Ёлкин, Юрий Николаевич

РУВИКИ — эрыкан энциклопедий гыч материал
Юрий Николаевич Ёлкин
Юрий Николаевич Ёлкин.jpg
Шочмо кече 1923 ий 3 шыжа(1923-10-03)
Шочмо вер Руш Посенур, Марий Турек район, Марий автоном область, РСФСР, СССР
Колымо кече 1997 ий 8 кылме(1997-11-08) (74 ий)
Колымо вер Кугу Карлыган, Марий Турек район, Марий Эл, Россий
Гражданлык  СССР →  Россий
Паша сомыл партий пашаеҥ
Награде да премий

Юрий Николаевич Ёлкин (3 шыжа 1923, Руш Посенур, Марий автоном область, РСФСР[d], СССР — 8 кылме 1997, Кугу Карлыган, Марий Турек район, Марий Эл Республик, Россий) — марий совет партий пашаеҥ, туныктышо. Марий АССР Хлебниково районысо политпашаеҥ (1946—1963), МАССР Марий Турек район «Восход» совхоз парторганизацийын секретарьже (1963—1979). Марий АССР тӱвыран сулло пашаеҥже (1978). Кугу Ачамланде сарын салтакше. 1949 ий гыч ВКП(б) йыжъеҥ.

Илыш корныжо

1923 ий 3 октябрьыште Марий Эл Марий Турек районысо Руш Посенур ялеш шочын[1]. 1941 ийыште Марий Пыламарий педагогике училищым тунем пытарен[2].

1942 ий майыште Пашазе-кресаньык Йошкар Армийыш  (руш.) (мар. налыныт. Кугу Ачамланде сарын салтакше: 1942 ийыште — 46-шо шапаш лӱйкалыше бригадын 38-ше посна шапаш кыл ротын радистше, вара Шем теҥыз флотын суднолаштыже кугурак шкиперже, 1943—1945 ийлаште — Шем теҥыз флот штабын тӱҥ пӧлкажын писарьже, 2-шо статьян старшина. Контузийым налын, сусырген. I степенян Ачамланде сар да Йошкар Шӱдыр орден-влак, медаль-влак, нунын коклаштак «Сарзылык суаплан» медаль дене суапландаралтын[2][3][4].

1946—1963 ийлаште Марий АССР Хлебниково районышто пашам ыштен: туныктышо, политпашаеҥ. 1949 ийыште ВКП(б)-ш пурен. 1954 ийыште, пашам кодыде, Н. К. Крупская лӱмеш Марий педагогике институтым тунем пытарен. 1963—1979 ийлаште МАССР Марий Турек район «Восход» совхозын парторганизаций секретарьже лийын. Пашам сайын ыштыше парторг семын чапланен: 1975 ийыште совхоз коммунист-влакын чотыштым 123 еҥ марте шуктен, тыге сатум ыштен лукмо пашам да мер илышым ятыр шотышто саемден[2].

1978 ийыште тудлан «Марий АССР тӱвыран сулло пашаеҥже» чаплӱмым пуымо. Паша Йошкар Тисте, «Почёт Пале» орден-влак, медаль-влак, тыгак Марий АССР-ысе Кӱшыл Каҥаш Президиумын Чаптаныкше дене палемдалтын[2].

1997 ий 8 ноябрьыште Марий Эл Марий Турек район Кугу Карлыган ялыште илыш дене чеверласен[2].

Чаплӱм да суаптар-влак

Палемдымаш

  1. ↑ Русский Посенур | Родная Вятка. rodnaya-vyatka.ru. Тергыме кече: 16 пургыж 2026.
  2. ↑ 1 2 3 4 5 6 7 8 9 Мочаев, 2017, с. 145.
  3. ↑ #дорогапамяти Участник ВОВ ✩ Елкин Юрий Николаевич (руш.). Музейный комплекс "Дорога Памяти". Тергыме кече: 16 пургыж 2026.
  4. ↑ 1 2 Елкин Юрий Николаевич :: Память народа. pamyat-naroda.ru. Тергыме кече: 16 пургыж 2026.
  5. ↑ Елкин Юрий Николаевич :: Память народа. pamyat-naroda.ru. Тергыме кече: 16 пургыж 2026.
  6. ↑ Елкин Юрий Николаевич :: Память народа. pamyat-naroda.ru. Тергыме кече: 16 пургыж 2026.

Литератур

  • Ёлкин Юрий Николаевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 120. — 2032 экз. — ISBN 5-87898-357-0.
  • Мочаев В. А. Ёлкин Юрий Николаевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 145. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Ёлкин,_Юрий_Николаевич&oldid=1232929" гыч налме