Белянин, Григорий Иванович

Григорий Иванович Белянин
Григорий Иванович Белянин
Шочмо кече	29 пургыж 1924
Шочмо вер	Поланур (Маскасола кундем), Марий автоном область, Горький край, РСФСР[d], СССР;
Колымо кече	3 кылме 1978 (54 ий)
Колымо вер	Йошкар-Ола, Марий Автоном Совет Социализм Республик, СССР;
Гражданлык	СССР
Паша сомыл	колхоз председатель

Григóрий Ивáнович Беля́нин (29 пургыж 1924, Поланур (Маскасола кундем), Марий автоном область, Горький край, РСФСР^[d], СССР — 3 кылме 1978, Йошкар-Ола, Марий Автоном Совет Социализм Республик, СССР) — марий совет ялозанлык пашаеҥ. Марий АССР-ын Медведево районысо В. И. Ленин лӱмеш колхозын председательже (1955—1975), социалист таҥасымашын отличникше. Кугу Ачамланде да совет-япон сар-влакын салтакше. 1953 ий гыч КПСС йыжыҥъеҥ.

Илыш корныжо

1924 ий 29 февральыште кызытсе Марий Элын Медведево районысо Поланур ялеш шочын^[1].

1942 ийыште Марий АССР Медведево районысо Цибикнур кыдалаш школын 10 классшым тунем пытарен^[1].

1942 ий августышто РККА-ш налыныт. Кугу Ачамланде сарын салтакше: Касвел фронтысо 5-ше гвардий армийын 250-ше лӱйкалыше дивизийын 95-ше гвардий лӱйкалыше полкыштыжо лӱйкалыше пӧлкан командирже. Чот сусырген. Совет-япон сарыште — 248-ше посна шапаш бронетанк ротын танк командирже, младший лейтенант. 1946 ий июньышто армий гыч пӧртылын^[1].

1947 ийыште Йошкар-Оласе торгайыме-кооператив школым тунем пытарен^[1].

1949 ий гыч шочмо районыштыжо администраций пашаште лийын. 1953 ийыште КПСС-ыш пурен^[1].

1955—1975 ийлаште — Марий АССР Медведево районысо В. И. Ленин лӱмеш колхозын председательже. Тудын вуйлатымыже почеш озанлык сай лектышыш шуын: республикыште ончыл озанлык-влак радамыш пурен (СССР Ялозанлык министерствын да ВЦСПС-ын куснылшо тистышт дене палемдалтын)^[1]. Озанлыкыште тӱҥ парышым йытын (лён) пуэн, озанлыкын моло тӱрлӧ сомылжат ыштен лукмашым вияҥденыт^[2].

Колхозышто кок гектар пасулан ик сӧснам ӧрдыктарен, кугыжанышлан ужаленыт^[3]. 1961 ийыште колхоз пашам ыштен моштымышт нерген Йошкар-Олаште лекше «За 73 центнера свинины на 100 гектаров пашни» брошюрышто палдареныт^[4].

1978 ий 3 ноябрьыште Йошкар-Олаште илыш дене чеверласен. Шочмо кундемышкыже тойымо^[1].

Суаптар-влак

Пашаште сеҥымашлан

РСФСР ялозанлык социалист таҥасымашын отличникше (22 январь 1963)^[3];
Паша Йошкар Тисте орден (1971)^[1];
«Почёт пале» орден (1966)^[1];
«Чапле пашалан. Владимир Ильич Ленинын шочмыжлан 100 ий темме лӱмеш» лӱмгече медаль (руш.) (мар. (1970);
РСФСР Кӱшыл Каҥаш Президиумын чаптаныкше (1965)^[1];
Марий АССР Кӱшыл Каҥаш Президиумын Чаптаныкше (1960, 1974)^[1];

Сарысе суаплан

Йошкар Шӱдыр орден (1966 ий 24 сентябрь);
«1941—1945 ийласе Кугу Ачамланде сарыште Германийым сеҥымылан» медаль (1945 ий 9 май);
«Японийым сеҥымылан» медаль (1945 ий 30 сентябрь).

Палемдымаш

↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ Мочаев, 2017, с. 53.
↑ Деревня Нужъялы | Государственное бюджетное учреждение "Государственный архив Республики Марий Эл" (неопр.). gosarhivrme.ru. Тергыме кече: 7 пургыж 2026.
↑ ¹ ² Белянин Григорий Иванович (руш.). Марийская история в лицах. Тергыме кече: 7 пургыж 2026.
↑ Белянин, Григорий Иванович. - За 73 центнера свинины на 100 гектаров пашни (руш.). search.rsl.ru. Тергыме кече: 7 пургыж 2026.

Литератур

Они защищали Родину: Вспомним поимённо: Медведевский район / Республика Марий Эл. Администрация Медведевского района; [Респ. Редкол.: Соловьёв В. С. (отв. ред.) и др.]. — Йошкар-Ола: Издательство Марийского полиграфкомбината, 2002. — 390, [1] с., [16] л. ил., портр.; 25 см; ISBN 5-87898-190-4.
Мочаев В. А. Белянин Григорий Иванович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 53. — 606 с. — 1500 экз. — ISBN 978-5-905314-35-3.

Кылвер-влак

Марийская история в лицах. Белянин Григорий Иванович.

[_8acbfb4055000250-1] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ Мочаев, 2017, с. 53.

[2] Деревня Нужъялы | Государственное бюджетное учреждение "Государственный архив Республики Марий Эл" (неопр.). gosarhivrme.ru. Тергыме кече: 7 пургыж 2026.

[:1-3] ¹ ² Белянин Григорий Иванович (руш.). Марийская история в лицах. Тергыме кече: 7 пургыж 2026.

[4] Белянин, Григорий Иванович. - За 73 центнера свинины на 100 гектаров пашни (руш.). search.rsl.ru. Тергыме кече: 7 пургыж 2026.

[1]

[2]

[3]

[4]