Мышляков, Прохор Афанасьевич

РУВИКИ — эрыкан энциклопедий гыч материал
Прохор Афанасьевич Мышляков
Мышляков, Прохор Афанасьевич.jpg
Шочмо кече 1903 ий 23 сӱрем(1903-07-23)
Шочмо вер Манаҥмучаш, Чарла уезд, Озаҥ губерний, Россий империй
Колымо кече 1977 ий 27 шыжа(1977-10-27) (74 ий)
Колымо вер Йошкар-Ола, Марий Эл, Россий
Гражданлык  Россий империй →  СССР
Паша сомыл партий пашаеҥ, депутат, озанлык пашаеҥ, администраций пашаеҥ
Награде да премий

Орден Трудового Красного Знамени — 1946 Орден «Знак Почёта»  — 1951 «Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын»
Марий АССР Кӱшыл Каҥаш Президиумын Чаптаныкше (1943, 1946, 1957)

Прохор Афанасьевич Мышляков (23 сӱрем 1903, Манаҥмучаш, Чарла уезд, Озаҥ губерний, Россий империй — 27 шыжа 1977, Йошкар-Ола, Марий Автоном Совет Социализм Республик, РСФСР[d], СССР) — марий совет администраций, озанлык да партий пашаеҥ. Марий АССР Кӱшыл Каҥаш председательын IV созывысе алмаштышыже (1955—1959), Марий АССР Йошкар-Ола райисполкомын председательже (1939—1940, 1942—1944). Кугу Ачамланде сарын салтакше.

Илыш корно

1903 ий сӱрем тылзын 23-шо кечынже кызытсе Марий Эл Советский район Манаҥмучаш ялысе йорло кресаньык ешеш шочын[1]. Тӱҥалтыш школ шинчымашым гына налын[2].

1928 ий гыч — Монаҥмучаш ялсоветын  (руш.) (мар. секретарьже, председательже, 1930 ий гыч — шочмо ялысе «Мари кундем» колхозын председательже[1][3].

1931 ийыште Йошкар-Ола райисполкомышто тыршен: кантон финанс пӧлкан оксавиктыш шотышто инспекторжо, секретарь, 1936 ий гыч — финанс пӧлкан вуйлатышыже, 1939—1940 ийлаште — председатель[2][3].

1940—1942 ийлаште — СССР Наркоматын Марий АССР-ысе шапашым ситарыме шотышто ӱшанъеҥже лийын[2][3].

Кугу Ачамланде сарын салтакше, капитан[4][5].

1942 ийыште мӧҥгыш пӧртылмеке, Йошкар-Оласе МТС-ын политпӧлкам вуйлатышыже лийын, капитан, вара уэш Йошкар-Ола райисполкомым вуйлатен[6][3].

1944—1959 ийлаште — Марий АССР-ысе Косолоп райисполкомын председательже[2][3].

1955—1959 ийлаште Марий АССР Кӱшыл Каҥашын  (руш.) (мар. IV созывысе Председательжын алмаштышыже лийын[6][3][7][8].

Тудын шуко ияш администраций-озанлык да депутат пашаже Пашан Йошкар Тисте орденже да «Чап Тамга» орден, медаль-влак да 3 чаптанык дене палемдалтын[2][3].

1977 ий шыжа тылзын 27-ше кечынже Йошкар-Олаште колен[2][3].

Суаптар

Палемдымаш

  1. ↑ 1 2 Информационный ресурс Республики Марий Эл "12rus.ru" :: Советский район. www.12rus.ru. Тергыме кече: 20 шорыкйол 2026.
  2. ↑ 1 2 3 4 5 6 7 8 9 Мочаев, 2017, с. 298.
  3. ↑ 1 2 3 4 5 6 7 8 9 10 11 12 К 75-летию законодательной власти Марий Эл Листая страницы истории. yoshkarola.bezformata.com. Тергыме кече: 20 шорыкйол 2026.
  4. ↑ Мышляков Прохор Афанасьевич :: Память народа. pamyat-naroda.ru. Тергыме кече: 20 шорыкйол 2026.
  5. ↑ #дорогапамяти Участник ВОВ ✩ Мышляков Прохор Афонасьевич (руш.). Музейный комплекс "Дорога Памяти". Тергыме кече: 21 шорыкйол 2026.
  6. ↑ 1 2 Мочаев, 2007, с. 249.
  7. ↑ Официальный сайт Госсобрания Республики Марий Эл. old.gsmari.ru. Тергыме кече: 20 шорыкйол 2026.
  8. ↑ Листая страницы истории К 100-летию Республики Марий Эл. news.myseldon.com. Тергыме кече: 20 шорыкйол 2026.

Литератур

  • Мышляков, Прохор Афанасьевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 249. — 2032 экз. — ISBN 5-87898-357-0.
  • Мочаев В. А. Мышляков, Прохор Афанасьевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 298. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Мышляков,_Прохор_Афанасьевич&oldid=1232515" гыч налме