Яковлева, Лариса Николаевна
| Лариса Николаевна Яковлева | ||
|---|---|---|
 | ||
|
| ||
 Марий Эл Республикысе Кугыжаныш Погын Председательын икымше алмаштышыже
 |
||
| 01.10.2024 гыч | ||
|
|
||
| Шочын |
3 пургыж 1963 (63 ий) |
|
| Партий | Единая Россия | |
| Шинчымаш | Н. К. Крупская лӱмеш Марий кугыжаныш педагогике институт | |
| Паша | Марий Эл Республикысе Кугыжаныш Погынын депутатше | |
| Награде |
 |
|
 РУВИКИ.Медиаште медиафайл-влак | ||
Лари́са Никола́евна Я́ковлева (шоч. 3 пургыж 1963, Йошкар Памаш (У Торъял кундем)) — российысе политик пашаеҥ. Российысе марий-влакын федерал калыкле-тӱвыра автономийын председательже, Марий Эл Республикысе Кугыжаныш Погын Председательын (VIII созыв) икымше алмаштышыже[1]. «Единая Россия» партий деч Кугыжаныш Думын V да VI созывласе депутатше (2013—2016), 2014 ий 14 ноябрь гыч Россий Федерацийын Федерал погынышто (VI созыв) Кугыжаныш Думын еш, ӱдырамаш да йоча-влак паша шотышто комитет председательын алмаштышыже[2].
Илыш корныжо
1963 ий 3 февральыште Марий АССР У Торъял вел Йошкар Памаш ялеш шочын.
1986 ийыште Н. К. Крупская лӱмеш Марий кугыжаныш педагогике институтым «историй да англичан йылме» специальность дене тунем пытарен.
Карьере
Паша корныжым 1980 ийыште Советский посёлкысо кыдалаш школышто кугурак пионервожатый семын тӱҥалын. Институтым тунем пытарымеке, тиде школыштак историй ден англичан йылмым туныктен, вара верысе Пионер пӧртын да Йоча усталык пӧртын директоржылан тыршен.
2002—2004 ийлаште — «Советский муниципал район» муниципал образованийын социал йодыш шотышто администраций Вуйлатышын алмаштышыже.
2004 ий гыч 2007 ий декабрьыште Россий Федерацийысе Кугыжаныш Думын депутатшылан сайлалтме марте, Марий Эл Республикысе Туныктыш да шанче министрын алмаштышыжлан пашам ыштен.
2008 ий апрельыште Марий калыкын кундемласе Марий Мер каҥаш мер толкынын председательжылан сайлалтын.
2011 ий гыч 2013 ий ноябрьыште Россий Федерацийын Кугыжаныш Думышкыжо партий списке почеш куснымешке — «Ростелеком» ОАО-н Марий Эл Республикысе филиалжын «Информационное общество» проектым вияҥдыше Управленийын вуйлатышыже.
2013 ийыште «Россий Федерацийысе финн-угор калык-влакын ассоциацийышт» пӱтынь российысе мер толкынын Президиум йыжыҥъеҥжылан сайлалтын.
2013 ий 13 ноябрь гыч — Россий Федерацийын Федерал Погыныштыжо (6-шо созыв) Марий Эл Республик деч Кугыжаныш Думын депутатше. 2014 ий 11 ноябрьыште Россий Федерацийын Кугыжаныш Думышто еш, ӱдырамаш да йоча-влак паша шотышто комитет председательын алмаштышыже лийын.
2014 ий 29 ноябрьыште Россий марий-влакын Федерал калыкле-тӱвыра автономийжын Председательжылан сайлалтын[3].
2016 ий 15 февральыште II степенян «Ачамланде ончылно суаплан» орденын медальже дене суапландаралтын[4].
2016 ийысе Кугыжаныш Думыш сайлымаште «Единая Россия» партий деч ик мандатан марий йырвеч гыч кандидат лийын. Иктешлымаште КПРФ деч кандидат Сергей Казанковлан 37,11 % йӱк дене сеҥалтын, тудыжо 46,23 % йӱкым поген[5].
2016 ийыште Марий Эл Республикыште Айдемын праваже шотышто ӱшанъеҥжылан (Уполномоченныйлан) шогалтыме.
2019 ийыште Марий Эл Республикын VII созывысе Кугыжаныш Погынын депутатшылан сайлалтын. 2022 ий 27 октябрьыште Марий Эл Республикын Кугыжаныш Погын Председательын алмаштышыжлан сайлалтын, ӱшаныме пашам тӱҥ паша деч кораҥде шукта[6].
2024 ий 1 октябрьыште Марий Эл Республикысе Кугыжаныш погын председательын икымше алмаштышыжлан сайлалтын[7].
Шке илышыже
Ешан, кок йочаже, уныкаже-влак улыт.
Суаптар ден чаплӱм-влак
- 2005 — Марий Эл Республикысе образованийын сулло пашаеҥже;
- 2016 — II степенян «Ачамланде ончылно суаплан» орденын медальже;
- 2022 — Россий Федераций президентын таумутшо;
- 2023 — II степенян «Марий Эл ончылно суаплан» орден.
Палемдымаш
- ↑ Государственное Собрание Республики Марий Эл. Заместители Председателя Государственного Собрания Республики Марий Эл 8 созыва (руш.). Государственное Собрание Республики Марий Эл.
- ↑ Состав Комитета Государственной Думы по вопросам семьи, женщин и детей. Тергыме кече: 1 шыжа 2025. Архивировано из оригинала 5 теле 2014 ий.
- ↑ В России зарегистрирована Федеральная национально-культурная автономия марийцев, 7.12.2015, <https://kidsher.ru/ru/society/2282/>.
- ↑ Владимир Путин наградил Валентина Гафта орденом. Российская газета. Тергыме кече: 1 шыжа 2025. Архивлыме 16 пургыж 2016 ий.
- ↑ Васильев, Владимир (20 сентября 2016), ЦИК Республики Марий Эл утвердил результаты выборов в Думу по республике, смотрите окончательные цифры, Газета «Марийская правда», <https://web.archive.org/web/20161009190817/http://www.marpravda.ru/news/sociym/tsik-respubliki-mariy-el-utverdil-rezultaty-vyborov-v-dumu-po-respublike-smotrite-okonchatelnye-tsif/>. Тергыме: 1 шыжа 2025.
- ↑ Лариса Яковлева избрана на должность заместителя председателя марийского парламента (руш.). Кидшер. Кидшер (27 шыжа 2022).
- ↑ от 1 октября 2024 г. № 6-П. gsmari.ru. Тергыме кече: 1 шыжа 2025.
Литератур
- Яковлева Лариса Николаевна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 843. — 872 с. — 3505 экз. — ISBN 978-5-94950-049-1.
Кылвер-влак
| Россий Федераций Советыште Марий Эл Республикын йыжъеҥже | ||||||||||||||||
|---|---|---|---|---|---|---|---|---|---|---|---|---|---|---|---|---|
Кугыжаныш Думын депутат-влакше |
|  | ||||||||||||||
Федераций Каҥашын йыжыҥъеҥже-влак |
| |||||||||||||||
 | |
|---|---|
| Темылан келшыше сайт-влак |