Караваев, Георгий Аркадьевич

Георгий Аркадьевич Караваев
Георгий Аркадьевич Караваев
СССР-ын чоҥымо паша шотышто министрже
	1967 ий 21 пургыж — 1986 ий 24 шорыкйол
Ончычсо пашаеҥ	должностьым угыч ыштыме; Николай Александрович Дыгай (1953—1957)
Алмаштыше	Решетилов, Владимир Иванович
Тӱҥпыштыкым финансылыме Пӱтыньушемысе банк виктерын председательже (1961—1963), СССР-ын чоҥымо паша шотышто Кугыжаныш комитетысе председательын икымше алмаштышыже (1963—65) — СССР министр
	1961 ий теле — 1965 ий 9 шыжа
Шочын	21 ӱярня (3 вӱдшор) 1913 ий; Санкт-Петербург, ; Россий империй
Колен	1994 ий 3 кылме (81 ий); Моско, Россий Федераций
Тойымо вер	Троекуров шӱгарла
Пелаш	Караваева Нина Александровна (1913—1993)
Партий	ВКП(б) (1940 гыч)
Образований	Санкт-Петербургысо вӱд коммуникаций кугыжаныш университет[d];

Георгий Аркадьевич Караваев (1913—1994) — советысе кугыжаныш паша, СССР-ын чоҥымо паша шотышто министрже (1967—1986). Социалист Пашан Талешкыже. Кокымшо степенян Сталин премийын лауреатше.

Илыш корныжо

Караваевын шӱгарже Москосо Троекуров шӱгарлаште

1913 ий 21 март (3 апрель) Санкт-Петербургышто шочын. 1935 ийыште инженер-гидротехник специальность дене ЛИИВТ-ым тунем пытарен.

1936—1937 ийлаште — Архангельск кундемысе чоҥымаште: инженер, кугурак инженер.

1937—1942 ийлаште — прораб, «Гидростройын» начальникше, чоҥымаште тӱҥ инженержын алмаштышыже.

1942—1943 ийлаште — СССР НКВД-ын Краснотурьинскысе Богословский алюминий заводын тӱҥ инженержын алмаштышыже (Свердлов область).

1943—1945 ийлаште — СССР наркоматын Харьковышто 26-шо №-ан чоҥымашын чоҥымо-монтаж ужашын начальникше.

1945—1951 ийлаште — СССР машинчоҥышо ыштыкверын чоҥымашын чоҥышо-монтаж шотышто министерствыжын 44-ше №-ан управленийын управляющийже (Николаев ола), посна чоҥымо-монтаж ужашын начальникше.

1951 ийыште — машинчоҥышо ыштыквер-влакым чоҥымо шотышто министерствын Главюгстройжын начальникше.

1951 ийыште — машинчоҥышо ыштыквер-влакым чоҥышо министрын алмаштышыже, вара Варшавыште Тӱвыра да шанче полатым чоҥышо начальник — неле индустрий ыштыквер-влакым чоҥымо шотышто министрын алмаштышыже.

1954—1957 ийлаште — СССР-ын металлургий да химий йӧнозанлык ыштыквер-влакым чоҥымо шотышто министрын икымше алмаштышыже.

1957—1959 ийлаште — Свердловск совнархоз председательын алмаштышыже.

1959—1960 ийлаште — СССР Госстройын чоҥымым да производствым шотаҥдарыме пӧлкан начальникше.

1960—1961 ийлаште — СССР СМ-ын чоҥымо паша шотышто Кугыжаныш комитетшысе председательын икымше алмаштышыже.

1961—1963 ийлаште — тӱҥпыштыкым финансылыме Пӱтыньушемысе банк виктерын председательже.

1963—1965 ийлаште — СССР-ын чоҥымо паша шотышто Кугыжаныш комитетысе председательын икымше алмаштышыже (декабрь 1961 — октябрьыште 1965 ийлаште — СССР министр).

1965—1967 ийлаште — СССР-ын чоҥымо паша шотышто Кугыжаныш комитетыште икымше алмаштыше.

1967—1986 ийлаште — СССР чоҥымо паша шотышто министр.

СССР ВС калык-влак каҥашын 7-11 созывысе депутатше (1966-1989) Марий АССР деч. 1940 ий гыч ВКП(б) йыжъеҥ. 1976—1986 ийлаште КПСС ЦК йыжъеҥ (1971—1976 ийлаште кандидат).

1986 ий январь гыч ушем ыҥан пенсионер.

1994 ий 3 ноябрьыште колен. Москосо Троекуров шӱгарлаште тойымо.

Суаптар ден чаплӱмжӧ-влак

Социалист Пашан Талешкыже (1983).
Ныл Ленин орден
Октябрь Революций орден
Пашан Йошкар Тисте орденже, нылыт
Кокымшо степенян Сталин премий (1950) — чоҥымо пашаште у йӧным шонен мумылан да шыҥдарымылан
Йошкар-Олан Чап гражданинже

Литератур

Колесников А. Ю., Мочаев В. А. Караваев Георгий Аркадьевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 192. — 606 с. — 1500 экз. — ISBN 978-5-905314-35-3.

Кылвер-влак