Марий кеҥеж

Марий кеҥеж
Марий кеҥеж
	фестиваль[d]
Эртараш тӱҥалме	2022
Верланымаш
Эртарыме вер	Йошкар-Ола;
Эл	Россий;

«Мари́й кеҥéж» (руш. Марийское лето) — йӱла почеш ий еда кеҥежым Марий Эл Республикысе Йошкар-Олаште уремыште эртаралтше фестиваль. Проект 2022 ий гыч Марий Эл Республикын Вуйлатышыже Юрий Зайцевын темлымыж дене илышыш шыҥдаралтеш.

Историй

Фестиваль 2022 ий 16 июльышто тӱҥалын да 4 сентябрь марте шуйнен. Тудо сай игече годым кажне кугарнян, шуматкечын да рушарнян эртен.

«Еҥ-влак йоча-влак дене пырля толыт, тиде фестивальыш район гыч толшо-влакат шукемыныт. Эрла, мутлан, муниципал кундемла гыч коллектив-влак толыт. Ондак проектыш нуно тынар чолган ушнат манын шонен огынал, но тудо шукыштлан оҥайын чучын. Тыгак тушто Марий республикысе тӱвыра да сымыктыш колледжын студентше-влак мастарлыкыштым ончыктат^[1]»
— Михаил Матвеев, Марий Эл Республикысе тӱвыра, печать да калык-влакын пашашт шотышто министрын алмаштышыже, 2022 ий 13 август.

2023 ий гыч фестивалым ий еда 1 июнь гыч 31 август марте эртараш пунчалме. 2024 ийыште Юрий Зайцев палемден^[2]:

«Марий кеҥеж» фестиваль калыкын мер кумдыкшылан у шӱлышым пуэн — кажне каныш кечын калыкым артист да аниматор-влак куандареныт, кугыеҥ ден йоча-влак паркыште пырля кином онченыт, ӱстел модыш ден модыныт да спорт таҥасымашке ушненыт".

Фестиваль нерген

Фестиваль кышкарыште ий еда кеҥеж мучко Йошкар-Олаште илыше да уна-влаклан олан тӱрлӧ верлаштыже кугыеҥ-влакланат, йоча-шамычланат оҥай вашлиймаш-влак эртат. Нунын коклаште уремысе семмастар-влакын шоктен мурымыштым, уста мастар-классым, концертым, каныме касым, уым пален налме квиз-влакым, модмашым, спорт да тазалыкым пеҥгыдемдыше программылам, йоча мероприятийым, кава йымалне кином ончымым да молымат палемдаш лиеш. Урем фестиваль тыгак республикысе тӱвыра тӧнеж-влакын усталык коллектив-влакым уша^[3].

Эртарыме вер-влак

Фестивальым эртарыме тӱҥ вер-влак — тиде Рӱдӧ парк, Патриарший площадь, Республик да Шнуй Мария Ӱдырын кумдыкышт, Брюгге эҥер сер, Чавайн бульвар, Марий парк^[4].

Кӱлешлыкше

«Марий кеҥеж» проект шке моштымашым ончыкташ, еш дене пырля жапым пайдалын эртараш да канаш йӧным ышта. «Марий кеҥеж» фестивальын эртыме верлаш турист-влак чолган ушнат, тыге нуно республикын шкешотан тӱвыраж (руш.) (мар. дене палыме лийыт^[5].