Константинов, Георгий Викторович

РУВИКИ-ште тыгай тукымлӱм дене вес еҥ нерген статьям лудаш лиеш: Константинов.

Георгий Викторович Константинов
Шочмо кече	1924 ий 20 шорыкйол(1924-01-20)
Шочмо вер	Коломно, Моско губерний, РСФСР, СССР
Колымо кече	1994 ий 19 идым(1994-09-19) (70 ий)
Колымо вер	Йошкар-Ола, Россий
Гражданлык	СССР  Россий
Паша сомыл	театр режиссёр
Награде да премий

Георгий Викторович Константинов (20 шорыкйол 1924, Коломно, Моско губерний^[d] — 19 идым 1994, Йошкар-Ола) — совет театр режиссёр. РСФСР-ын калык артистше (1981).

Илыш корныжо

1924 ийыште Коломно олаште шочын. Ачаже, Виктор Филаретович — хирург, аваже книгагудызо лийын. 1941 гыч 1944 ий марте Кугу Ачамланде сарын фронтлаштыже лийын.

1952 ийыште Горькийысе театр училищым, 1955 ийыште — Горькийысе пединститутын филологий факультетшым, а 1961 ийыште — Р. Н. Симоновын мастерскойыштыжо Кӱшыл режиссёр курсым тунем лектын. Сцене пашажым 1952 ийыште Павлово-на-Оке оласе драме театрыште режиссёр семын тӱҥалын, тушто тудо 1957 ий марте пашам ыштен. Вара, 1958 ий марте, Курык Алтайысе сем театрыште, 1958 гыч 1964 ий марте — Вольскысо драме театрыште да 1964 гыч 1994 ий марте — Йошкар-Оласе драме театрыште пашам ыштен.

1980 ий гыч 1985 ий марте Марий АССР Кӱшыл Каҥашын X-шо созывысе депутатше лийын.

Йошкар-Оласе Туруново шӱгарлаште тойымо.

Усталык пашаже

Георгий Викторович тыгай произведений-влак почеш спектакльлам шынден: Д. Павлован «Совесть» (1964), А. Салынскийын «Барабанщица» (1965), В. Кожевниковын ден В. Токаревын «Щит и меч» (1966), Л. Леоновын «Нашествие» (1975), Б. Лавренёвын «Мятеж» (1977), А. Абдуллинын «13-й председатель» (1980), А. Дударевын «Рядовые» (1982), А. Козловскийын «Эффект Редькина» (1985), А. Крупняков ден Г. Константиновын «Начало» (1988). Нине спектакль-влак пьесын вичкыж ойыртемжым (стильжым) палемден ончыктымо, сайын ужын-шижмаш, театрысе йыръюжым шыҥдараш тыршымаш дене ойыртемалтыт. 1972 ийыште А. Толстойын пьесыж почеш «Царь Фёдор Иоаннович» спектакльын шочмыжо республикысе театр сымыктышын вияҥмаштыже посна йыжыҥ лийын. 1974 ийыште Георгий Викторович Марий АССР-ын Кугыжаныш премийже дене суапландаралтын, а режиссёр, сӱретче да тӱҥ рольым модшо актёр-влак лауреат лийыныт.

Г. В. Константинов режиссёр гына огыл, тыгак А. Крупняков дене пырля возымо, Марий кундемын историйже нерген, тудын историйжым ончыктышо пьесе-влакын авторжо лийын. «Последний решительный» (1968), «Начало» (1988) спектакль-влак — республикыште совет кучемым пеҥгыдемдыме нерген каласкалат. Г. В. Константиновын режиссёр пашаже-влак вашшогымашым тачысе жаплан келыштарен умылтарыме, чон кумылым раш ончыктымо, шочмо элын айдемыже улмо кӱкшӧ умылымашым (гражданственность) шыҥдарыме дене ойыртемалтыт.

1960—1980-ше ийлаште Г. В. Константиновын шындыме спектакль-влак:

• Д. Павлов «Совесть» (1964—1965 ийла)*
• Микола Зарудный «Чужой дом» (1964);
• Райнис «Вей, ветерок» (1965);
• Виль Липатов «Земля не на китах» (1966);
• В. Кожевников ден В. Токарев «Щит и меч» (1966);
• Арк. Крупняков «Расплата» («Лада») (1966);
• В. Шекспир «Отелло» (1966);
• М. Горький «На дне» (1967);
• Л. Зорин «Варшавская мелодия» (1968);
• А. Софронов «Наказание без преступления» (1968);
• А. Крупняков ден Г. Константинов «Последний решительный» (1968);
• Э. Брагинский ден Э. Рязанов «С легким паром» (1969);
• А. Островский «Женитьба Белугина» (1970);
• Ю. Семёнов ден В. Токарев «Семнадцать мгновений весны» (1970);
• Б. Рацер ден В. Константинов «Неравный брак» (1970);
• М. Горький «Мещане» (1970);
• Л. Митрофанов, А. Данилов «Человек с чужой биографией» (1971);
• А. Толстойын «Царь Фёдор Иоаннович» пьесыже почеш (1972);
• А. Островский «Бешеные деньги» (1972);
• Генрик Ибсен «Нора» (1973);
• В. Константинов ден Б. Рацер «Проходной балл» (1974);
• Л. Леонов «Нашествие» (1975);
• В. Константинов ден Б. Рацер «Гостиница на сутки» (1975);
• Б. Лавренёв «Мятеж» (1977);
• А. Абдуллин «13-й» (1980);
• Эдуардо де Филиппо «Филумена Мартурано» (1982);
• А. Дударев «Рядовые» (1985);
• А. Козловский «Эффект Редькина» (1985);
• А. Галин «Звёзды на утреннем небе» (1987);
• А. Крупняков ден Г. Константинов «Начало» (1988);
• Э. Брагинский ден Э. Рязанов «Родственники»;
• Колин Хиггинс «Гарольд и Мод» (1989);
• Лопе де Вега «Дурочка»;
• К. Романов «Царь Иудейский»;
• А. Миллер «Все мои сыновья»;
• А. ден П. Тур «Чрезвычайный посол»;
• В. Розов «Гнездо глухаря».

• Скобкышто театр тургымын икымше ийже ончыкталтын. Мутлан, 1965—1966 тургым, а скобкышто — 1965.

Ешыже

• Пелашыже — РСФСР-ын калык артисткыже Нинель Константинова;
• Эргыже — режиссёр Владислав Константинов.

Чаплӱм да суаптар-влак

• 1-ше степенян Ачамланде сар орден;
• Йошкар Шӱдыр орден;
• Паша Йошкар Тисте орден;
• Калык-влак Келшымаш орден (6 июнь 1994) — театр сымыктышыште суаплан;
• Медаль-влак;
• РСФСР-ын калык артистше (1981);
• РСФСР сымыктышын сулло пашаеҥже (1970);
• Марий АССР сымыктышын сулло пашаеҥже (1967);
• Марий АССР Кугыжаныш премийын лауреатше (1974).

Шарнымаш

• 1994 ий 30 сентябрь гыч Георгий Викторовичын лӱмжым Руш академ драме театр нумалеш (Йошкар-Ола).
• 2002 ий 22 ноябрьыште Йошкар-Олаште Георгий ден Нинель Константиновмыт лӱмеш мемориал оҥам пайремлын почыныт. Шарнымаш оҥам Йошкар-Олаште Вознесенский уремыште 108 №-ан пӧрт пырдыжыште вераҥдыме. Лач тиде пӧртыштӧ палыме вате-марий кужу жап илен.
• 1998 ий 15 июльышто Туруново шӱгарлаште Г. В. Константиновлан чапкӱм шогалтеныт (автор-влак — скульптор-шамыч С. Яндубаев ден А. Ширнин).

Палемдымаш

Литератур

• Константинов Георгий Викторович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 446. — 872 с. — 3505 экз. — ISBN 978-5-94950-049-1.
• Мочаев В. А. Константинов Георгий Викторович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 214—215. — 606 с. — 1500 экз. — ISBN 978-5-905314-35-3.