Хасанов, Хаким Хусаинович

Хаким Хусаинович Хасанов
Хаким Хусаинович Хасанов
Шочмо кече	1914
Шочмо вер	Тат-Кушна, Чарла уезд, Озаҥ губерний, Россий империй;
Колымо кече	12 идым 1943
Колымо вер	Нехаевка[d], Рыльск район[d], Курск область, РСФСР[d], СССР;
Пурымаш	СССР
Войскан родшо	пехото[d]
Службо жап	1935—1937; 1942—1943
Званий
Командоватлен	пулемёт расчёт дене
Кредалмаш/сар	Кугу Ачамланде сар;

Хаким^[1] Хусаинович Хасанов (1914, Тат-Кушна, Озаҥ губерний — 12 сентябрь 1943, Нехаевка, Курск кундем) — Пашазе-кресаньык Йошкар Армийын кугурак сержантше, Кугу Ачамланде сарын салтакше, Совет Ушемын Талешкыже (1943).

Илыш корныжо

Хаким Хасанов 1916 ийыште Тат-Кушна ялыште (кызыт — Марий Эл Республикысе Морко кундемыште) шочын. Кыдалаш школын тичмаш огыл тунем пытарымек, кӱртньыгорнышто пашам ыштен. 1935-1937 ийлаште Пашазе-кресаньык Йошкар Армийыште служиен. 1942 ий мартыште Хасанов уэш армийыш налалтын. Тудо ийынак август гыч — Кугу Ачамланде сарын фронтлаштыже.

1943 ий сентябрьлан кугурак сержант Хасанов Рӱдӧ фронтын 60-шо армийыште курсант-влакын 248-ше посна стрелок бригадыжын пулемёт расчётшо дене командоватлен. Курск кундемым утарыме годым ойыртемалтын. 1943 ий 29 августышто, Прихотьково села верч кредалме годым, Хасанов строй гыч лекше ротын командиржым алмаштен да подразделенийжым атакыш нӧлталын. 1943 ий 12 сентябрьыште Рыльск вел Нехаевка села верч кредалме годым Хасанов нелын сусырген, немыч кидыш логалын да тудым орландарен пуштыныт (казнитленыт). Нехаевкыште тоеныт.

СССР Кӱшыл Каҥаш Президиумын 1943 ий 17 октябрьысе кӱштымыж почеш кугурак сержант Хаким Хасановлан, колымекыже, Совет Ушемын Талешкыже лӱмым пуымо. Тыгак, колымекыже, Ленин орден дене суапландаралтын.

Параньгаште, Алмаметьевыште, Морко да Йошкар-Олаште Хасанов лӱмеш урем-влак лӱмдалтыныт.

Уныкаже — Булат Ахматьянов, ЦСН ФСБ майоржо (1987—2020), Сирийысе Араб Республикыште служымо порысым шуктымо годым колен^[2].

Палемдымаш

↑ В многочисленных публикациях имя значится как Хаким, Хативи, Хатып, во всех наградных листах — Хатиф. Отчество в наградных листах на орден Красной звезды и медали «За отвагу» — Хусанович. За основное принято имя, фигурирующее, в частности, в материалах Комитета Республики Марий Эл по делам архивов, а также в названии улицы в Йошкар-Оле.
↑ Полпредство Татарстана посетили родители погибшего в Сирии майора Булата Ахматьянова (неопр.). Всемирный конгресс татар (15 ӱярня 2021). Тергыме кече: 3 шыжа 2021.

Литератур

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Хасанов Хатив Хусаинович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 792. — 872 с. — 3505 экз. — ISBN 978-5-94950-049-1.
Хасанов Хаким (Хатиф) Хусаинович // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 263—264. — 374 с. — 500 экз. — ISBN 978-5-94950-070-5.
Мочаев В. А. Хасанов Хаким (Хативи, Хатиф) Хусаинович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 470. — 606 с. — 1500 экз. — ISBN 978-5-905314-35-3.

Кылвер-влак

Хасанов, Хаким Хусаинович (руш.). Сайт «Герои страны».

[1] В многочисленных публикациях имя значится как Хаким, Хативи, Хатып, во всех наградных листах — Хатиф. Отчество в наградных листах на орден Красной звезды и медали «За отвагу» — Хусанович. За основное принято имя, фигурирующее, в частности, в материалах Комитета Республики Марий Эл по делам архивов, а также в названии улицы в Йошкар-Оле.

[2] Полпредство Татарстана посетили родители погибшего в Сирии майора Булата Ахматьянова (неопр.). Всемирный конгресс татар (15 ӱярня 2021). Тергыме кече: 3 шыжа 2021.

[1]

[2]