Федотова, Анна Ивановна

Анна Ивановна Федотова
Шочмо кече	20 идым 1918(1918-09-20)
Шочмо вер	Сурово[d]
Колымо кече	3 вӱдшор 1995(1995-04-03) (76 ий)
Колымо вер	Йошкар-Ола, Россий
Эл	РСФСР (1917—1922) →  СССР →  Россий
Профессий	терапевт-эмлызе
Шанче алан	сарзе медицине терапевтий
Паша вер	Йошкар-Оласе эмлымвер
Образований	М. Ф. Владимирский лӱмеш Моско кундемысе шанче-шымлыше клинике медицине институт[d]
Званий
Награде да премий

А́нна Ивáновна Федóтова (20 идым 1918, Сурово^[d] — 3 вӱдшор 1995, Йошкар-Ола) ― совет терапевт-эмлызе. Йошкар-Оласе эмлымверын тӱҥ эмлызыжын алмаштышыже (1946 ий гыч). РСФСР-ын сулло эмлызыже (1960). Кугу Ачамланде сарын участникше.

Илыш корныжо

1918 ий 20 сентябрьыште кызытсе Моско кундемысе Егорьев район Сурово ялысе кресаньык ешеш шочын.

1941 ийыште Моско кундемысе клинике медицине институтым тунем пытарен.

Институтым пытарымеке, 1941 ий сентябрьыште РККА-ш налме. Кугу Ачамланде сарыште: Йӱдвел-Касвел, 3-шо Белорус да 2-шо Прибалтике фронтласе 14-ше шапаш лӱйкалыше дивизийын 95-ше шапаш лӱйкалыше полкын да 4455-ше эвакогоспитальын кугурак медсестраже, медицине службын лейтенантше. Берлин марте эртен. 1946 ийыште медицине службын майоржо лӱмпале дене армий гыч демобилизоватлыме. 1945 ийыште «Сарзылык суаплан» медаль дене, а 1985 ийыште ― II степенян Ачамланде сар орден дене суапландарыме.

1946 ий гыч ― Йошкар-Олаште: Йошкар-Оласе эмлымверын терапий пӧлкажым вуйлатыше, тӱҥ эмлызын алмаштышыже. Эмлымашын ончыл йӧнжӧ-влакым шыҥдарыше семын палыме.

Тазалыкаралтыш аланыште суаплан 1960 ийыште тудлан «РСФСР-ын сулло эмлызыже» чаплӱмым пуымо. Паша Йошкар Тисте орден дене, медаль-влак да Марий АССР Кӱшыл Канаш Президумын Чаптаныкше дене суапландаралтын.

Чаплӱм ден суаптар-влак

• РСФСР-ын сулло эмлызыже (1960);
• Марий АССР-ын сулло эмлызыже;
• II степенян Ачамланде сар орден (1985);
• Паша Йошкар Тисте орден (1966);
• «Сарзылык суаплан» медаль] (15.04.1945);
• «Чапле пашалан. Владимир Ильич Ленинын шочмыжлан 100 ий темме лӱмеш» лӱмгече медаль (1970);
• Марий АССР Кӱшыл Каҥаш Президиумын Чаптаныкше (1957, 1975).

Палемдымаш

Литератур

• Александров Н. А., Мочалов С. Г. Развитие здравоохранения в Марийской АССР. ― Йошкар-Ола: Марийское книжное издательство, 1980. ― 216 с.: ил.
• Двинянинов А. В., Мочаев В. А. Федотова Анна Ивановна // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 376. — 2032 экз. — ISBN 5-87898-357-0.
• Федотова Анна Ивановна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 781. — 872 с. — 3505 экз. — ISBN 978-5-94950-049-1.
• В багровом пламени войны. Воспоминания. Очерки. Посвящения. Книга 5. / Литературно-художественное объединение «Патриот»; сост. Н. В. Семьянская. ― Йошкар-Ола, 2012. ― 287 с.
• Двинянинов А. В., Мочаев В. А. Федотова Анна Ивановна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 460. — 606 с. — 1500 экз. — ISBN 978-5-905314-35-3.