Обухова, Галина Николаевна

Галина Николаевна Обухова
Галина Николаевна Обухова
Шочмо кече	6 ӱярня 1927
Шочмо вер	Ивакнур ял Пектубаево район, Марий Эл
Колымо кече	1 идым 2014 (87 ий)
Колымо вер	Советский район (Марий Эл)
Эл	СССР; Россий;
Паша сомыл	ферме вуйлатышыже

Галина Николаевна Обухова (6 ӱярня 1927, Ивакнур, Марий автоном область — 1 идым 2014, Вечын, Марий Эл Республик) — совет ялозанлыкын ончылъеҥже, Марий АССР Советский районысо «Рассвет» колхозын ферме вуйлатышыже, Социалистический Паша Герой (1966).

Биографий

1927 ийыште Ивакнур ялыште, кызыт Марий Эл, марий кресаньык ешеш шочын.

1939 ийыште уло еш Советский районысо Вечын ялыш куснен. Шым классым тунем пытарымек, верысе «У корно» колхозын пасу бригадыштыже пашам ышташ тӱҥалын. Варарак самырык коммунист бригадым вуйлатен.

1943 ийыште Йошкар-Олаш обороно заводыш пашаш колтеныт. 1944 ийыште фабрик-заводысо школым тунем пытарен.

1947 ийыште Вечын селашке пӧртылын. Марлан лектын, да сӧсна ончышылан пашам ышташ тӱҥалын. Ик идалык гычак тудо пашан ончылъеҥже лийын. 1950 ийыште тудлан сӧсна фермым вуйлаташ ӱшаненыт.

1963 ий гыч тудо «Рассвет» колхозын Опанассола шӧр-сату фермыжым вуйлатыше лиеш. Тудын вуйлатымыж почеш паша лектыш палынак кугемын. Шӧр лӱштыш шукемын. Шымше вичияшым иктешлыме почеш колхоз вольык ончымо йодыш шотышто ончылно лийын.

СССР Кӱшыл Каҥаш Президиумын 1966 ий 22 мартысе Указше ялозанлыкыште кӱкшӧ лектышым налмылан да вольык ончымаште рекордлык палдырыш шумылан Галина Николаевна Обуховалан Социалистический Паша Герой лӱмым пуымо, Ленин орденым да «Сорла ден чӧгыт» медальым кучыктымо.

Ялозанлыкыште умбакыже пашам ыштен. 1978 ийыште сулен налме канышыш каен.

Марий Элысе Советский районышто илен. 2014 ий 1 сентябрьыште колен.

Награде-влак

Пашаште сеҥымашлан палемдалтын:

«Сорла ден чӧгыт» шӧртньӧ медаль (22.03.1966)
Ленин орден (22.03.1966)
моло медаль-влак

Палемдымаш

Литератур

Обухова Галина Николаевна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 584. — 872 с. — 3505 экз. — ISBN 978-5-94950-049-1.
Васильева А. Е., Виногоров Н. И. Обухова Галина Николаевна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 314. — 606 с. — 1500 экз. — ISBN 978-5-905314-35-3.

Кылвер-влак

Галина Николаевна Обухова (руш.). Сайт «Герои страны».