Двинянинов, Арнольд Валентинович

Арнольд Валентинович Двинянинов
Арнольд Валентинович Двинянинов
Шочмо кече	1937 ий 23 ӱярня
Шочмо вер	Шура ял, У Торъял район, Марий Эл, СССР
Колымо кече	2021 ий 19 ӱярня (83 ий)
Колымо вер	Смоленск, Россий;
Гражданлык	СССР,; Россий
Паша сомыл	радионастройщик

Арнольд Валентинович Двинянинов (23 март 1937 — 19 март 2021) — совет радиокылкучышо (радионастройщик), Социалист Пашан Талешкыже (1974).

Илыш корныжо

Арнольд Двинянинов Шура ялыште (Кызыт Марий Элысе У Торъял вел) 1937 ий 23 мартыште шочын. Кыдалаш школым да ДОСААФ пелен радист-влак школым тунем пытарен. 1954 ий сентябрь гыч ийын коштшо (дрейфоватлыше) поляр станцийыште пашам ыштен. 1956–1958 ийлаште Казах ССР-ын Эрвел-Казахстан кундемысе совхозышто пашам ыштен. 1958–1962 ийлаште Совет Армийыште служиен. Демобилизаций деч вара Смоленскыш куснен, Смоленскысе автоматике йӧндартыш заводышто (кызыт — «Аналитприбор» завод) дежурный электриклан пашам ышташ тӱҥалын. Пашам ыштыме жапыште тыгак электромонтёр, радиомонтажник, слесарь-сборщик, радионастройщик пашалан тунемын^[1].

Заводышто пашам ыштышыла, Двинянинов йӧндартыш паша планым шуко пачаш эртарен темен. Шымияш планым палемдыме жап деч кок ийлан ондак шуктен кертын. Кандашымше вичияш планым 3 ий да 4 тылзе жапыште ыштен шуктен, индешымшым — 2 ий да 10 тылзе жапыште^[1].

СССР Кӱшыл Каҥаш Президиумын 1974 ий 3 январьысе кӱштыкшӧ дене «социалист сӧрыкым шуктымо да 1973 ийысе паша планым ыштен шуктымо да эртарен темыме сеҥымашлан» Арнольд Двиняниновлан Социалист Пашан Талешкыже кӱкшӧ чаплӱмым пуымо, Ленин орден да «Сорла ден Чӧгыт» медальым кучыктымо^[1].

Варажым Двинянинов «Аналитприбор» заводышто пашам ыштен. 1997 ийыште сулен налме канышыш лектын^[1].

Тыгак Паша Йошкар Тисте да «Почёт Знак» (1974) орден-влак, икмыняр медаль дене суапландаралтын^[1].

2021 ий 19 мартыште колен^[2]. Смоленск кундемысе Смоленск вел Рай ялысе шӱгарлаш тойымо^[3].

Палемдымаш

↑ ¹ ² ³ ⁴ ⁵ Арнольд Валентинович Двинянинов (руш.). Сайт «Герои страны».
↑ Ушёл из жизни смоленский Герой Социалистического Труда Арнольд Двинянинов (руш.). Рабочий путь (21 ӱярня 2021). Тергыме кече: 21 ӱярня 2021.
↑ Двинянинов Арнольд Валентинович (руш.). Смоленский некрополь (22 ӱярня 2021). Тергыме кече: 22 ӱярня 2021. Архивлыме 11 вӱдшор 2021 ий.

Литератур

Беляев И. Н. Честь и слава — по труду. Биобибл. справочник. — Смоленск, 1991.
Двинянинов А. В. Двинянинов, Арнольд Валентинович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 105. — 2032 экз. — ISBN 5-87898-357-0.
Двинянинов Арнольд Валентинович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 326—327. — 872 с. — 3505 экз. — ISBN 978-5-94950-049-1.
Мочаев В. А. Двинянинов Арнольд Валентинович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 120. — 606 с. — 1500 экз. — ISBN 978-5-905314-35-3.

[wh-1] ¹ ² ³ ⁴ ⁵ Арнольд Валентинович Двинянинов (руш.). Сайт «Герои страны».

[2] Ушёл из жизни смоленский Герой Социалистического Труда Арнольд Двинянинов (руш.). Рабочий путь (21 ӱярня 2021). Тергыме кече: 21 ӱярня 2021.

[3] Двинянинов Арнольд Валентинович (руш.). Смоленский некрополь (22 ӱярня 2021). Тергыме кече: 22 ӱярня 2021. Архивлыме 11 вӱдшор 2021 ий.

[1]

[2]

[3]