Никитин, Иван Семёнович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Никитин.
Иван Семёнович Никитин
Никитин Иван Семёнович (Марий Эл).jpg
Шочмо кече 12 сӱрем 1930(1930-07-12)
Шочмо вер
Колымо кече 10 идым 2009(2009-09-10) (79 ий)
Колымо вер
Гражданстве  СССР →  Россий
Профессий актёр
Усталык жап 1952—1990
Амплуа трагик, комик
Театр М. Шкетан лӱмеш марий кугыжаныш драме театр
Суаптар SU Medal For Valiant Labour in the Great Patriotic War 1941-1945 ribbon.svg
Марий АССР-ын калык артистше (1980)
Марий АССР-ын сулло артистше (1972)

Ивáн Семёнович Ники́тин (12 сӱрем 1930, Йӱледӱр (У Роҥго кундем), Советский район — 10 идым 2009, Йошкар-Ола) — марий совет театр актёр. М. Шкетан лӱмеш марий театрын актёржо (1952—1955, 1956—1990). Марий АССР-ын калык артистше (1980). Марий АССР-ын сулло артистше (1972).

Илыш корныжо

1930 ий 12 июльышто Марий Элын кызытсе Советский район Йӱледӱр ялыште[1] служитлыше-влакын ешыштышт шочын[2][3][4].

1945 ийыште шочмо кундемысе Кужмарий шымияш школым тунем пытарен, колхозышто пашам ыштен[5].

1952 ийыште И. С. Палантай лӱмеш марий музык-театр училищын театр пӧлкажым тунем пытарен[3][5].

1952—1955 ийлаште — М. Шкетан лӱмеш марий театрын актёржо[2][3][5].

1955—1956 ийлаште «Марилес» трестыште пашам ыштен[5].

1956 ий сентябрьыште уэш М. Шкетан лӱмеш марий театрыш пӧртылын, тушто 1990 ий марте актёрлан пашам ыштен[2][3][5].

2009 ий 10 сентябрьыште Йошкар-Олаште колен[2][3].

Актёр пашаже

40 ий жапыште М. Шкетан лӱмеш марий театрын сценыштыже 150 утла рольым модын[2][3][5].

Икымше шке семын чоҥымо пашаже М. Шкетанын «Ачийжат-авийжат!..» (1952) драмыштыже Санун рольжо лийын, партнёржо — А. Тихонова. Кугурак йолташ да туныктышылан кумдан палыме марий артистым, РСФСР-ын сулло артистшым Г. М. Пушкиным шотлен[5].

Типажан актёр семын палыме, амплуаже — проста чонан еҥым модмаште. Шуко уда койышан персонажым модын: карьерист, руалткалыше, очком погышо-влакым да т. м., нуным модмыжо социал да сылнысымыктыш келгыт дене палемдалтыныт[5].

Эн чот калыкле классике репертуарын спектакльлаштыже почылтын (М. Шкетанын, С. Николаевын, А. Волковын да молын пьесыштышт). Шкем кучен моштымо усталык койышыж дене геройын кӧргӧ тӱняжым ӱшанлын почын[5].

Классике репертуарын спектакльлаштыжат модын (А. Островскийын, Вс. Вишневскийын, У. Шекспирын, Б. Брехтын да молын пьесыштышт)[5].

Морко калык театрыште шеф пашам вӱден[5].

Медаль-влак да Марий АССР Кӱшыл Каҥаш Президиумын да МАССР тӱвыра министерствын Чаптаныкышт дене палемдалтын. 1980 ийыште тудлан «Марий АССР-ын калык артистше» чаплӱмым пуымо[2][3][5].

Тӱҥ роль-влак

И. С. Никитинын модмо тӱҥ роль-влак списке[2][3][5]:

  • Сану (М. Шкетан «Ачийжат-авийжат!..», 1952)
  • Элексе, Йыван (М. Рыбаков «Кок эрге», 1960; «Керемет корем воктене», 1962)
  • Валера (А. Волков «Оръеҥ мелна», 1962)
  • Вӧдыр (Н. Айзман «Кай, кай Йыванлан», 1957)
  • Ванька-комиссар, Осып (М. Шкетан «Эреҥер», 1967; «Эх, родители!..», 1970)
  • Полатов, Терей (С. Николаев «Салика»)
  • Атавай да Якай (С. Николаев «Айвика»)
  • Коммунист Онтон (М. Рыбаков «Салтак вате», «Кинде», «Онтон», 1972)
  • Пигелде (А. Волков «Алдиар» 1969)
  • Виктор (Н. Терентьев «Ӱшан», 1972)
  • Миловидов (А. Островский «Кугорно валне», 1973)
  • Ондржей (К. Чапек «Ава», 1973)
  • Главнокомандующий (Б. Брехт «Вуянче ава ден шочшыжо-влак», 1975)
  • Корабль командир (В. Вишневский «Оптимистическая трагедия», 1980)
  • Граф Корнуэл (У. Шекспир «Лир кугыжа», 1984)
  • Прокоп (М. Рыбаков «Морко сем», 1995)
  • Жеронтт (Мольер «Чоя Скапен», 1995)
  • Священник Филипп Лазаревич (К. Коршунов «Пӱрыдымӧ пӱрымаш», 1997)
  • Чемеков (А. Филиппов «Шоҥго ӱдырын мурыжо», 1998)[2][3][5].

Пагалымаш

Шарнымаш

Марий АССР-ын калык артистше И. С. Никитинлан шарныктыш оҥа (Йошкар-Ола, Первомайский ур., 181)

2010 ий августышто Йошкар-Олаште Первомайский уремысе 181 №-ан пӧрт пырдыжыште, кушто 1970—1998 ийлаште Марий АССР-ын калык артистше И. С. Никитин илен, шарныктыш оҥа вераҥдалтын[2][3][6].

Палемдымаш

  1. ↑ Село Юледур | Государственное бюджетное учреждение "Государственный архив Республики Марий Эл" (руш.). gosarhivrme.ru. Тергыме кече: 22 теле 2025.
  2. ↑ 1 2 3 4 5 6 7 8 9 10 11 Мочаев, 2017, с. 305.
  3. ↑ 1 2 3 4 5 6 7 8 9 10 11 12 Энциклопедия Республики Марий Эл, 2009, с. 576.
  4. ↑ Информационный ресурс Республики Марий Эл "12rus.ru" :: Советский район. www.12rus.ru. Тергыме кече: 22 теле 2025.
  5. ↑ 1 2 3 4 5 6 7 8 9 10 11 12 13 14 15 16 17 театр, Шкетан (2021-04-25), Никитин Иван Семенович – М.Шкетан лӱмеш Марий кугыжаныш драме театр, <http://shketan.ru/nikitin/>. Тергыме: 22 теле 2025. 
  6. ↑ Ивану Никитину актеру и человеку, <https://www.marpravda.ru/news/arhiv/fdt5fgf/>. Тергыме: 22 теле 2025. 

Литератур

  • Георгина М. В трудном поиске // Георгина М. Марийский драматический театр: Страницы истории (1917—1978). — Йошкар-Ола: Марийское книжное издательство, 1979. — С. 99—171.
  • Кульбаева Н. Артисты Марийского театра: биобиблиографический справочник. — Йошкар-Ола, 2005.
  • Кульбаева Н. И., Мочаев В. А. Никитин Иван Семёнович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 254. — 2032 экз. — ISBN 5-87898-357-0.
  • Никитин Иван Семёнович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 576. — 872 с. — 3505 экз. — ISBN 978-5-94950-049-1.
  • Кульбаева Н. И., Мочаев В. А. Никитин Иван Семёнович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 305. — 606 с. — 1500 экз. — ISBN 978-5-905314-35-3.
  • Никитин Иван Семёнович // Энциклопедия театров Марий Эл: иллюстрированное научно-популярное издание. ― Йошкар-Ола, 2019. — С. 45. — ISBN 978-5-6043759-4-5.

Кылвер-влак

"https://mhr.ruwiki.ru/w/index.php?title=Никитин,_Иван_Семёнович&oldid=1233208" гыч налме