ООН-ын официал йылме-влакше
ООН кышкарыште орган-влакын пашаштым шот дене виктараш ман, официал да пашалан кучылтмо йылме-влакым палемдыме. Нине йылме-влакым кажне органын паша радамыштыже ончыктымо. Официал йылме дене ООН чыла тӱҥ документше, резолюцийже-влакат савыкталтыт. Пашалан кучылтмо йылме дене заседанийласе стенографий отчёт-влак савыкталтыт да кеч-могай официал йылме дене каласыме мут-влак кусаралтыт.
ООН-ын официал йылмыжлан шотлалтыт: англичан, араб, испан, китай, руш да француз йылме-влак. Делегаций официалдыме йылме дене ойлынеже гын, тудо шке ойжым официал йылмыш возен але возыде кусарен пуаш йӧным ыштышаш.
Англичан, француз, руш, испан да китай йылмым 1946 ий 1 февральыште официал йылмылан шотлымо.
ЮНЕСОКО-н официал йылмыжлан тыгак куд йылме шотлалтыт.
ООН-ысо Тӱнямбал судын официал йылмыже англичан ден француз йылме-влак улыт[1].
Пашалан кучылтмо йылме-влак
ООН-ысо Секретариатын паша йылмыжлан англичан ден француз йылме-влак шотлалтыт[2]. Нуно 1946 ий 24 июньышто пеҥгыдемдалтыныт.
Лӱдышдымылык Советын паша йылмыжат ООН-ын официал йылмыж гаяк улыт: англичан, араб, испан, китай, руш да француз йылме[2].
1948 ий 7 декабрьыште Генеральный Ассамблейын да Лӱдыкшыдымылык Советын паша йылмыжлан испан йылмым шотлымо.
1968 ий 21 декабрьыште руш йылме Генерал Ассамблейын да Лӱдыкшыдымылык Советын паша йылмыштлан шотлалташ тӱҥалын.
1973 ий 18 декабрьыште китай йылме Генерал Ассамблейын да ООН-со СБ-ын паша йылмышт лийын.
1980 ий 17 декабрьыште араб йылме Генерал Ассамблейын пашазе йылмыже лийын. 1982 ий 15 апрельыште тудо Экосоцын пашаче йылмыже лийын, 1982 ий 21 декабрьыште тудо ООН-ысо СБ пашазе йылмыже лийын.
Палемдымаш
- ↑ STATUTE OF THE INTERNATIONAL COURT OF JUSTICE. Дата обращения: 17 кылме 2012. Архивировано из оригинала 29 пеледыш 2011 года.
- ↑ 2,0 2,1 Все самое интересное об Организации Объединенных Наций. Дата обращения: 13 пеледыш 2020. Архивировано 13 пеледыш 2020 года.
Кылвер-влак
- ООН и многоязычие Архивная копия от 31 сорла 2012 на Wayback Machine