Марьин, Иван Ильич

РУВИКИ — эрыкан энциклопедий гыч материал
Иван Ильич Марьин
Иван Ильич Марьин.jpg
Шочмо кече 1922 ий 6 сӱрем(1922-07-06)
Шочмо вер Марий Пыламарий села, Марий Турек район, Марий Эл
Колымо кече 1999 ий 31 шорыкйол(1999-01-31) (76 ий)
Колымо вер Моско, Россий
Пурымаш  СССР
Войскан родшо авиаций
Службо жап 1940—1962
Званий
Полковник ВВС СССР
Кредалмаш/сар Кугу Ачамланде сар
Награде да премий
Герой Советского Союза
Ленин орден Орден Красного Знамени Орден Красного Знамени Орден Отечественной войны I степени
Орден Отечественной войны I степени Орден Отечественной войны II степени Орден Трудового Красного Знамени Орден Красной Звезды
Медаль «За отвагу» (СССР) Медаль «За боевые заслуги» SU Medal For the Capture of Koenigsberg ribbon.svg Медаль «За победу над Германией в Великой Отечественной войне 1941—1945 гг.»

Иван Ильич Марьин (1922–1999) — Совет Армийын полковникше, Кугу Ачамланде сарын салтакше, Совет Ушемын Талешкыже (1946).

Илыш корныжо

Иван Марьин 1922 ий 6 июльышто Марий Пыламарий селаште (кызыт Марий Элын Марий Турек районжо) шочын. Красноуфимскысе 1-ше №-ан школышто лу классым тунем пытарен. 1940 ий августышто Пашазе-кресаньык Йошкар Армийыш служияш налалтын. 1941 ийыште тудо Челябинскысе сарзе авиаций школышто стрелок-бомбардирлан тунем лектын. Ту ийысе октябрь гыч — Кугу Ачамланде сарын фронтыштыжо. Кредалмаште кок гана сусырген[1].

Сар пытышашлан кугурак лейтенант Иван Марьин 3-шо Белорус фронтысо 1-ше юж армийын 213-шо йӱдым бомбардироватлыше авиадивизийын 24-ше гвардий бомбардировкылык авиаполкысо звенон штурманже лийын. Сарыште лийме жапыште тудо 793 гана сӧйысӧ вашпижмашке, тушманын саргурал да салтак вий чумыргымашке чоҥештен лектын, тушманын кӱлешан объектше-влакым пытарен, тыгак юж разведкыш чоҥештылын, партизан-влаклан грузым шупшыктен[1].

СССР Кӱшыл Каҥаш Президиумын 1946 ий 15 майысе кӱштыкше дене «тушман ваштареш бомбардировко годым ончыктымо патырлык да талылыклан» гвардийын кугурак лейтенантше Иван Марин Совет Ушемын Талешкыже чаплӱмым сулен, Ленин орден ден 9049 номеран «Шӧртньӧ Шӱдыр» медальым кучыктымо[1].

Сар пытымек, Марьин Совет Армийыште служиен. 1952 ийыште Сарзе-юж академийым тунем пытарен. 1962 ийыште подполковник лӱмпале дене шапашыш каен, варарак шапашын полковникше лӱмпалым сулен. Москошто илен да пашам ыштен. Колымыж деч изиш ончыч толеныт, чыла суаптаржым шолыштыныт. 1999 ий 31 январьыште колен, Москосо Троекуров шӱгарлаште тойымо[1].

Суаптарже

  • кок Йошкар Тисте орден;
  • кок Кугу Ачамланде сар орден, 1-ше степенян;
  • Кугу Ачамланде сар орден, 2-шо степенян,
  • Йошкар Тисте Паша орден;
  • Йошкар Шӱдыр орден;
  • медаль-влак.

Палемдымаш

  1. ↑ 1 2 3 4 Иван Ильич Марьин (руш.). Сайт «Герои страны».

Литератур

  • Наши Герои. 2-е изд., перераб. и доп. — Йошкар-Ола, 1985.
  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
  • Воробьёв В. П., Ефимов Н. В. Герои Советского Союза. Справочник — СПб., 2010.
  • Марьин Иван Ильич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 528. — 872 с. — 3505 экз. — ISBN 978-5-94950-049-1.
  • Марьин Иван Ильич // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 147—148. — 374 с. — 500 экз. — ISBN 978-5-94950-070-5.
  • Мочаев В. А., Колесников А. Ю. Марьин Иван Ильич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 273. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Марьин,_Иван_Ильич&oldid=1169989" гыч налме