Фадеев, Амбросий Романович

В Рувики есть статьи о других людях с такой фамилией, см. Фадеев.

Амбросий Романович Фадеев
Шочмо кече	1928 ий 3 шыжа(1928-10-03)
Шочмо вер	Кӱшыл Пынгелъял, Чыкма кантон, Марий автоном область, СССР
Колымо кече	2002 ий 30 шорыкйол(2002-01-30) (73 ий)
Колымо вер	Йошкар-Ола, Марий Эл, Россий
Гражданлык	СССР →  Россий
Паша сомыл	политик, депутат, мер пашаеҥ
Награде да премий	Марий АССР Кӱшыл Каҥаш Вуйверын Чапкагазше (1978)

Амбросий Романович Фадеев (3 шыжа 1928, Кӱшыл Пынгелъял, Пайскырык ял шотан илем^[d] — 30 шорыкйол 2002, Йошкар-Ола) — марий совет партий-администраций вуйлатыше, туныктышо, мер пашаеҥ. Марий АССР Кӱшыл Каҥаш Вуйвер председательын алмаштышыже (1971—1975), Марий АССР Министр-влак Каҥаш председательын алмаштышыже (1974—1990). ВКП(б)-н йыжъеҥже. Ленин орденын кавалерже (1971).

Илыш корно

1928 ий шыжа тылзын 3-шо кечынже кызытсе Марий Эл Курыкмарий вел Кӱшӹл Пӹнгельйӓл ялыште шочын. 1946 ийыште Чыкма педагогике училищым тунем пытарен, 1949 ий марте верысе школышто пашам ыштен. Вара РККА-ште служитлен, тушто ВКП(б) радамыш пурен.

Шочмо верышкыже пӧртылмеке, Марий АССР-ысе Йоласал ВЛКСМ райкомын икымше секретарьже лийын (1953—1955). Вара партий пашалан пижын: Йоласал райисполком председательын алмаштышыже лийын, Йоласал КПСС райкомын икымше секретарьжылан сайлалтын.

1959 ийыште КПСС Марий обкомыш кусарыме. 1960—1962 ийлаште Килемар КПСС райкомын икымше секретарьже олмым айлен, вара Марий АССР-ысе Медведево ыштен лукшо колхоз-совхоз виктемын партсекретарьжын алмаштышыже — оргпӧлкан вуйлатышыже лийын.

КПСС РК пеленсе Кӱшыл партий школым тунем пытарен. 1965—1974 ийлаште Марий АССР-ысе Оршанке КПСС райкомын икымше секретарьжылан пашам ыштен.

1967 ий гыч 1990 ий марте, Марий АССР Кӱшыл Каҥашын депутатше олмышто 5 созыв пашам ыштен. Марий АССР Кӱшыл Каҥаш Вуйверын VI созывысе йыжъеҥже лийын, а 1971—1975 ийлаште — МАССР Кӱшыл Каҥаш Вуйверын VII созывысе председательын алмаштышыже. 1974—1990 ийлаште Марий АССР Министр-влак Каҥаш председательын алмаштышыже. 1990 ий вӱдшор тылзын сулен налме канышыш каен.

Марий мландын илышйӧн-экономике да тӱвыра вияҥдымаште надыржылан да чолга депутат пашажлан Ленин (1971), «Чап Тамга» (1966) орден-влак дене, шуко медаль, тыгак РСФСР Кӱшыл Каҥаш Вуйверын Чаптаныкше (1965) да Марий АССР Кӱшыл Каҥаш Вуйверын Чапкагазше (1978) дене суапландарыме.

Фадеев Амбросий Романовичын шӱгарже Йошкар-Оласе Турун шӱгарлаште

2002 ий шорыкйол тылзын 30-шо кечынже Йошкар-Олаште илыш гыч каен.

Суаптар-влак

• Ленин орден (1971)
• «Чап Тамга» орден (1966)
• «Чапле пашалан. Владимир Ильич Ленинын шочмыжлан 100 ий темме лӱмеш» лӱмгече медаль
• РСФСР Кӱшыл Каҥаш Вуйверын Чаптаныкше (1965)
• Марий АССР Кӱшыл Каҥаш Вуйверын Чапкагазше (1978)

Палемдымаш

Литератур

• Фадеев Амбросий Романович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 373. — 2032 экз. — ISBN 5-87898-357-0.
• Фадеев Амбросий Романович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 780. — 872 с. — 3505 экз. — ISBN 978-5-94950-049-1.
• Мочаев В. А. Фадеев Амбросий Романович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 458. — 606 с. — 1500 экз. — ISBN 978-5-905314-35-3.

Кылвер-влак

• Официальный сайт Госсобрания Республики Марий Эл  (неопр.). web.archive.org. Тергыме кече: 27 теле 2025.
• Государственное Собрание Республики Марий Эл. 11 декабря 2017 года. К 80-летию высшего законодательного органа республики. Парламент в лицах. Руководители Верховного Совета восьмого созыва