Петрусевич, Фёдор Фёдорович

РУВИКИ — эрыкан энциклопедий гыч материал
Фёдор Фёдорович Петрусевич
Петрусевич, Фёдор Фёдорович.jpg
Шочмо кече 9 пеледыш 1902(1902-06-09)
Шочмо вер
Колымо кече 7 кылме 1965(1965-11-07) (63 ий)
Колымо вер
Гражданлык  СССР
Подданстве  Россий империй
Паша сомыл йӧнозанлык пашаеҥ, мер пашаеҥ
Награде да премий

Орден «Знак Почёта»  — 1943 Орден «Знак Почёта»  — 1951 Орден «Знак Почёта»  — 1956 «Моском аралымылан» медаль SU Medal For Valiant Labour in the Great Patriotic War 1941-1945 ribbon.svg Почётная грамота Президиума Верховного Совета РСФСР — 1960

Фёдор Фёдорович Петрусе́вич (9 пеледыш 1902, Сомово[d], Одоев уезд[d], Тула губерний[d], Россий империй — 7 кылме 1965, Йошкар-Ола, Марий Автоном Совет Социализм Республик, СССР) — совет йӧнозанлык пашаеҥ, мер пашаеҥ. Йошкар-Оласе полупроводник прибор заводын директоржо (1946—1965). Кугу Ачамланде сарын салтакше. 1930 ий гыч ВКП(б)-н йыжыҥъеҥже.

Илыш корныжо

1902 ий 9 июньышто Тула область Одоев районысо Сомово ялыште шочын. 1930 ийыште ВКП(б) радамыш пурен[1][2].

1929 ий гыч — Моско прожектор заводышто  (руш.) (мар. тӱрлӧ пашам шуктышо, револьверщик, фрезеровщик, 1941 ийыште предприятий дене пырля Йошкар-Олаш эвакуироватлыме. 1941 ийыште, пашам кодыде, Пӱтынь ушемысе йӧнозанлык академийым тунем лектын[1][2]. 1941—1946 ийлаште — диспетчер бюрон, ыштен лукшо цехын вуйлатышыже, Полупроводник прибор заводын тӱҥ инженерже, кугурак инженер-лейтенант[1][3][4].

1946—1965 ийлаште Йошкар-Оласе Полупроводник прибор заводын директоржылан пашам ыштен. Тудын годым завод Марий республикыште эн кугу да ончыл верыште лийын, сар жапыште пашаеҥ ден служышо-влак Кугу Сеҥымашке да элын аралтыш вийжым пеҥгыдемдымашке заводын кугу надырым пыштеныт[1][2].

Йӧнозанлыкым вияҥдымашке да Кугу Ачамланде сар жапыште тылысе пашалан кум гана «Почёт Пале» орден дене (1943, 1951, 1956), «Моском аралымылан» медаль да «1941—1945 ийласе Кугу Ачамланде сарыште чапле пашалан» медаль дене суапландаралтын. Тыгак РСФСР Кӱшыл Каҥаш Президиумын чапкагазше да Марий АССР Кӱшыл Каҥаш Президиумын вич чапкагазше дене палемдалтын[2].

1965 ий 7 ноябрьыште Йошкар-Олаште илыш гыч каен, туштак тоеныт[2].

Еш

Ешан лийын. Эргыже — «Марий машина чоҥышо» ыштен лукшо ушемын да Марий машина чоҥышо заводын тӱҥ инженержын алмаштышыже, Россий да Марий Эл Республикын сулло машина чоҥышыжо Е. Ф. Петрусевич.

Мер-политике паша

  • 1963 ий март тылзын 11 №-ан Заводысо сайлыме йырвелыште Марий АССР Кӱшыл Каҥашын VI созывысе депутатшылан сайлалтын.
  • 1947—1961 ийлаште Йошкар-Оласе пашазе депутат-влак каҥашын депутатше лийын.
  • КПСС Марий обкомын йыжыҥъеҥже, партий конференций-влакын делегатше лийын.

Суаптар-влак

Палемдымаш

  1. ↑ 1 2 3 4 5 6 7 Мочаев, 2017, с. 338.
  2. ↑ 1 2 3 4 5 6 7 8 Официальный сайт Госсобрания Республики Марий Эл. web.archive.org. Тергыме кече: 27 шорыкйол 2026.
  3. ↑ 1 2 Петрусевич Федор Федорович :: Память народа. pamyat-naroda.ru. Тергыме кече: 27 шорыкйол 2026. Архивлыме 9 теле 2021 ий.
  4. ↑ 1 2 3 #дорогапамяти Участник ВОВ ✩ Петрусевич Федор Федорович (руш.). Музейный комплекс "Дорога Памяти". Тергыме кече: 27 шорыкйол 2026.

Литератур

  • Краснов П. В. Петрусевич Фёдор Фёдорович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 280. — 2032 экз. — ISBN 5-87898-357-0.
  • Краснов П. В. Петрусевич Фёдор Фёдорович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 338. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Петрусевич,_Фёдор_Фёдорович&oldid=1232452" гыч налме