым нунын ӱмбаке тушманын засадыже керылтын, но нуно утлен кертыныт да 5 немыч салтак-шамычым пленыш налыныт. 1943 ий 29 сентябрьыште салтак тӱшка дене пырля Днепр гоч вонченыт да тушманын лӱйкалыме тул кышкаржым шымленыт. 1943 ий 5 октябрьыште Украин ССР Кировоград кундем Онуфриево вел Куцеволовка села пелен разведгруппо саргурал ден топливе складым пытарен, тыгак икмыняр немыч салтакым пленыш налын. 9-ше гыч 8-ше октябрь йӱдым Андрей Кошкин тиде районыштак тушманын верланыме кумдыкыш керылт пурен да тушманын тул вержым да пулемётшым, тыгак 3 тушман салтакым пытарен^[1].

СССР Кӱшыл Советын Президиумын 1944 ий 22 февральысе «Йошкар Армийын офицер, сержант да рядовойжо-влаклан Совет Ушемын Талешкыже лӱмым пумыо нерген» кӱштыкшӧ дене келшышын «Днепр эҥерым форсироватлыме годым кӱштымым сайын шуктымылан, эҥерын пурла серыштыже сӧй сеҥымашым вияҥдыме да тидын годым лӱддымылык ден талылыкым ончыктышо» Андрей Кошкин Совет Ушемын Талешкыже лӱмым сулен, Ленин орден ден «Шӧртньӧ Шӱдыр» медальым кучыктымо^[1]^[2].

Сар пытымек демобилизоватлалтын. Волжскыш пӧртылын, угыч кагаз комбинатыште пашам ышташ тӱҥалын. Кенета 1958 ий 30 январьыште колен^[1].

Тыгак Йошкар Тисте орден дене да икмыняр медаль орден дене суапландаралтыныт^[1].

Шарныктыш

Тудын лӱмеш урем лӱмдалтын да Волжскышто бюстым шогалтыме^[1].
Сарзе-историй обществе Андрей Кошинын талылыкшым шарныме лӱмеш, тудын тунемме Кайбиц кундемысе Кугу Подберезовский кыдалаш школжын оралте пырдыжеш мемориал оҥам вераҥден.

Палемдымаш

↑ ¹ ² ³ ⁴ ⁵ ⁶ Андрей Евдокимович Кошкин (руш.). Сайт «Герои страны».
↑ Указ Президиума Верховного Совета СССР «О присвоении звания Героя Советского Союза офицерскому, сержантскому и рядовому составу Красной Армии» от 22 февраля 1944 года // Ведомости Верховного Совета Союза Советских Социалистических Республик : газета. — 1944. — 5 ӱярня (№ 13 (273)). — С. 1. Архивлыме 3 пургыж 2022 ий.

Литератур

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Кошкин Андрей Евдокимович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 451—452. — 872 с. — 3505 экз. — ISBN 978-5-94950-049-1.
Кошкин Андрей Евдокимович // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 115—117. — 374 с. — 500 экз. — ISBN 978-5-94950-070-5.
Мочаев В. А. Кошкин Андрей Евдокимович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 222. — 606 с. — 1500 экз. — ISBN 978-5-905314-35-3.

Кылвер-влак

Андрей Евдокимович Кошкин (руш.). Сайт «Герои страны».

[wh-1] ¹ ² ³ ⁴ ⁵ ⁶ Андрей Евдокимович Кошкин (руш.). Сайт «Герои страны».

[2] Указ Президиума Верховного Совета СССР «О присвоении звания Героя Советского Союза офицерскому, сержантскому и рядовому составу Красной Армии» от 22 февраля 1944 года // Ведомости Верховного Совета Союза Советских Социалистических Республик : газета. — 1944. — 5 ӱярня (№ 13 (273)). — С. 1. Архивлыме 3 пургыж 2022 ий.

[1]

[2]