Смоленцев, Евгений Алексеевич

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Смоленцев.
Евгений Алексеевич Смоленцев
Смоленцев, Евгений Алексеевич.jpg
Флаг
8 СССР Кӱшыл судын председательже
1989 ий 7 июнь — 1992 ий 2 январь
Ончычсо пашаеҥ Владимир Иванович Теребилов
Алмаштыше СССР Кӱшыл суд шке пашажым чарен
Флаг
13 РСФСР Кӱшыл судын председательже
1987 ий 7 июль — 1989 ий 7 июнь
Ончычсо пашаеҥ Николай Петрович Мальшаков
Алмаштыше Вячеслав Михайлович Лебедев
Шочын 1923 ий 3 ӱярня(1923-03-03)
Марий АССР, РСФСР, СССР
Колен 2017 ий 11 шорыкйол(2017-01-11) (93 ий)
Моско, Россий
Тойымо вер
Партий КПСС (1952—1991)
Шинчымаш Свердловск юрист институт (Свердловск)
Награде
Орден Трудового Красного Знамени Калык Келшымаш орден Орден «Знак Почёта»

Евгений Алексеевич Смоленцев (3 ӱярня 1923, Попово[d], Марий Автоном Совет Социализм Республик — 11 шорыкйол 2017, Моско) — совет да российысе юрист, СССР Кӱшыл судын председательже (1989—1992).

Илыш корныжо

Шуко йочан кресаньык ешеш шочын. 1941 ийыште Свердловск кундем Кировград оласе кыдалаш школым тунем пытарен, вара Кировград вӱргеньым велыме заводышто мастерлан пашам ыштен.

1942 ий пургыж тылзе гыч 1945 ий кылме тылзе марте Урал сар йырвелыште  (руш.) (мар. шапаш лӱйкалыше полк пӧлкан командиржын олмышто сар службым эртен. Демобилизаций деч вара Кировград химий заводын диспетчержылан пашам ыштен.

1948 ийыште Свердловскысе юрист школым тунем пытарен. 1948 ий сорла тылзе гыч — Свердловск оласе Ленин районысо 3-шо кумдыкын калык судьяже  (руш.) (мар.. 1951 ий теле тылзе гыч — Свердловск кундемысе судын йыжъеҥже.

1952 ий гыч КПСС йыжъеҥ.

1953 ийыште Свердловск юрист институтым тунем пытарен. 1953 ий ӱярня тылзе гыч — Свердловск кундемысе суд председательын алмаштышыже. 1966 ий пеледыш тылзе гыч — Свердловск кундемысе судын председательже.

1972 ий идым тылзын 20-шо кечынже СССР Кӱшыл судын йыжъеҥжылан сайлалтын да уголовный паша шотышто Суд коллегийын председательже олмышто пеҥгыдемдыме.

1977 ий теле тылзе гыч — СССР Кӱшыл суд председательын алмаштышыже. 1987 ий сӱрем тылзын 7-ше кечынже РСФСР Кӱшыл суд председательлан шогалтыме. 1989 ий пеледыш тылзын СССР Калык депутат-влакын погынжо  (руш.) (мар. дене СССР Кӱшыл суд председательлан пеҥгыдемдыме.

Тиде олмышто 1992 ий шорыкйол тылзын 2-шо кечыж марте лийын, тунам Россий Федерацийын Кӱшыл Каҥаш Вуйверын Пунчалже дене СССР Кӱшыл суд шке пашажым чарен<[1]. 1992 ий шорыкйол тылзе гыч 1997 ий сӱрем тылзе марте — Россий Федерацийысе Кӱшыл судын тӱҥ ойпуышыжо.

1997 ий гыч сулен налме канышыште.

2-шо классан кугыжаныш юстицийын ойпуышыжо (1992 ий)[2].

СССР — Ирландий совет келшымаш ушемын вице-президентше лийын.

Москошто колен. Тудын кумылжо почеш Екатеринбургышто Иваново шӱгарлаште тоеныт[3].

Суаптар да чаплӱм-влак

Библиографий

  • Советский суд. — М.: Знание, 1976. — 64 с.
  • Высший судебный орган СССР. — М.: Юридическая литература, 1984. — 272 с. (Соавт.)
  • Сборник постановлений Пленума Верховного Суда СССР, 1924—1977 гг. — М.: Известия, 1978. — Ч. 1 — 352 с.; Ч. 2 — 528 с. (Гл. ред.)
  • Сборник постановлений Пленума и определений коллегий Верховного Суда СССР по уголовным делам, 1971—1979 гг. — М.: Известия, 1981. — 992 с. (Отв. ред.)

Палемдымаш

  1. ↑ Постановление Президиума Верховного Совета Российской Федерации от 28 декабря 1991 г. № 3045-1 «Об упразднении Верховного суда СССР, Высшего арбитражного суда СССР и Прокуратуры СССР». web.archive.org. Тергыме кече: 13 шорыкйол 2026.
  2. ↑ Указ Президента Российской Федерации от 2 июля 1992 г. № 727 «О присвоении классных чинов работникам аппарата Верховного суда Российской Федерации» (неопр.). Тергыме кече: 13 шорыкйол 2026.
  3. ↑ В Екатеринбурге похоронили последнего председателя Верховного суда СССР Евгения Смоленцева, 2017-06-16, <https://newdaynews.ru/ekb/606130.html>. Тергыме: 13 шорыкйол 2026. 
  4. ↑ Указ Президиума Верховного Совета Российской Федерации от 8 февраля 1993 г. № 4431-1 «О награждении Почётной грамотой Президиума Верховного Совета Российской Федерации работников Верховного Суда Российской Федерации» (неопр.). Тергыме кече: 13 шорыкйол 2026.
  5. ↑ Торжественная церемония вручения высшей юридической премии «Юрист года» - 2010 - Ассоциация Юристов России (неопр.). Ассоциация юристов России. Тергыме кече: 13 шорыкйол 2026.

Литератур

  • Павлова Л. А. Творить суд по закону и чистой совести. Из истории судебной власти на Среднем Урале 1722—2004 г. — Екатеринбург: Банк культурной информации, 2004. — 216 c. — ISBN 5-7851-0481-4
  • Иваков А. В. Смоленцев Евгений Алексеевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 337. — 2032 экз. — ISBN 5-87898-357-0.
  • Смоленцев Евгений Алексеевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 717. — 872 с. — 3505 экз. — ISBN 978-5-94950-049-1.
  • Иваков А. В. Смоленцев Евгений Алексеевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 409. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Смоленцев,_Евгений_Алексеевич&oldid=1232362" гыч налме