Смирнов, Владимир Павлович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Смирнов.
Владимир Павлович Смирнов
Смирнов Владимир Павлович.jpg
Шочмо кече 1932 ий 18 теле(1932-12-18)
Шочмо вер Шопкирла (Изи Шаплак), Медведево район, Марий автоном область, Горький вел, РСФСР, СССР
Колымо кече 2021 ий 4 сӱрем(2021-07-04) (88 ий)
Колымо вер Йошкар-Ола, Россий
Гражданлык  СССР,
 Россий
Паша сомыл чоҥышо виктер комплексысе каменщик-влак бригадын бригадирже
Награде да премий
Герой Социалистического Труда — 1971
Ленин орден — 1971 Орден Трудового Красного Знамени — 1966
«Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын»
Марий АССР-ын сулло чоҥышыжо (1968)

Владимир Павлович Смирнов (1932, Шопкирла (Изи Шаплак), Йошкар-Ола район, Марий автоном область, Угарман кундем, РСФСР, СССР — 4 июль 2021, Йошкар-Ола, Россий) — РСФСР-ысе ялым чоҥышо Министерствын Марий чоҥышо трестысе 3-шо №-ан чоҥышо виктер комплексысе каменщик-влак бригадын бригадирже (1964—1986). Социалист Пашан Талешкыже (1971). Марий АССР-ын сулло чоҥышыжо (1968). Ленин орденын кавалерже (1971).

Илыш корныжо

1932 ий 18 декабрьыште Шопкирла (Изи Шаплак, тений Медведево вел) марий ешыште шочын[1][2][3].

1950 ийыште Йошкар-Оласе 4-ше №-ан фабрике-завод пашалан туныктымо школым (ФЗО) тунем пытарен[1][2].

1950 ий гыч — 116-шо №-ан «Стройтрестын» 1-ше СМУ-н плотникше, 1964—1986 ийлаште — Йошкар-Олаште «Марстройтестын» 3-шо № СМУ каменщик-влак комплекс бригадыжын бригадирже. 1970 ийыште тудын бригадыже 5-ияш планым ончылгоч шуктен, тиде сеҥымаш пашалан аккорд-премий тӱлымӧ йӧн кышкар полшен. Тудо шкетынак 25 кӱ мастар (каменщик) ден плотникым ямдылен[1][2]. 8-ше вичияш жапыште (1966—1970) тудын бригадыже Марий АССР-ын бригадыже-влак кокласе социалист таҥасымаште ий еда сеҥышыш лектын. 1971 ий октябрьыште тиде тӱшка «Йошкар-Ола» унагудо пӧртын 12 пачашан оралтыжым нӧлташ тӱҥалын, марий рӱдолаште моло полат ден илыме верымат нӧлтен[4].

1986—1997 ийлаште — Йошкар-Оласе 2-шо ПМК-ан комплекс бригадын бригадирже. Пенсийыш 1997 ийыште лектын[4].

1968 ийыште «Марий АССР-ын сулло чоҥышыжо», а 1971 ийыште тудлан «Социалист Пашан Талешкыже» чаплӱмым пуымо. Ленин, Пашан Йошкар Тистыже орден, медаль-влак, Марий АССР Кӱшыл Каҥаш Президиумын Чапкагазше дене (кок гана) суапландаралтын[1][2][4][5].

2021 ий 4 июльышто Йошкар-Олаште колен[4][6].

Паша чаплӱм ден суаптар

  • Социалист Пашан Талешкыже (7 май 1971)[1][2] — вичияш паша планым шуктымо шотышто кӱкшӧ паша лектышан сеҥымашке шумылан[4]
  • Марий АССР-ын сулло чоҥышыжо (1968)[1][2][4]
  • Ленин орден (07.05.1971)[1][2][4]
  • Пашан Йошкар Тистыже орден (11.08.1966)[1][2][4]
  • «Чапле пашалан» лӱмгече медаль. Владимир Ильич Ленинын шочмыжлан 100 ий темме лӱмеш (1970)[4]
  • Марий АССР-ын Кӱшыл Каҥаш Президиумын Чапкагазше (1965, 1980)[1][2]

Палемдымаш

  1. ↑ 1 2 3 4 5 6 7 8 9 Мочаев, 2017, с. 404.
  2. ↑ 1 2 3 4 5 6 7 8 9 Энциклопедия Республики Марий Эл, 2009, с. 716.
  3. ↑ Деревня Малый Шаплак. www.12rus.ru. Тергыме кече: 4 ага 2024. Архивлыме 24 вӱдшор 2023 ий.
  4. ↑ 1 2 3 4 5 6 7 8 9 Смирнов Владимир Павлович. warheroes.ru. Тергыме кече: 4 ага 2024.
  5. ↑ Идя на выборы, увидел себя. Марийская правда (26 сорла 2014). Тергыме кече: 4 ага 2024.
  6. ↑ Владимир Павлович СМИРНОВ | ГАЗЕТА НАШЕГО ГОРОДА (неопр.) (5 сӱрем 2021). Тергыме кече: 4 ага 2024. Архивлыме 26 кылме 2022 ий.

Литератур

  • Опарина Т. Т. Смирнов Владимир Павлович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 332. — 2032 экз. — ISBN 5-87898-357-0.
  • Смирнов Владимир Павлович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 716. — 872 с. — 3505 экз. — ISBN 978-5-94950-049-1.
  • Идя на выборы, увидел себя! // Марийская правда. — 2014. — 26 сентября.
  • Опарина Т. Т., Мочаев В. А. Смирнов Владимир Павлович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 404. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Смирнов,_Владимир_Павлович&oldid=1169594" гыч налме