Озаҥысе кугыжаныш консерваторий

РУВИКИ — эрыкан энциклопедий гыч материал
Озаҥысе кугыжаныш консерваторий
Татарстан. Казань. Дом дворянства, 1912г., арх.Олешкевич К.С.jpg
Негызлыме ий 1945
Тӱрльылык Академий
Ректор
Студент-влак 700
Доктор-влак 11
Профессора 34
Преподаватель-влак 205
Верланымаш  Россий, Казань, Татарстан
Юридический адрес Большая Красная урем, 38
Сайт kazancons.ru

Озаҥысе Н. Г. Жиганов лӱмеш кугыжаныш консерваторий (академий) (руш. Казанская государственная консерватория имени Н. Г. Жиганова) — Озаҥыште, сем шинчымашым пуышо, кӱшыл тунемме тӧнеж.

Эртымгорно

1945 ийыште почылтын[2].

Озаҥысе кугыжаныш консерваторий Юл кыдалсе да Урал пеленсе республикылаште илыше калык-влаклан: Татарстан, Пошкырт, Чуваший, Удмуртий, Мордовий, Марий Эл — кӱшыл шинчымашан семмастарым (туныктышым, шоктышым, семым возышым, шымлышым) ямдылыше рӱдер семын почылтын[3].

Тудын икымше ректоржо татар тӱвыран кумдан палыме пашаеҥже, композитор Назиб Жиганов  (руш.) (мар. (1911—1988) лийын[4]. Озаҥысе композитор школ профессор-влак Г. Литинскийын, А. Леманын, Н. Жигановын вуйлатымышт почеш чоҥалтын.

1990 ийыште консерваторий савыктыш пашам шукташ правам налын да шанче, тунемме-методике да ното савыктыш-влакым лукташ тӱҥалын; 1993 ийыште вузышто опер студий почылтын[4].

Консерваторийыште тӱрлӧ семӱзгарым шоктышо-влакын конкурсышт эртаралтеш.

Шинчымашым пуымо программе-влак 8 факультетыште да 20 кафедрыште шыҥдаралтыт.

Озаҥысе консерваторийыште аспирантур (3 ий тунемман) да ассистентур — исполнитель специальность-влаклан стажировко (2 ий тунемман) уло.

Озаҥысе консерваторийын ик оралтыштыже тыгак Н. Г. Жиганов лӱмеш кыдалаш сем школ верланен.

Консерваторийын кумдан палыме тунемшыже-влак

  • Антонов, Дмитрий Константинович, флейтист.
  • Ахметов, Фасиль Ахметгалиевич, композитор.
  • Бакиров, Энвер Закирович, композитор.
  • Барышникова, Алсу Халимовна, пианистка, концертмейстер, профессор. Татарстан Республикын сулло артисткыже.
  • Бережная, Светлана Владимировна, органист, клавесинист.
  • Беркович, Анатолий Александрович, опер мурызо
  • Билялов, Рафаэль Нуриевич, пианист да композитор.
  • Бигичев, Хайдар Аббясович, опер мурызо.
  • Блинов, Лоренс Иванович — совет да российысе композитор, философ, поэт, педагог.
  • Бурнашева, Эльфия Вафовна, пианистка, педагог.
  • Валиуллин, Хуснулла Валиуллович, композитор.
  • Венедиктов, Вадим Николаевич, дирижёр, РСФСР сымыктышын сулло пашаеҥже.
  • Васильев, Владимир Михайлович, дирижёр, педагог.
  • Васильев, Владимир Михайлович, опер мурызо (бас), туныктышо.
  • Васькевич, Виктор Станиславович, семӱзгар мастар (баян, ударный-влак), профессор, искусствоведений кандидат. Россий Федерацийын сулло артистше.
  • Воронцова, Екатерина, мурызо (меццо-сопрано), тӱнямбал конкурс-влакын лауреатше. «Шӧртньӧ Маска» калыкле театр премийын лауреатше. Российын Кугу театржын солисткыже.
  • Горностаев, Игорь, мурызо (баритон). Воронеж кундемын сулло артистше.
  • Губайдулина Софья, композитор (икымше кӱшыл образований).
  • Еникеев, Ренат Ахметович, композитор.
  • Заляльдинов, Эмиль Усманович, мурызо (баритон).
  • Захаров, Вениамин Александрович, композитор, Марий Эл Республикысе сымыктышын сулло пашаеҥже.
  • Ибрагимов, Ренат Исламович, мурызо.
  • Ибушев, Георгий Мифодиевич, мурызо (тенор).
  • Исламова, Эльза Евгеньевна, мурызо (сопрано).
  • Ишбуляков, Идеал Давлетович, опер мурызо.
  • Казаков, Михаил Владимирович, опер мурызо, бас.
  • Казанцев, Валерий Васильевич, гобоист, педагог.
  • Казанцева, Галина Александровна, опер мурызо.
  • Камелина, Людмила Геннадьевна, органист, Озаҥысе Н. Г. Жиганов лӱмеш кугыжаныш консерваторийын доцентше, РФ-н сулло артисткыже.
  • Ластовка (Окунева) Галина Трофимовна, мурызо, Татарстанысе опер сценын примыже, туныктышо. ТАССР и РМЭ-ын калык артисткыже. РФ сулло артисткыже.
  • Лундстрем, Олег Леонидович, джазмен, композитор, оркестрым чумырышо да вуйлатыше
  • Маклыгин, Александр Львович, композитор, семым шымлыше, искусствоведений доктор, профессор.
  • Маков, Сергей Николаевич, композитор, Марий Эл Республикысе сымыктышын сулло пашаеҥже.
  • Мамонтов, Анатолий Васильевич, «Италмас» мурышо да куштышо ансамбльын сылнысымыктыш вуйлатышыже.
  • Манджиев, Аркадий Наминович.
  • Михайлов, Владимир Николаевич, совет да российысе музыкант, хормейстер, дирижёр. РФ-н сулло артистше. Удмурт Республик сымыктышын сулло пашаеҥже.
  • Монасыпов, Алмаз Закирович, композитор да дирижёр.
  • Мулюков, Бату Гатауллович, композитор, педагог.
  • Нигмеджанов, Махмүт Нигмеджанович, педагог да фольклорист.
  • Расторгуева, Светлана Павловна, домристка, педагог, профессор, РФ-н сулло артисткыже.
  • Сунгатуллина, Зиля Даяновна, опер мурызо (лирико-колоратурный сопрано), педагог, профессор, Озаҥысе Н. Г. Жиганов лӱмеш кугыжаныш консерваторийын вокал сымыктыш кафедрыжын вуйлатышыже.
  • Тимербулатов, Шамиль Харисович, композитор.
  • Шакиров, Ильгам Гильмутдинович, мурызо
  • Шамсутдинова, Масгуда Исламовна, композитор
  • Яруллин, Мирсаид Загидуллович, композитор, педагог.

Палемдымаш

  1. ↑ В Казанской консерватории представили нового ректора - Казанская государственная консерватория имени Н.Г.Жиганова (руш.). web.archive.org. Тергыме кече: 30 шыжа 2025.
  2. ↑ Николаев, 1973.
  3. ↑ Неофициальный сайт Казани. moyakazan.narod.ru. Тергыме кече: 30 шыжа 2025. Архивлыме 31 теле 2014 ий.
  4. ↑ 1 2 Казанская государственная консерватория / 1000-летие Казани. web.archive.org. Тергыме кече: 30 шыжа 2025.

Литератур

  • Консерватория / Николаев А. А. // Конда — Кун. — М. : Советская энциклопедия, 1973. — (Большая советская энциклопедия#Третье издание / гл. ред. А. М. Прохоров ; 1969—1978, т. 13).

Кылвер-влак

"https://mhr.ruwiki.ru/w/index.php?title=Озаҥысе_кугыжаныш_консерваторий&oldid=1233658" гыч налме