Пашуков, Василий Фёдорович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Пашуков.
Василий Фёдорович Пашуков
Пашуков, Василий Фёдорович.jpg
Шочмо кече 21 ӱярня 1923(1923-03-21)
Шочмо вер
Колымо кече 25 шыжа 1978(1978-10-25) (55 ий)
Колымо вер
Эл  СССР
 Россий
Шанче алан Марий кундемын историйже, КПСС-ын историйже
Паша вер Марий кугыжаныш университет, Н. К. Крупская лӱмеш Марий кугыжаныш педагогике институт
Шанче степень историй шанче доктор
Шанче званий профессор
Награде ден премий-влак

Почётная грамота Президиума Верховного Совета РСФСР — 1960
Отличник народного просвещения РСФСР — 1960

Марий АССР-ысе шанчын сулло пашаеҥже (1973)

Василий Фёдорович Пашуков (1923 ий 21 март, Руш Исламово, Зеленодольск район, Татарстан Республик — 1978 ий 25 октябрь, Йошкар-Ола) — совет шанче пашаеҥ, шанчыеҥ-историк, историй шанче доктор, профессор. Марий кундемын XX курымын икымше пелыжын историйжым шымлыше. Туныктышо, историй-филологий факультетын деканже, Н. К. Крупская лӱмеш Марий педагогике институтышто КПСС историй кафедрын вуйлатышыже (1949—1972), Марий кугыжаныш университетыште мер шанче, КПСС-ын историйже да шанче коммунизм кафедр-влакын вуйлатышыже (1972—1978). Марий АССР шанчын сулло пашаеҥже (1973). Кугу Ачамланде сaрын участникше. 1946 ий гыч ВКП(б)-ын йыжыҥъеҥже.

Илыш корныжо

1923 ий 21 мартыште кызытсе Татарстан Республикысе Зеленодольск район Руш Исламово ялыште кресаньык ешыште шочын[1].

1940 ийыште Озаҥысе эҥер техникумым тунем пытарымек, Озаҥысе туныктышо да Пермьысе педагогике институтлаште тунемын[2].

1941 ий октябрьыште тудым Йошкар армийыш налыныт. Кугу Ачамланде сaрын салтакше: 1-ше Украин фронтышто 69-ше зенит артиллерий дивизийысе артиллерий полкын кугырак фельдшерже, медицине службын изирак лейтенантше. Армий гыч 1947 ий апрельыште демобилизоватлыме. Йошкар Шӱдыр орден да медаль-влак дене суапландаралтын. Сар пытымек, Одессе сарзе округ дене зенит артиллерий полкышто 1947 ий май марте службыш шуен. Армийыште служитлымыж годым 1946 ий июньышто ВКП(б) радамыш ушнен[2].

1949 ийыште Н. К. Крупская лӱмеш Марий педагогике институтым, 1951 ийыште — Озаҥысе кугыжаныш университетын аспирантурыжым чыла «визытан» дене тунем пытарен[1].

1949—1972 ийлаште — туныктышо, доцент, историй-филологий факультетын деканже, Н. К. Крупская лӱмеш Марий педагогике институтын КПСС историй кафедрын вуйлатышыже[1][3][4].

1972—1978 ийлаште — Марий кугыжаныш университетысе мер шанче, КПСС историй да шанче коммунизм кафедре-влакын вуйлатышыже, профессор (1974)[1][3].

1978 ий 25 октябрььыште Йошкар-Ола олаште колен[1], Туруново шӱгарлаште тойымо[5].

Шанче-педагогике паша

1953 ийыште «Йошкар Армий тылжым пеҥгыдемдыме верч да йотэлысе интервенций да 1918—1920 ийласе граждан сар жапыште тудын аралалтме пого поянлыкшые верч кучедалмаш» теме дене кандидатлык диссертацийым арален[2][6].

1971 ийыште «Марий АССР-ысе социалистический индустриализацийын партийын вуйлатымыже (1926—1941 ий июнь)» теме дене докторлык диссертацийым арален[7].

Марий мландын XX курымысо икымше пелыжын историйжым шымлыше семын палыме. 60 утла шанче пашан авторжо, нунын коклаште: «Марий кундем граждан сар жапыште»[8], «Революций салтак-влак»[9], «Марий АССР-ыште индустриализаций нерген ленин политикым илышыш шыҥдарымаш»[10] да молат[1]. Марий кундемын палыме еҥже-влакын пӱрымашыштым: С. П. Даниловын, Т. П. Кочетовын, В. А. Бариновын, А. Г. Смирновын, А. Р. Романовын да молынат, тыгак Марий Эл Республикысе историй шанчын эртымгорныжым шымлен.

Школ ден вуз-влаклан Марий кундемын историйже нерген тунемме пособий-влакым лукмо шотышто инициатор лийын. Моло шанчыеҥ-влак дене пырля кугурак класслаште тунемше-шамычлан шочмо мландын историйже нерген пособийым ямдылен да савыктен. «Марий АССР-ын историйже» тунемме пособийын авторжо-влак кокла гыч иктыже (6 изданий). Автор-влак тӱшкам вуйлатыше, «КПСС Марий тӧнежын историйже нерген очерк-влак» савыктышын шанче редакторжо лийын[1].

Тӱҥ шанче пашаже-влак

  • Пашуков В. Ф. Борьба за укрепление тыла Красной Армии и мобилизацию его материальных ресурсов на оборону в период иностранной военной интервенции и Гражданской войны, 1918—1920 гг.: по материалам Марийского края: диссертация … кандидата исторических наук: 07.00.00. — Казань, 1953. — 460 с.[2][6]
  • Пашуков В. Ф. Марийский край в годы Гражданской войны. — Йошкар-Ола, 1965[8].
  • Пашуков В. Ф. Солдаты революции: (Очерки о сынах земли марийской — участниках борьбы за власть Советов). — Йошкар-Ола: Маркнигоиздат, 1967. — 104 с.: ил.
  • Пашуков В. Ф., Сануков К. Н. История Марийской АССР. — Йошкар-Ола. 1968[9].
  • Пашуков В. Ф. Осуществление ленинской политики индустриализации в Марийской АССР. 1928—1941 гг. — Йошкар-Ола: Маркнигоиздат, 1969. — 312 с.[10].
  • Пашуков В. Ф. Партийное руководство социалистической индустриализации Марийской АССР 1926 г. — июнь 1941 г.: Автореферат дис. на соискание учёной степени доктора исторических наук. (570) / Моск. гос. пед. ин-т им. В. И. Ленина. — Москва: [б. и.], 1971. — 50 с.[7].
  • Пашуков В. Ф. История Марийской ССР: учебное пособие для учащихся IX—X классов / В. Ф. Пашуков, С. П. Захарова. — Изд. 5-е, перераб. — Йошкар-Ола: Марийское книжное издательство, 1982. — 76, [2] c.: ил[11].

Чаплӱм да суаптар-влак

Пашалан

  • РСФСР калык туныктымашын отличникше (1960)[2]
  • Марий АССР-ысе шанчын сулло пашаеҥже (1973)[1]
  • «Чапле пашалан. Владимир Ильич Ленинын шочмыжлан 100 ий темме лӱмеш» медаль (1970)[2]
  • РСФСР Кӱшыл Каҥаш Президиумын чапкагазше (1960)[1]
  • Марий АССР-ысе Кӱшыл Каҥаш Президиумын чапкагазше (1972)[1]
  • Йошкар-Оласе КПСС ола комитетын чпкагазше (1970)[2]

Сарысе

Шарнымаш

  • 2004 ий гыч шанчыеҥ-историк В. Ф. Пашуковын лӱмжым (йылмызе Н. Т. Пенгитов да историк В. М. Тарасова дене пырля) тудын илыме Йошкар-Оласе Кремлёвский уремын 42-шо №-ан пӧрт пырдыжеш мемориал оҥаште ончыктымо[1][12].
  • 1993 ий гыч Марий кугыжаныш университетыште Пашуков лудмаш-влак эртаралтыт[1][2][13].

Палемдымаш

  1. ↑ 1 2 3 4 5 6 7 8 9 10 11 12 Мочаев, 2017, с. 333.
  2. ↑ 1 2 3 4 5 6 7 8 9 10 11 12 ПАШУКОВ Василий Федорович (неопр.). Марийская история в лицах. Тергыме кече: 15 ӱярня 2025.
  3. ↑ 1 2 3 ПАШУКОВ Василий Фёдорович | Музей. museum.marsu.ru. Тергыме кече: 15 ӱярня 2025.
  4. ↑ История появления в Йошкар-Оле первого марийского вуза — Пединститута, <https://www.marpravda.ru/news/gorod/vuz-v-vikhryakh-vremeni/>. Тергыме: 15 ӱярня 2025. 
  5. ↑ Они тоже гостили на земле... Пашуков Василий Фёдорович (1923–1978). nec.m-necropol.ru. Тергыме кече: 15 ӱярня 2025.
  6. ↑ 1 2 Пашуков, Василий Федорович - Борьба за укрепление тыла Красной Армии и мобилизацию его материальных ресурсов на оборону в период иностранной военной интервенции и Гражданской войны, 1918-1920 гг. : по материалам Марийского края : диссертация ... кандидата исторических наук : 07.00.00 - Search RSL (неопр.). search.rsl.ru. Тергыме кече: 15 ӱярня 2025.
  7. ↑ 1 2 Пашуков, Василий Федорович - Партийное руководство социалистической индустриализации Марийской АССР 1926 г. - июнь 1941 г. [Текст] : Автореферат дис. на соискание ученой степени доктора исторических наук. (570) - Search RSL (неопр.). search.rsl.ru. Тергыме кече: 15 ӱярня 2025.
  8. ↑ 1 2 Карточка издания: Марийский край в годы гражданской войны. (1918-1920 гг.). unis.shpl.ru. Тергыме кече: 15 ӱярня 2025.
  9. ↑ 1 2 Василий Федорович Пашуков. Солдаты революции: Очерки о сынах земли марийской - участниках борьбы за власть Советов. — Йошкар-Ола: Маркнигоиздат, 1967. — 104 с.
  10. ↑ 1 2 Василий Федорович Пашуков. Осуществление ленинской политики индустриализации в Марийской АССР. 1928-1941 гг. — Йошкар-Ола: Маркнигоиздат, 1969. — 312 с.
  11. ↑ Информационно-библиотечный центр Поволжского государственного технологического университета. ecatalog.volgatech.net. Тергыме кече: 15 ӱярня 2025.
  12. ↑ В Йошкар-Оле в одном доме жили трое выдающихся ученых — «Йошкар-Ола» | городская газета (неопр.). Тергыме кече: 15 ӱярня 2025.
  13. ↑ Карточка издания: Историк и время: проблемы истории и историографии народов России, Поволжья, Марий Эл: материалы научной конференции, посвященной 85-летию со дня рождения профессора В.Ф. Пашукова, [21 марта 2008 г.]. unis.shpl.ru. Тергыме кече: 15 ӱярня 2025.

Литератур

  • Айплатов Г. Н., Сануков К. Н. Профессор В. Ф. Пашуков и его вклад в развитие исторической науки // Марийский археографический вестник. — 1998. — № 8.
  • Василий Фёдорович Пашуков: Материалы к биобиблиографии учёных. Серия «Исследователи истории Марийского края». Выпуск 5. — Йошкар-Ола, 2001.
  • Учёные Марийского государственного университета / [сост.: Г. Н. Айплатов, А. А. Иванов; под. общ. ред. А. Г. Иванова]. — Йошкар-Ола: Мар. гос. ун-т, 2002. — 291 c.: ил.
  • Сануков К. Н. Пашуков Василий Фёдорович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 275. — 2032 экз. — ISBN 5-87898-357-0.
  • Пашуков Василий Фёдорович: биобиблиогр. указ. / [сост.: Г. Н. Айплатов, Е. В. Ускова; науч. ред., отв. за вып. В. В. Изыкин]; МарГУ, Науч. б-ка. — Йошкар-Ола: МарГУ, 2008. — 38 c.: ил. — (Материалы к биобиблиографии учёных МарГУ; вып. 13).
  • Иванов А. А., Иванов А. Г. Историки Марий Эл XX — начала XXI века: биобиблиографический справочник / А. А. Иванов, А. Г. Иванов; М-во образования и науки Российской Федерации, ФГБОУ ВПО «Марийский гос. ун-т». — Йошкар-Ола: Марийский гос. ун-т, 2013. — 215 с.; ISBN 978-5-94808-785-6.
  • Сануков К. Н. Пашуков Василий Фёдорович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 333. — 606 с. — 1500 экз. — ISBN 978-5-905314-35-3.
  • Востриков В. История появления в Йошкар-Оле первого марийского вуза — пединститута // Марийская правда. — 2018. — 5 октября.

Кылвер-влак

"https://mhr.ruwiki.ru/w/index.php?title=Пашуков,_Василий_Фёдорович&oldid=1232029" гыч налме