Гребнев, Иван Алексеевич

Иван Алексеевич Гребнев
Иван Алексеевич Гребнев
2 Марий АССР Кӱшыл Каҥашын председательже
	1944 ий 1 вӱдшор — 1951 ий 23 вӱдшор
Ончычсо пашаеҥ	Роман Михайлович Мамаев
Алмаштыше	Тимофей Ильич Кавалеров
Шочын	1903 ий 16 сорла; Чӱксола, Вӱрзым уезд, Виче губерний, Россий империй
Колен	1959 ий 13 пургыж (55 ий); Йошкар-Ола, Марий АССР, РСФСР, СССР
Паша	партий пашаеҥ, депутат
Награде

Иван Алексеевич Гребнев (1903 ий 16 август, Чӱксола ял, Вӱрзым уезд, Виче губерний, Россий империй — 1959 ий 13 февраль, Йошкар-Ола, Марий АССР, РСФСР, СССР) — марий совет партий да кугыжаныш пашаеҥ. Марий АССР Кӱшыл Каҥашын I да II созывысо председательже (1944—1951). 1928 ий гыч ВКП(б) йыжъеҥ. Кугу Ачамланде сарын участникше.

Илыш корныжо

1903 ий 16 августышто Марий Эл У Торъял вел Чӱксола ялысе^[1] кресаньык ешеш шочын ^[2]^[3]^[4].

1928 ийыште ВКП(б)-ш пурен. 1929 ийыште Марий совет партшколым, 1936 ийыште — Марий Кӱшыл коммунист ялозанлык школым тунем лектын. Тунамак партий пашаш пурен: 1929 ий гыч — пӧлка вуйлатыше, 1931—1934 ийлаште — районысо контроль комиссий председательын алмаштышыже, Марий автоном областьысе Провой ВКП(б) райком секретарын алмаштышыже (МАО). Вара технике секретарь лийын, 1934—1935 ийлаште — МАО ВКП(б) РК пеленсе Партий контроль комиссийын партий следовательже, 1936—1937 ийлаште — Марий АССР Шернур районын прокуроржо, 1938—1939 ийлаште ВКП(б) Марий обком пӧлкажым вуйлатен. 1939—1941 ийлаште – Моркысо партий райкомын 1-ше секретарьже^[2]^[3]^[4].

1941 ийыште РККА-шке налалтын. Кугу Ачамланде сарын салтакше: 1941 ий февраль—июльышто Ленинградысе ВКП(б) РК пеленсе Ленин курсын студентше, шке кумылын фронтыш каен; Ленинград фронтышто НКВД войскан политрукшо, кугурак лейтенант. Сарысе медаль-влак дене суапландаралтын, ты шотыштак «Ленинградым аралымылан» медаль дене. 1943 ий августышто Марий АССР-ыш служиаш кусаралтын^[2]^[3]^[4]^[5].

1943 ий гыч — ача-аван тӱткыш деч посна шала кушшо йоча-влак дене пашам ыштыше Марий АССР НКВД пӧлкан вуйлатышыже, 1944—1949 ийлаште — Марий АССР Сотнур ВКП(б) райкомын 1-ше секретарьже. Москошто ВКП(б) РК пеленсе идалыкаш курсым тунем пытарен. 1951—1958 ийлаште МАССР Медведево леспромхоз директорын политчасть шотышто алмаштышыже лийын^[2]^[3]^[4].

1938 ий гыч 1951 ий марте Марий АССР Кӱшыл Каҥашын депутатше лийын, 1944—1951 ийлаште — Марий АССР Кӱшыл Каҥашын I да II созывысе председательже^[2]^[3]^[4]^[6].

Тудын шуко ий партий-кугыжаныш пашам порын шуктымыжлан «Почёт пале» орден да Марий АССР Кӱшыл Каҥаш Президиумын Чапкагазше дене (кок гана) палемденыт^[3]^[4].

1959 ий 13 февральыште Йошкар-Олаште колен^[2]^[3]^[4].

Суаптар

«Почёт пале» орден (1946)^[2]^[3]^[4]
«Ленинградым аралымылан» медаль^[3]^[4]
«1941—1945 ийласе Кугу Ачамланде сарыште Германийым сеҥымылан» медаль^[4]
«1941—1945 ийласе Кугу Ачамланде сарыште суапле пашалан» медаль^[4]
Марий АССР Кӱшыл Каҥаш президиумын чапкагазше (1946, 1953)^[2]^[4]

Палемдымаш

↑ Чуксола (Нижняя Чуксола) | Родная Вятка (неопр.). rodnaya-vyatka.ru. Тергыме кече: 24 вӱдшор 2022.
↑ ¹ ² ³ ⁴ ⁵ ⁶ ⁷ ⁸ Мочаев, 2007, с. 110.
↑ ¹ ² ³ ⁴ ⁵ ⁶ ⁷ ⁸ ⁹ Листая страницы истории Парламент в лицах (неопр.). yoshkarola.bezformata.com. Тергыме кече: 24 вӱдшор 2022. Архивлыме 24 вӱдшор 2022 ий.
↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² К 80-летию высшего законодательного органа республики Руководители Верховного Совета второго созыва (неопр.). yoshkarola.bezformata.com. Тергыме кече: 24 вӱдшор 2022. Архивлыме 24 вӱдшор 2022 ий.
↑ Герой Гребнев Иван Алексеевич (неопр.). Дорога памяти. Тергыме кече: 24 вӱдшор 2022. Архивлыме 24 вӱдшор 2022 ий.
↑ Официальный сайт Госсобрания Республики Марий Эл (неопр.). old.gsmari.ru. Тергыме кече: 24 вӱдшор 2022.

Литератур

Гребнев Иван Алексеевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 96. — 2032 экз. — ISBN 5-87898-357-0.
Мочаев В. А. Гребнев Иван Алексеевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 110. — 606 с. — 1500 экз. — ISBN 978-5-905314-35-3.

Кылвер-влак

[1] Чуксола (Нижняя Чуксола) | Родная Вятка (неопр.). rodnaya-vyatka.ru. Тергыме кече: 24 вӱдшор 2022.

[_59452d2b56639b1b-2] ¹ ² ³ ⁴ ⁵ ⁶ ⁷ ⁸ Мочаев, 2007, с. 110.

[:1-3] ¹ ² ³ ⁴ ⁵ ⁶ ⁷ ⁸ ⁹ Листая страницы истории Парламент в лицах (неопр.). yoshkarola.bezformata.com. Тергыме кече: 24 вӱдшор 2022. Архивлыме 24 вӱдшор 2022 ий.

[:2-4] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² К 80-летию высшего законодательного органа республики Руководители Верховного Совета второго созыва (неопр.). yoshkarola.bezformata.com. Тергыме кече: 24 вӱдшор 2022. Архивлыме 24 вӱдшор 2022 ий.

[5] Герой Гребнев Иван Алексеевич (неопр.). Дорога памяти. Тергыме кече: 24 вӱдшор 2022. Архивлыме 24 вӱдшор 2022 ий.

[6] Официальный сайт Госсобрания Республики Марий Эл (неопр.). old.gsmari.ru. Тергыме кече: 24 вӱдшор 2022.

[1]

[2]

[3]

[4]

[5]

[6]