Алексий II-лан чапкӱ
| Чапкӱ | |
| Алексий II-лан чапкӱ | |
|---|---|
 Моско ден пӱтынь Русьын Патриархше Шнуй Алексий II-лан чапкӱ | |
| 56°38′12″ с. ш. 47°54′24″ в. д.GЯO | |
| Эл |
 Россий |
| Верланымаш | Йошкар-Ола, Патриарший площадь |
| Скульптор | Ковальчук А. Н. |
| Чоҥымо дате | 2010 ий |
| Кӱкшыт | 3,5 м |
| Материал | той (скульптур); гранит (постамент) |
| Состояний | сай |
Алексий II-лан чапкӱ — Шнуй Алексий II-лан, Моско ден пӱтынь Русьын Патриархшылан, Йошкар-Оласе да Марий епархийым негызлышылан чапкӱ. Тудым 2010 ий 4 августышто почмо[1], Йошкар-Оласе Патриарший площадьыште верлана. Российыште да уло тӱняште Патриархлан ыштыме икымше чапкӱ[2].
Кызытсе жапыште православийын ончылъеҥжылан чапкӱ тыгак Москошто[3], Валаам отрошто[4], Витебскыште[5], Таллиныште[6], Йыхвиште, Минскыште[7], Новгородышто, Сортавалаште да Новочебоксарскыште уло.
Чоҥымо историй
1993 ий 11 июньышто Руш православий черкын Шнуй Синодшын пунчалже почеш Озаҥысе епархий кышкар гыч Йошкар-Оласе да Марий епархий ойыреныт[8]. 1993 ий 24 июльышто Моско да пӱтынь Русьын Патриархше Алексий II Йошкар-Олашке толын, а 1993 ий 25 июльышто Семёновка селасе Шнуй деч Шнуй Юмынаван Шочмо черкыштыже, Юмын литургий годым Патриарх архимандрит Иоанным (Тимофеев) Йошкар-Оласе да Марий епископлан шогалтыме архиерей хиротоний йӱлам шуктен[9].
Шнуй Патриархым шарныме лӱмеш Марий Эл Республикын вуйлатышыжын — Леонид Игоревич Маркеловын — темлымыж почеш, скульптор Андрей Ковальчук Алексий II-лан той чампкӱм ыштен, тудым 2010 ий 4 августышто пайремлын почыныт да шнуяҥденыт[1]. Чапкӱм 2010 ий 29 октябрьыште почылтшо Патриарший площадьыште вераҥденыт[прим. 1].
Чапкӱн сынже
Чапкӱм ик айдемым ончыктышо композиций семын чоҥымо: гранит негыз ӱмбалне — черке кумалтыш деч ӧрдыжсӧ чиеман Шнуй Алексий II-ын капшым (кужу рясе, оҥыштыжо — Юмын Аван сынже дене панагий, вуйыштыжо — серафим-влакым тӱрлымӧ куколь) той дене велыме. Шола кидше дене патриарх тояшке эҥертен, а пурла кидыштыже — Поро Уверым налме (Благовещений) пайремын тамгаже семын шулдыржым шаралтыше кӧгӧрчен. Патриархын шинчаончалтышыже Воскресений эҥерӱмбаке да, Изи Какшан эҥерын вес велныже верланыше Православий Черке да Собор-влак деке виктаралтын, нуным уэш шочыктен чоҥаш тӱҥалме жап лачак тудын патриархлан шогымо годым лийын. Чапкӱн негызыштыже серыме:
Шнуй Алексий II
Москон да пӱтынь Русьын Патриархше
Йошкар-Оласе да
Марий Епархийым негызлыше
Сӱретлен ончыктымаш
Чапкӱм Моско кундемысе Жуковский олаште велыме. Тудын нелытше — 1,6 т, кӱкшытшӧ — 3,5 м утла, материалже — той. Авторжо — Российын калык сӱретчыже, скульптор Андрей Ковальчук[10].
Палемдымаш
- ↑ «Йошкар-Ола» ола округ администрацийын 29.10.2010 деч 3174 №-ан «Йошкар-Олаште уэш чоҥымо площадьым лӱмдымӧ нерген» пунчалже
Кылвер-влак
- ↑ 1 2 Памятник Патриарху. Официальный сайт Йошкар-Олинской епархии РПЦ (4 сорла 2010). Тергыме кече: 30 ага 2013. Архивлыме 30 сӱрем 2016 ий.
- ↑ Памятник Алексию II появится в Минске. Информационная служба фонда «Русский мир» (1 шыжа 2012). Тергыме кече: 30 ага 2013. Архивлыме 30 ага 2013 ий.
- ↑ В Москве открыли первый памятник Святейшему Патриарху Алексию II. Тергыме кече: 16 шорыкйол 2014. Архивлыме 16 шорыкйол 2014 ий.
- ↑ Бюст Алексия Второго установлен на Валааме. Тергыме кече: 16 шорыкйол 2014. Архивлыме 16 шорыкйол 2014 ий.
- ↑ Памятник Алексию Второму открылся в Витебске. Тергыме кече: 16 шорыкйол 2014. Архивлыме 17 шорыкйол 2014 ий.
- ↑ В Таллине открыли памятник Алексию II. Тергыме кече: 16 шорыкйол 2014. Архивлыме 16 шорыкйол 2014 ий.
- ↑ Патриарх Кирилл открыл памятник Алексию Второму в Минске. Тергыме кече: 16 шорыкйол 2014. Архивлыме 16 шорыкйол 2014 ий.
- ↑ Казанская и Татарстанская епархия. Татарстанская митрополия РПЦ. Тергыме кече: 30 ага 2013. Архивировано из оригинала 26 ага 2013 ий.
- ↑ Мироносицкий вестник. Созижду Церковь мою. Йошкар-Олинская епархия РПЦ. Тергыме кече: 30 ага 2013. Архивировано из оригинала 1 кылме 2012 ий.
- ↑ Он собирался и вернулся. Навсегда… molitvu.ru (18 сорла 2010). Тергыме кече: 15 идым 2013. Архивлыме 26 теле 2013 ий.
