Соколков, Константин Екимович

Константин Екимович Соколков
Константин Екимович Соколков
Шочмо кече	1923 ий 21 ага
Шочмо вер	Изи Атлым, Тюмень округ, Урал область, РСФСР, СССР
Колымо кече	1990 ий 7 пургыж (66 ий)
Колымо вер	Йошкар-Ола, Марий ССР, РСФСР, СССР
Гражданлык	СССР
Паша сомыл	ялозанлык пашаеҥ, зоотехник
Награде да премий	; ; Марий АССР-ын сулло зоотехникше (1970); Марий АССР Кӱшыл Каҥаш Вуйверын Чаптаныкше (1977, 1983)

Константин Екимович Соколков (21 ага 1923, Изи Атлым^[d], Хант-Манси автоном округ — Югра — 7 пургыж 1990, Йошкар-Ола) — совет ялозанлык пашаеҥ. Марий АССР «Акашевский» чыве фабрикын директоржо (1967—1987). РСФСР-ын сулло зоотехникше (1980), Марий АССР-ын сулло зоотехникше (1970). Ленин орденын кавалерже (1973). Кугу Ачамланде сарын салтакше.

Илыш корныжо

1923 ий ага тылзын 21-ше кечынже Хант-Манси автоном округын кызытсе Октябрь районысо Изи Атлым ялыште шочын. Калык шот дене — хант^[1]^[2].

1942 ий сӱрем тылзын Йошкар Армийыш налме. Кугу Ачамланде сарын салтакше: сарысе фельдшер, 233-шо лӱйкалыше дивизийын санитар взводын командирже, медицин службын кугурак лейтенантше (руш.) (мар.. Сталинград, Украин верч кредалын, Румынийым, Венгрийым, Югославийым утарымаште лийын. 1944 ийыште контузий лийын, пленыш логалын, фашист концлагерьыште лийын, 1945 ий пургыж тылзын колышылан шотлалтын. Мӧҥгыш 1945 ий идым тылзын пӧртылын. Кок гана II степенян Ачамланде сар орден дене палемдыме, тыгодым икымше суаптарым тудлан сар пытымеке, 11 ий гыч кучыктымо^[1]^[2]^[3].

1955 ийыште Озаҥ зооветеринар институтым тунем пытарен. 1960 ийыште Марий АССР Медведево районыш колтымо: «Семёновский» совхозын зоотехникше, 1967—1987 ийлаште — «Акашевский» чыве фабрикын директоржо^[1]^[2].

Ялозанлык аланыште сеҥымашлан 1970 ийыште тудлан «Марий АССР-ын сулло зоотехникше», 1980 ийыште — «РСФСР-ын сулло зоотехникше» чаплӱмым пуымо. Тыгак Ленин, кок гана Пашан Йошкар Тистыже орден, ВДНХ-ан медальже-влак да Марий АССР Кӱшыл Каҥаш Вуйверын Чаптаныкше-влак дене суапландарыме^[1]^[2].

1990 ий пургыж тылзын 7-ше кечынже Йошкар-Олаште колен. Турун шӱгарлаште (руш.) (мар. тоеныт^[1]^[2]^[3].

Суаптар да чаплӱм-влак

Ленин орден (1973)^[1]^[2]
Пашан Йошкар Тистыже орден (1971, 1976)^[1]^[2]
II степенян Ачамланде сар орден (05.03.1945, 06.04.1985)^[1]^[2]
ВДНХ-н шӧртньӧ медальже (руш.) (мар. (1981)^[1]^[2]
ВДНХ-н ший медальже (1973)^[1]^[2]
ВДНХ-н той медальже (1970)^[1]^[2]
«Чапле пашалан. Владимир Ильич Ленинын шочмыжлан 100 ий темме лӱмеш» лӱмгече медаль
Марий АССР Кӱшыл Каҥаш Вуйверын Чаптаныкше (1977, 1983)^[1]^[2]
РСФСР-ын сулло зоотехникше (1980)^[1]^[2]
Марий АССР-ын сулло зоотехникше (1970)^[1]^[2]

Палемдымаш

↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² ¹³ ¹⁴ Мочаев, 2007, с. 339.
↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² ¹³ ¹⁴ Энциклопедия Республики Марий Эл, 2009, с. 721.
↑ ¹ ² #дорогапамяти Участник ВОВ ✩ Соколков Константин Екимович (руш.). Музейный комплекс "Дорога Памяти". Тергыме кече: 13 шорыкйол 2026.

Литератур

Соколков Константин Екимович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 339. — 2032 экз. — ISBN 5-87898-357-0.
Соколков Константин Екимович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 721. — 872 с. — 3505 экз. — ISBN 978-5-94950-049-1.
Одинцова З. Н. Соколков Константин Екимович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 411. — 606 с. — 1500 экз. — ISBN 978-5-905314-35-3.

Кылвер-влак

Соколков Константин Екимович, 25.05.1923. Документы участника войны. (неопр.). Память народа. Тергыме кече: 13 шорыкйол 2026.
#дорогапамяти Участник ВОВ ✩ Соколков Константин Екимович (руш.). Музейный комплекс "Дорога Памяти". Тергыме кече: 13 шорыкйол 2026.

[_594bb72b5668f16e-1] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² ¹³ ¹⁴ Мочаев, 2007, с. 339.

[_a0e730b7b8ade7c0-2] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² ¹³ ¹⁴ Энциклопедия Республики Марий Эл, 2009, с. 721.

[:0-3] ¹ ² #дорогапамяти Участник ВОВ ✩ Соколков Константин Екимович (руш.). Музейный комплекс "Дорога Памяти". Тергыме кече: 13 шорыкйол 2026.

[1]

[2]

[3]