Силантьев, Александр Иванович

РУВИКИ — эрыкан энциклопедий гыч материал
Александр Иванович Силантьев
Силантьев, Александр Иванович.jpg
Шочмо кече 1946 ий 1 сӱрем(1946-07-01) (80 ий)
Шочмо вер Удельное Нечасово, Тетюш район, РСФСР, СССР
Гражданлык  СССР
 Россий
Паша сомыл эколог
Награде да премий

Александр Иванович Силантьев (шоч. 1 сӱрем 1946, Удельное Нечасово[d], Татар Автоном Совет Социалистик Республик) — совет да российысе пӱртӱсым аралыше да кугыжаныш пашаеҥ. Марий АССР мелиораций да вӱд озанлык министрын алмаштышыже (1981—1986), Марий Эл Республикысе Пӱртӱс шапаш да пӱртӱсым аралыме виктемын председательже (1997—2004), Пӱртӱсым кучылтмо аланыште аралтыш шотышто Федерал службын (Росприроднадзор) Марий Эл Республикысе виктемжын вуйлатышыже (2004—2011). Россий Федерацийын сулло экологшо (2012). Россий Федерацийын 2-шо классан чынле кугыжаныш ойпуышыжо (2008).

Илыш корныжо

1946 ий 1 сӱремыште кызытсе Татарстанысе Тетюши район Удельное Нечасово селаште[1] шуко йочан кресаньык, Граждан да Кугу Ачамланде сар-влакын орденан салтакын ешыштыже шочын[2][3].

1962 ийыште Удельно-Нечасово кыдалаш школым, 1967 ийыште — Тетюши ялозанлык техникумым тунем лектын[2][3]. Техникумым тунем пытарымеке, Тетюши районысо «Правда» газет лӱмеш колхозын кугурак агрономжылан, Тетюши райсельхозтехникын кугурак инженержылан пашам ыштен[2].

1973 ийыште Йошкар-Олаш толын: Марий совхоз-влак ушемын кугурак агроном-мелиораторжо, 1975 ий гыч — «Марэксплуатацияремводстрой» ушемын тӱҥ агроном-мелиораторжо. 1976—1981 ийлаште — мелиораций да вӱдым кучылтмо шотышто пӧлкан начальникше, а 1981—1986 ийлаште — Марий АССР мелиораций да вӱд озанлык министрын алмаштышыже[3].

1983 ийыште Марий кугыжаныш университетын ялозанлык факультетшым заочно тунем лектын[3][4].

1986—1989 ийлаште — «Марагропром» ушем пӧлкан начальникше[3].

1989—1994 ийлаште — Марий АССР-ысе Вӱд шапаш виктемын начальникше[3].

1994 ий гыч — Марий Эл Республикысе Шапаш вӱд озанлык шотышто комитетын председательже, 1997 ий гыч — Марий Эл Республикысе Пӱртӱс шапашым да пӱртӱс йырвелым аралыше виктемын председательже, пӱртӱсым кучылтмо да аралыме аланыште тӱҥ кугыжаныш инспектор[5]. 2000 ий январьыште тиде комитетын кышкарышкыже вӱд озанлык, чодыра озанлык, геологий да пӱртӱсым аралыме шотышто кугыжаныш службо-влак пуреныт[2][3].

1997 ийыште Россий Федерацийын Президентше пелен Российысе кугыжаныш службо академийым  (руш.) (мар. тунем лектын[3].

2004—2011 ийлаште — Пӱртӱсым кучылтмо аланыште аралыме шотышто Федерал службын  (руш.) (мар. (Росприроднадзор) Марий Эл Республикысе виктемжын вуйлатышыже[3][6]. Тудын суаптарже-влак коклаште тыгайым палемдаш лиеш:

  • вӱд ташлыме жапыште азапым кораҥдымаш;
  • 1999 ийыште Провой вел мландыште Шупашкар вӱдаралыме верыште Юлын сержым пеҥгыдемдымаш;
  • «Марий Эл Республикын экологийже да пӱртӱс шапашыже-влак 2003—2010 ийлалан» программым ямдылымаш;
  • 2009 ийыште Марий кагаз комбинатыште вашлиймаш-влакым эртарымаш, тидын деч вара южысо начар пушан вартыш 11 тӱжем тоннлан иземын, да Марий Элысе Медведево вел Силикатный посёлкышто тыгаяк вашлиймаш-влакым эртарымаш[3].

2011 ий гыч — Юл федерал округысо (Марий Эл Республик) «Территориальный фонд геологической информации» Федерал оксавиктыш тӧнежын Марий филиалжым вуйлатышын алмаштышыже[7].

Республикысе совхоз-влак ушемын да Марий АССР-ысе Вӱд озанлык министерствын профушем организацийжым вуйлатышылан сайлалтын[2].

2012 ийыште пӱртӱсым да пӱртӱс шапаш-влакым аралымаште суаплан да шуко ияш сай пашалан тудлан «Россий Федерацийын сулло экологшо» чаплӱмым пуымо. Медаль-влак, нунын коклаштак «Ачамланде ончыло суаплан» орденын медальже дене палемдалтын. 2008 ий гыч «Россий Федерацийын 2 классан чынле кугыжаныш ойпуышыжо» лӱмым нумалеш[3].

Чаплӱм да суаптар

Палемдымаш

  1. ↑ Историческая справка с.Удельное Нечасово (руш.). Тетюшский муниципальный район. Тергыме кече: 25 теле 2024.
  2. ↑ 1 2 3 4 5 Кто есть кто в Марий Эл, 2002, с. 475.
  3. ↑ 1 2 3 4 5 6 7 8 9 10 11 12 13 14 15 Мочаев, 2017, с. 397.
  4. ↑ Силантьев Александр Иванович | Музей. museum.marsu.ru. Тергыме кече: 25 теле 2024.
  5. ↑ Республика Марий Эл. Список членов правительства Республики Марий Эл. (руш.). Республика Марий Эл. Список членов правительства Республики Марий Эл.. Тергыме кече: 25 теле 2024.
  6. ↑ О внесении изменений в приказ департамента животного мира Республики Марий Эл от 21 января 2010 г. N 04 о/д (с изм. от 16 февраля 2010 г. N 14 о/д) от 01 июля 2010 - docs.cntd.ru. docs.cntd.ru. Тергыме кече: 25 теле 2024.
  7. ↑ 1 2 Силантьев Александр Иванович – Награды России, 2012-06-14. ru.nagrady.by. Тергыме кече: 25 теле 2024.
  8. ↑ Указ Президента Российской Федерации от 21.05.2007 г. № 647 (руш.). Президент России. Тергыме кече: 25 теле 2024.
  9. ↑ В МПР России состоялась торжественная церемония награждения специалистов-экологов, приуроченная к Всемирному дню окружающей среды / Экологические новости / Экология производства — научно-практический портал. www.ecoindustry.ru. Тергыме кече: 25 теле 2024.

Литератур

  • Силантьев Александр Иванович // Кто есть кто в Марий Эл / Авт.-сост. В. А. Мочаев. — Йошкар-Ола: Марийский биографический центр, 2002. — С. 475. — 2000 экз. — ISBN 5-87898-197-1.
  • Мочаев В. А. Силантьев Александр Иванович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 327. — 2032 экз. — ISBN 5-87898-357-0.
  • Рыбакова Т. Л., Опарина Т. Т., Мочаев В. А. Силантьев Александр Иванович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 397. — 606 с. — 1500 экз. — ISBN 978-5-905314-35-3.
  • Евсеев О., Малыкина Я. Энциклопедия Тетюшского муниципального района. Р-У. — Тетюши: ООО «Издательские решения», 2022. — 472 с.

Кылвер-влак

"https://mhr.ruwiki.ru/w/index.php?title=Силантьев,_Александр_Иванович&oldid=1232758" гыч налме