Попов, Николай Федотович

РУВИКИ — эрыкан энциклопедий гыч материал
В Рувики есть статьи о других людях с такой фамилией, см. Попов.
Николай Федотович Попов
Попов Н.Ф., генерал-майор милиции.jpg
Шочмо кече 1922 ий 24 теле(1922-12-24)
Шочмо вер Оренбург, РСФСР, СССР
Колымо кече 1991 ий 19 ӱярня(1991-03-19) (68 ий)
Колымо вер Йошкар-Ола, Марий ССР, РСФСР, СССР
Пурымаш  СССР
Войскан родшо СССР МВД элгӧргӧ войска
Службо жап 1941—1984
Званий
Генерал-майор
Кредалмаш/сар Кугу Ачамланде сар: Моском аралымаш
Награде да премий

Николай Федотович Попов (24 теле 1922, Оренбург — 19 ӱярня 1991, Йошкар-Ола, Марий Автоном Совет Социализм Республик) ― совет сарзе да административный пашаеҥ. Марий АССР-ын Элгӧргӧ паша министрже (1961―1984), милиций генерал-майор (1973). Кугу Ачамланде сарын участникше, 1941 ий 7 ноябрьыште Москошто Йошкар площадьысе парадын участникше. ВКП(б)-н йыжъеҥже.

Илыш корно

1922 ий 24 декабрьыште Оренбургышто кӱртньыгорно пашаеҥ ешеш шочын[1][2].

1941 ийыште Йошкар Армийыш налыныт. Кугу Ачамланде сарын участникше: связист, 1944 ий гыч ― Тернополь, Оренбург да Томск областьласе элгӧргӧ паша органын оперуполномоченныйже. 1941 ий 7 ноябрьыште Москошто Йошкар площадьысе парадын  (руш.) (мар. участникше. Моском аралымашын  (руш.) (мар. участникше[1][2]. Сарым Касвел Украиныште  (руш.) (мар. мучашлен, посна кӱлешлыкан войскаште бандеровец-влак дене кредалын[3][4].

1956 ийыште СССР МВД-н Кӱшыл школжым тунем пытарен[1][2].

1957―1961 ийлаште ― Томск областьысе УВД начальникын алмаштышыже[1][2].

1961―1984 ийлаште ― Марий АССР-ын Элгӧргӧ паша министрже[5]. Тудын годым преступность дене кучедалмаш палынак талышнен, Н. Ф. Попов поснак неле преступленийым почмаште шкежак участвоватлен. Кадр составым саемдымыланат кугу тӱткышым ойырен. 1973 ийыште тудлан милицийын генерал-майоржо званийым пуымо[1][2][5].

1967―1985 ийлаште Марий АССР Кӱшыл Каҥашын  (руш.) (мар. 7―10-шо созывшын депутатшылан сайлалтын[1][2][6].

1977 ийыште «Патырлык еҥ-влак» статья да очерк-влак сборникын ик чумырышыжо лийын[7][8].

Паша Йошкар Тисте, «Чап Пале», Йошкар Шӱдыр орден-влак да медаль-влак дене, нунын коклаште «Сарзылык суаплан» медаль дене суапландарыме[1][2].

1991 ий 19 мартыште Йошкар-Олаште колен[1][2].

Суаптар

Шарнымаш

  • 2025 ий 6 майыште Йошкар-Ола оласе Волков уремын 131 №-ан пӧртыштыжӧ, кушто Марий АССР МВД министр Н. Ф. Попов ятыр ий илен, мемориал оҥам торжественно почмо. Почмашыште Марий Эл Республик Вуйлатыше Ю. В. Зайцев, республик Правительствын, ола администрацийын йыжъеҥже-влак, республикысе элгӧргӧ паша министр полиций генерал-майор А. Вырвич, элгӧргӧ паша органын личный составше, ведомствын ветеранже-влак, МВД пеленысе Мер каҥашын йыжъеҥже-влак, кадет, юнармий класслаште тунемше-влак да Н. Поповын родо-тукымжо лийыныт[9][10][11][12].
  • Фронтовик-министрым шарныме шумлык Марий Эл МВД-н ОВД да Элгӧргӧ Войскажын ветеран Каҥашыже Н. Ф. Попов лӱмеш премийым ыштен, тудо правопорядкым аралыше самырык тукымын эн сай еҥже-влаклан кучыкталтеш[5].
  • Декабрьыште Йошкар-Олаште МВД министрым, генерал-майор Н. Ф. Поповым шарныме лӱмеш волейбол дене республикысе турнир эртаралтеш[13].

Палемдымаш

  1. ↑ 1 2 3 4 5 6 7 8 9 10 11 Мочаев, 2007, с. 329.
  2. ↑ 1 2 3 4 5 6 7 8 9 10 11 Энциклопедия Республики Марий Эл, 2009, с. 636—637.
  3. ↑ Стена памяти СМУС Группы компаний "Газпром межрегионгаз". smus-mrg.tilda.ws. Тергыме кече: 11 шорыкйол 2026.
  4. ↑ 1 2 3 4 Попов Николай Федотович :: Память народа. pamyat-naroda.ru. Тергыме кече: 11 шорыкйол 2026.
  5. ↑ 1 2 3 Сотрудники органов внутренних дел отметили 95-летие марийской милиции (руш.). mrl.mk.ru (16 кылме 2016). Тергыме кече: 11 шорыкйол 2026.
  6. ↑ Официальный сайт Госсобрания Республики Марий Эл. old.gsmari.ru. Тергыме кече: 11 шорыкйол 2026.
  7. ↑ Люди мужества: Сборник статей и очерков к 60-летию сов. милиции / Николай Федотович Попов. — Йошкар-Ола: Марийск. кн. изд-во, 1977. — 158 с.
  8. ↑ Люди мужества Сборник статей и очерков к 60-летию сов. милиции - Сост. Н.Ф. Попов и др.. — 1977.
  9. ↑ Об установке мемориальной доски Попову Николаю Федотовичу, министру внутренних дел Марийской АССР(1961-1984), участнику Великой Отечественной войны (руш.). gor-sobry-ola.ru. Тергыме кече: 11 шорыкйол 2026.
  10. ↑ Память о герое: в Йошкар-Оле открыта мемориальная доска Николаю Федотовичу Попову, <https://www.marpravda.ru/news/sociym/pamyat-o-geroe-v-yoshkar-ole-otkryta-memorialnaya-doska-nikolayu-fedotovichu-popovu/>. Тергыме: 11 шорыкйол 2026. 
  11. ↑ В Республике Марий Эл в преддверии дня 80-летия Победы при участии полицейских, ветеранов и общественников прошла церемония открытия мемориальной доски (руш.). xn--b1aew.xn--p1ai. Тергыме кече: 11 шорыкйол 2026.
  12. ↑ В Йошкар-Оле открыли мемориальную доску генерал-майору милиции Николаю Попову (руш.). Новости Марий Эл - Новости Йошкар-Олы - ГТРК «Марий Эл». Тергыме кече: 11 шорыкйол 2026.
  13. ↑ Ветераны Марий Эл проводят турнир по волейболу. http (23 теле 2019). Тергыме кече: 11 шорыкйол 2026.

Литератур

  • Люди мужества: Сборник статей и очерков к 60-летию советской милиции / [Сост. Н. Ф. Попов и др.]. ― Йошкар-Ола: Марийское книжное издательство, 1977. ― 158 с.: ил.
  • Милица В. Г. 85 лет марийской милиции (страницы истории МВД Республики Марий Эл) // Марийский юридический вестник. ― 2005. ― № 4. ― С. 13―21.
  • Мочаев В. А. Попов Николай Федотович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 291. — 2032 экз. — ISBN 5-87898-357-0.
  • Попов Николай Федотович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 636-637. — 872 с. — 3505 экз. — ISBN 978-5-94950-049-1.
  • Мочаев В. А. Попов Николай Федотович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 329. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Попов,_Николай_Федотович&oldid=1231888" гыч налме