Шабарин, Евлампий Алексеевич

Евлампий Алексеевич Шабарин
Евлампий Алексеевич Шабарин
Шочмо кече	9 шыжа 1904
Шочмо вер	Чыкма;
Колымо кече	13 ага 1989 (84 ий)
Колымо вер	Йошкар-Ола, РСФСР[d], СССР;
Эл	Россий империй; СССР;
Паша сомыл	партий пашаеҥ, депутат
Награде да премий

Евлампий Алексеевич Шабарин (9 шыжа 1904, Чыкма — 13 ага 1989, Йошкар-Ола) — совет партий да администраций пашаеҥ. Марий АССР-ын Йошкар-Оласе пашазе депутат Каҥашын исполком председательже (1943—1946), Марий АССР ВКП(б) Роҥго (1937—1938) да Волжск (1939—1942) райком-влакын икымше секретарьже. Марий Эл Республикын Волжск районжым ыштыше-влак кокла гыч иктыже (1939). 1929 ий гыч ВКП(б) йыжъеҥ^[1].

Илыш корно

1904 ий 9 октябрьыште кызытсе Марий Элын Чыкма олаште кем ургызын ешыштыже шочын. 1922 ийыште II ступенян школым, 1926 ийыште — шочмо олаште совет-партий школым тунем пытарен. 1926 ий марте Чыкма олан тӱрлӧ организацийлаштыже шем пашам ыштыше лийын^[2]^[3].

1926 ий гыч комсомол (руш.) (мар., 1929 ий гыч профсоюз (руш.) (мар., 1930 ий гыч партий пашаште лийын. 1929 ийыште ВКП(б)-ш пурен. 1935 ий гыч — кокымшо, 1937—1938 ийлаште — Марий АССР ВКП(б) Роҥго райкомын икымше секретарьже^[2]^[3].

1939 ий гыч Марий АССР-ын Волжск районжым ыштыме шотышто оргкомитетын йыжъеҥже лийын, 1939—1942 ийлаште — ВКП(б) Волжск райкомын икымше секретарьже^[2]. Ялозанлыкым вияҥдыме йодыш-влаклан кугу тӱткышым ойырен, тидын лектышыже семын Марий АССР-ын Волжск районжо республикын ончыл районжо-влак радамыш лектын да ик гана огыл республикысе Чап Оҥаш (руш.) (мар. логалын^[3].

1942—1943 ийлаште ВКП(б) Марий обкомын сарзе пӧлкажым вуйлатен^[2]^[3].

1943—1946 ийлаште — Йошкар-Оласе пашазе депутат Каҥашын исполком председательже^[2]. Тиде постышто шогымо годым Йошкар-Оласа йӧнозанлык предприятий-влакын пашаштым саемдыме, илышкыл да тӱвыра мероприятий-влакым эртарыме верч тыршен^[3].

1946—1953 ийлаште Марий АССР-ын Паша резерв управленийжын начальникше лийын^[2]^[3].

1989 ий 13 майыште Йошкар-Олаште колен^[2]^[3].

Суаптар-влак

Паша Йошкар Тисте орден (1951)^[2]^[3];
«Пашаште чолгалыклан» медаль (1946)^[2]^[3];
«Чолга пашалан. Владимир Ильич Ленинын шочмыжлан 100 ий темме лӱмеш» медаль;
Марий АССР Кӱшыл Каҥаш Президиумжын Чаптаныкше (1957)^[2].

Палемдымаш

↑ Городской совет г. Йошкар-Олы: образование и становление (руш.). Городской совет г. Йошкар-Олы. Тергыме кече: 28 ага 2026.
↑ ¹ ² ³ ⁴ ⁵ ⁶ ⁷ ⁸ ⁹ ¹⁰ Мочаев, 2007, с. 397.
↑ ¹ ² ³ ⁴ ⁵ ⁶ ⁷ ⁸ ⁹ Шабарин Евлампий Алексеевич (руш.). Марийская история в лицах. Тергыме кече: 28 ага 2026.

Литератур

Шабарин Евлампий Алексеевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 397. — 2032 экз. — ISBN 5-87898-357-0.
Краснов П. В. Шабарин Евлампий Алексеевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 490. — 606 с. — 1500 экз. — ISBN 978-5-905314-35-3.

[1] Городской совет г. Йошкар-Олы: образование и становление (руш.). Городской совет г. Йошкар-Олы. Тергыме кече: 28 ага 2026.

[_594bb12b5668e712-2] ¹ ² ³ ⁴ ⁵ ⁶ ⁷ ⁸ ⁹ ¹⁰ Мочаев, 2007, с. 397.

[:0-3] ¹ ² ³ ⁴ ⁵ ⁶ ⁷ ⁸ ⁹ Шабарин Евлампий Алексеевич (руш.). Марийская история в лицах. Тергыме кече: 28 ага 2026.

[1]

[2]

[3]