Дворецкий, Максим Лаврович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Дворецкий.
Максим Лаврович Дворецкий
Дворецкий, Максим Лаврович.jpg
Шочмо кече 1898 ий 27 шорыкйол(1898-01-27)
Шочмо вер Льяшево, Тетюш уезд, Озаҥ губерний, Россий империй
Колымо кече 1984 ий 22 ӱярня(1984-03-22) (86 ий)
Колымо вер Йошкар-Ола, Марий ССР, РСФСР, СССР
Эл  Россий империй
 СССР
Шанче алан чодырам ончышо
Паша вер М. Горький лӱмеш Юлсер чодыра-технологий институт
Шанче степень ялозанлык шанче доктор
Шанче званий профессор
Награде ден премий-влак

Марий АССР шанче да техникын сулло пашаеҥже (1968)

Максим Лаврович Дворецкий (1898 ий 27 январь, Льяшево ял, Тетюш уезд, Озаҥ губерний, Россий империй — 1984 ий 22 март, Йошкар-Ола, Марий АССР, РСФСР, СССР) — совет жапыште чодырам шымлыше шанчыеҥ, ялозанлык шанче доктор, профессор. М. Горький лӱмеш Юлсер чодыра-технологий институтын чодыра таксаций (аклымаш) да чодырам шотаҥдарымаш кафедрын вуйлатышыже (1946—1981). Марий АССР шанче да техникын сулло пашаеҥже (1968). Российысе граждан сарын да Кугу Ачамланде сарын участникше. ВКП(б)-н йыжъеҥже.

Илыш корныжо

1898 ий 27 январьыште кызытсе Татарстан Республик Тетюш велысе Льяшево ялыште икмарда кресаньык ешеш шочын[1][2]. Калык шот дене — чуваш[3].

Кӱшыл (4 ияш) ялысе черке приход школым мокталтыме серыш дене, 1918 ийыште — Озаҥ гимназийым шӧртньӧ медаль дене тунемын пытарен[1].

Российысе граждан сарын салтакше: 1918 ий августышто ош армийыш мобилизоватлыме, стрелок, ротысо тияклан служиен. 1919 ий шыжым РККА радамыш куснен да 1921 ий май марте 5 Армийын 4 чоҥышо Сибирь полкыштыжо служиен. Тыште тудо ончыч кӱртньыгорным оролышо 119 посна стрелок батальонысо культпросветкомиссийын йыжъеҥжылан пашам ыштен, а вара, 247 стрелок-влак батальонын полкысо культпросветкомиссийын председательже лийын, тудым Йошкар Армийын 4-ше стрелок-влак Сибирь полкыш савыреныт.

1925 ийыште Озаҥ институтын ялозанлык да чодыра факультетшым, 1929 ийыште тышштак апирантурым тунем пытарен. Ассистентлан, чодыра таксацийым (аклыше) туныктышылан, доцентлан коденыт, 1932 ийыште вуз дене пырля Марий автоном областьысе Йошкар-Олаш куснен[3].

1932—1934 ийлаште — Татар чодыра озанлык трест пелен агролесомелиорацийысе шымлыше-проектым ямдылыше партийын начальникшым алмаштышыже, начальникше.

1934—1938 ийлаште — М. Горький лӱмеш Юлсер чодыра-технологий институтын доцентше[1].

1938—1940 ийлаште — ВНИИЛХ-ысе Татар ЛОС-ын кугурак шанче пашаеҥже.

1940—1942 ийлаште — угыч М. Горький лӱмеш Юлсер чодыра-технологий институтын доцентше[1].

1942 ий сентябрьыште Провой районысо военкомат РККА-ш ӱжын. Кугу Ачамланде сарын салтакше: 1943 ий март гыч — Воронеж фронтышто миномёт бригадын шотлышо командирже, сержант. 1943 ий октябрьыште тудын расчётше 244.5 кӱкшака верч кредалмаште тушманын 5 пулемёт точкыжым да 10 наре салтакым пытарен. Моштен лӱйкалымылан кӧра, пехото йомдарымаш деч посна ончыко эртен да пеш писын кӱкшыкам поген налын. Тиде тале пашалан М. Л. Дворецкий Йошкар Шӱдыр орден дене палемдалтын. 1944 ий июль гыч 1945 ий май марте — 2 да 3 Украин фронтлаште 68 гвардий стрелок-влак дивизий штабыште 4 пӧлкан кугурак писарьже, гвардий сержант. Пӱтынь сарым фронтын ончыл радамыштыже эртен, тушман деч Ачамландым, Польшым, Венгрийым, Австрийым утарымаште кредалын, нелын сусырген, контузийым налын, сарын 2 группо инвалидше. 1945 ий сентябрьыште Кечывалвел-касвел фронтын да 3 Украин фронтын 18 посна офицер тӱшкан шапаш полкыштыжо лийын, армий гыч административ службын гвардий изирак лейтенантше лӱмпале дене демобилизоватлыме. Медаль-влак дене палемдалтын, ты шотыштак «Лӱддымылыклан» / «За отвагу» медаль дене[1][4][5][6].

1946—1981 ийлаште — М. Горький лӱмеш Юлсер чодыра-технологий институтын чодырам аклыше (таксаций) да шотандарыше кафедрын вуйлатышыже. 1947 ийыште кандидат диссертацийым арален, ялозанлык шанче кандидат (1947). 1960 ийыште докторлык диссертацийым арален, ялозанлык шанче доктор (1961)[1]. 1963 ийыште тудлан профессор лӱмым пуымо.

1968 ийыште шанче аланыште суапшылан да чодыра озанлык пашаеҥ-влакым ямдылымылан «Марий АССР шанчын да техникын сулло пашаеҥже» чаплӱмым пуымо. «Почёт пале» орден дене, медаль-влак дене, да РСФСР Кӱшыл Каҥаш Президиумын Чапкагазше дене суапландарыме[1].

1984 ий 23 мартыште Йошкар-Олаште колен, туштак тойымо[1].

Шанче паша

1947 ийыште «О допущениях при выводе приростных формул в лесной таксации» / «Чодырам аклымаште кушмо формулым лукмо годым ситыдымаш нерген» темылан кандидат диссертацийым арален. Ялозанлык шанче кандидат (1947)[3].

1960 ийыште С. М. Киров лӱмеш Чодыратехнике академийыште «Текущий прирост по объёму древесины ствола и запасу наличного древостоя и способы его определения» «Пушеҥге рӱдӧ гыч кызыт кушмым да пушеҥгын улшо шапашыжым палымаш» темылан докторлык диссертацийым арален. Ялозанлык шанче доктор (1961)[3].

Тудо пушеҥге рӱдын кушмо йодышым шымлен, пушеҥгын мыняр кушмыжым шотлен лукмо йӧным темлен: тиде вариаций статистиклан, чодыра озанлыкыште авиацийым да аэрофотосъёмкым кучылтмылан пӧлеклалтше 120 утла паша[1]. Нунын коклаште — 8 монографий, тунемме пособий да моло шанче паша-влак[3].

8 автор свидетельствыже уло («таксатор трость», кӱкшытым висыше да молат)[1].

Кужу жап СССР чодыра озанлык Комитетын шанче-технике каҥаш секцийын йыжъеҥже лийын, СССР ВАК эксперт комиссийын йыжъеҥже, «Чодыра журнал» редколлегийын да кандидат да доктор диссертацийым аралыме шотышто шанче каҥаш-влакын йыжъеҥже[1][3][7].

Тӱҥ шанче пашаже-влак

Умбакыже М. Л. Дворецкийын тӱҥ шанче паша-влакшым радамлыме[8][9]:

  • Таблицы процента прироста древесных стволов. — Казань, 1928. — 24 с.
  • Объём ствола по массовым таблицам. — Казань, 1931. — 15 с.
  • Выращивание сосны в питомниках Волжско-Камского края. — Йошкар-Ола: Маргосиздат, 1937. — 83 с.
  • Сортиментные таблицы для дуба, клена и липы [Текст] : (Для сев.-вост. р-нов водоохран. зоны) / М. Л. Дворецкий, В. И. [?] Крайнев; [Сост. Всес. н.-и. ин-том лес. хоз-ва] ; Гл. упр. лесоохраны и лесонасаждений при СНК СССР. — Москва: Гослестехиздат, 1943 (Калуга). — 88 с.
  • О допущениях при обосновании приростных формул в лесной таксации: автореф. дис. …канд. с.-х. наук. — Л.: ЛТА, 1946. — 42 с.
  • Практическое пособие по вариационной статистике: (для студ. лесохоз. фак.). — Йошкар-Ола, 1954. — 85 с.
  • Практическое пособие по вариационной статистике (для студ. лесохоз. фак.). — 2-е изд., перераб. — Йошкар-Ола, 1961. — 99 с.
  • Текущий прирост древесины ствола и древостоя. — М.: Лесн. пром-сть, 1964. — 125 с.
  • Таксационные признаки древостоя насаждения. — Йошкар-Ола, 1968. — 28 с.
  • Пособие по вариационной статистике (для лесохозяйственников). — 3-е изд., перераб. и доп. — М.: Лесн. пром-сть, 1971. — 104 с.
  • Определение запаса и текущего прироста запаса древостоя элемента леса: (лекция по курсу «Лесная таксация» для студ. лесохоз. спец. 1512). — Йошкар-Ола, 1974. — 35 с.
  • Определение запаса древостоев элементов леса и их совокупностей: учеб. пособие для лесохоз. спец. 1512. — Горький: ГГУ, 1977. — 62 с. — Совместно с П. М. Верхуновым.
  • Лесоводственные признаки и таксационные показатели древостоя: учеб. пособие. — 2-е изд., испр. и доп. — Горький: ГГУ, 1979. — 59 с. — Совместно с П. М. Верхуновым.
  • Таксация отдельных деревьев и их разновидных совокупностей: учеб. пособие. — Горький: ГГУ, 1979. — 100 с. — Совместно с П. М. Верхуновым.
  • Таксация прироста древесного ствола: учеб. пособие. — Горький: ГГУ, 1979. — 52 с. — Совместно с П. М. Верхуновым.

Чаплӱм-влак да суаптар-влак

Пашалан

  • Марий АССР шанчын да техникын сулло пашаеҥже (1968)[1]
  • «СССР чодыра озанлыкысе социалист таҥасымашын отличникше» значок (1969)
  • «Почёт пале» орден (1954)[1]
  • «Чапле пашалан. Владимир Ильич Ленинын шочмыжлан 100 ий темме лӱмеш» медаль (1970)[1]
  • РСФСР Кӱшыл Каҥаш Президиумын Чапкагазше (1970 ий 1 ноябрь)[1] — озанлык да тӱвырам чоҥымаште чолган тыршымылан да пашаште шумо сеҥымашлан
  • Марий АССР Кӱшыл Каҥаш Президиумын Чап грамотыжо

Сарыште

Шарнымаш

  • Чодырам шымлыше М. Л. Дворецкий нерген материал-влак Юлсер кугыжаныш технологий университетысе историй тоштерыштын ончерыштыже аралалтыт[4].

Палемдымаш

  1. ↑ 1 2 3 4 5 6 7 8 9 10 11 12 13 14 15 Мочаев, 2017, с. 121.
  2. ↑ Энциклопедия Тетюшского муниципального района. Д-З. Д (Яна Малыкина) (руш.). kartaslov.ru. Тергыме кече: 27 шорыкйол 2026.
  3. ↑ 1 2 3 4 5 6 Энциклопедия | Дворецкий Максим Лаврович. enc.cap.ru. Тергыме кече: 27 шорыкйол 2026.
  4. ↑ 1 2 3 4 5 6 7 Дворецкий Максим Лаврович (руш.). historydepositarium.ru. Тергыме кече: 27 шорыкйол 2026.
  5. ↑ 1 2 3 4 Дворецкий Максим Лаврович :: Память народа. pamyat-naroda.ru. Тергыме кече: 27 шорыкйол 2026.
  6. ↑ Дворецкий Максим Лаврович :: Память народа. pamyat-naroda.ru. Тергыме кече: 27 шорыкйол 2026.
  7. ↑ Лесной журнал — Юбилей профессора Максима Лавровича Дворецкого. lesnoizhurnal.ru. Тергыме кече: 27 шорыкйол 2026.
  8. ↑ Максим Лаврович Дворецкий, Василий Павлович Крайнев. Сортиментные таблицы для дуба, клена и липы: Для сев.-вост. р-нов водоохран. зоны. — Москва: Гослестехиздат, 1943. — 88 с.
  9. ↑ Центральная Научная Библиотека КНЦ СО РАН. irbiscorp.spsl.nsc.ru. Тергыме кече: 27 шорыкйол 2026.

Литератур

  • Славный юбилей: [к 75-летию со дня рожд. М. Л. Дворецкого, специалиста в области лесной таксации] / И. С. Аверкиев, М. Д. Данилов, А. К. Денисов и др. // Известия вузов. Лесной журнал. — 1973. — № 1. — С. 174—175.
  • Грачёв В. Его призвание — научный поиск: 80 лет М. Л. Дворецкому // Марийская правда. — 1978. — 31 января.
  • Тресцов Б. И. Марийский лес: очерки по развитию лесного хозяйства и лесных отраслей Республики Марий Эл. — Йошкар-Ола: Периодика Марий Эл, 1997. — 301 с.
  • К 100-летию со дня рождения Максима Лавровича Дворецкого / Г. С. Ощепков, П. А. Соколов, П. М. Верхунов и др. // Известия вузов. Лесной журнал. — 1998. — № 2—3. — С. 198—199.
  • Кафедра лесной таксации и лесоустройства // Марийский государственный технический университет. 70 лет. — Йошкар-Ола: МарГТУ, 2002. — С. 47.
  • Анучина Л. А. Дворецкий Максим Лаврович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 105. — 2032 экз. — ISBN 5-87898-357-0.
  • Дворецкий Максим Лаврович / Федеральное агентство по образованию, Марийский гос. технический ун-т, Науч.-техническая б-ка, Науч.-библиогр. отд.; [сост. Лаврова Г. П.]. — Йошкар-Ола: Марийский гос. технический ун-т, 2009. — 35 с.: портр.; 20 см. — (Материалы к биобиблиографии учёных. Серия «Учёные МарГТУ»; Вып. 11).
  • Анучина Л. А. Дворецкий Максим Лаврович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 121. — 606 с. — 1500 экз. — ISBN 978-5-905314-35-3.
  • Энциклопедия Тетюшского муниципального района. Д-З. Сост. О. Н. Евсеев. — Казань, 2022. — С. 9.

Кылвер-влак

"https://mhr.ruwiki.ru/w/index.php?title=Дворецкий,_Максим_Лаврович&oldid=1195584" гыч налме