Незнакин, Анатолий Васильевич

Анатолий Незнакин
Тӱҥ увер
Тичмаш лӱм	Незнакин Анатолий Васильевич
Шочмо кече	1 ага 1952(1952-05-01) (74 ий)
Шочмо вер	У Торъял, Марий Автоном Совет Социализм Республик, РСФСР, СССР
Эл	СССР  Россий
Профессий	композитор, музыкым туныктышо
Жанр	опера, балет, симфоний, концерт, романс
Награде

Анатолий Васильевич Незнакин (шоч. 1 ага 1952, У Торъял, Марий Автоном Совет Социализм Республик) — совет да россий композитор, туныктышо. Россий сымыктышын сулло пашаеҥже (2003). Марий Эл Республик сымыктышын сулло пашаеҥже (1992).

Илыш корныжо

1952 ий 1 агаште Марий Эл Республикын У Торъял посёлкыштыжо шочын. 1960 ийыште ешыже Советский посёлкыш илаш куснен. 12 ияш годым сем школын баян классышкыже тунемаш пурен. Тиде жапыштак семым возаш тӱҥалын. Самырык семалче лӱдде симфонийым возаш пижын, кеч ондак нигунамат партитурым ужын огыл. Тушко тудо палыме симфоний да духовой оркестр семӱзгар-влакым пуртен. Тидын деч посна, тудо баянлан икмыняр сонатым воза. Конешне, рвезылан уста семвозышын каҥашыже кӱлын. Да тудо сонатын рукописьшым Москош, Д. Б. Кабалевскийлан колта. Шке вашмутыштыжо Кабалевский самырык семалчылан сеҥымашым тыланен да композицийым тунемаш ойым пуэн. 1968 ийыште А. Незнакин Палантай лӱмеш Йошкар-Оласе сем училищын теорий пӧлкашкыже тунемаш пурен.

1972 гыч 1977 ийла марте А. Незнакин Озаҥ кугыжаныш консерваторийыште РСФСР ден МАССР сымыктышын сулло пашаеҥже А. Б. Лупповын композиций классыштыже тунемеш. Шке туныктышыжо-влак коклаште Анатолий Васильевич эн кугу татар композитор Н. Г. Жигановымат лӱмда, тудын классыштыже самырык марий композитор семӱзгар-влакым тунемын.

1977 ий гыч Палантай лӱмеш Йошкар-Оласе сем училищыште пашам ышта.

2001—2006 ийлаште Марий Эл Республикысе Композитор-влак ушемын пӧлкажым вуйлатен.

Композиторын лӱмжӧ Марий Эл Республик деч ӧрдыжтат палыме, тудын семым шуко палыме шоктызо-влак йоҥгалтареныт.

Усталык пашаже

Сцене произведений-влак

• Танцовщица. Шым хореографий миниатюр оркестрлан (1979)
• Маски. Ик актан балет. Либретто А. Николаевын (1982)
• Вальс под кукушку. Монодраме. Тенорлан, йоча хорлан да оркестрлан. (П. Вегин почеш)(1988)
• «Дама с мопсом и курочка ряба» (ик актан опер) (2009—2010)

Симфоний произведений-влак

• «Симфониетта» (1975)
• «Послепрошедшее» Саксофон ден оркестрлан вариаций-влак (2004)
• Симфоний 1 № (1980)
• Симфоний 2 №(1981)
• Симфоний 3 № —Йоча (1986)
• Альт да камер оркестрлан концерт (1997)
• Театральный дивертисмент (2006)
• День балета (2008)
• Секстет да камерный оркестрлан куан (2014)
• Оркестрлан мардеж (2015)
• Кларнет, флейта, 3 скрипке, фортепиано да кылан триолан изи кок пачашан концерт (2015)

Камер-семӱзгар произведений-влак

Фортепианолан

• Сонатина-влак
• И. С. Бахын «Хорошо темперированный клавирын» икымше том фугын тӱҥалтыштыже пыштыме йӱк радамлан вариаций-влак (1976)
• Пьеса-влак

Струнныйлан

• Альт-сололан соната (1990)
• Кок скрипкылан дуэт-влак (2002—2004 ийла)

Духовой семӱзгарлан

• Сонатина-влак: соло-флейтылан (№ 1-1989, № 2-1996), Флейтысе альбом (2001)

Ансамбль-влак

• Кылан квартет: № 4(1999)
• Кларнет, кок скрипке, альт да виолончельлан квинтет (1973)
• Саксофон-альт да фортепиано триолан концерт (1999)
• Скрипач-влакын ансамбльыштлан кок пьеса: Пӧлеклымаш. Сем.
• Торъялыште шошо, пу гыч ыштыме семӱзгаран духовой квартетлан (2006)

Вокал сочинений-влак

• 6 руш калык муро меццо-сопрано да фортепианолан (1974, 1975, 1990)
• Монолог-влак. Йӱклан, альтлан да фортепианолан. Мут Ю. Рыбчинскийын, А. Тарковскийын, С. Городецкийын, О. Мандельштамын (1-ше редакций — 1976, 2-шо редакций 1989).
• «Sub luna amo» изи кантата (1995)
• Тӱрлӧ йӱкан хорлан кок вокализ (2000)

Драме театрлан

• «Гасан — искатель счастья» Е. Сперанскийын (1981).
• «Корсиканка»(1999).

Курчак театрлан

• «Варшавский набат» В. Коростылёвын (1985).
• «Подарок для Дашеньки» 3. Шуринован (1985).
• «Опасная сказка» И. Демчукын (1986).
• «Сказка о мертвой царевне» А. Пушкинын (1987),
• «Волшебная лампа Алладина» (1991),
• «Краса ненаглядная» (1992),
• «Герда» (1993),
• «По щучьему веленью, по космическому хотенью» (1997),
• «Солнечный лучик» (2000),
• «Веселая карета» (2000).

Палемдымаш

Литератур

• Л. Романова. В постоянном поиске. О композиторе А. Незнакине.
• Кузнецова В. Г., Кульшетова Л. И., Чеснокова В. И. Композиторы и музыковеды Республики Марий Эл. — Йошкар-Ола: Типография Правительства Республики Марий Эл, 2006. — С. 110—114. — 266 с. — 1000 экз. — ISBN 5-87898-318-4.
• Незнакин Анатолий Васильевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 252. — 2032 экз. — ISBN 5-87898-357-0.
• Незнакин Анатолий Васильевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 574. — 872 с. — 3505 экз. — ISBN 978-5-94950-049-1.