Марий парк
| Марий парк | |
|---|---|
 | |
| Тӱҥ информаций | |
| Тӱрлылык | тӱвыра да каныме парк |
| Негызлалтын | 2024 ий 1 ноябрь |
| Верланымаш | |
| 56°37′31″ с. ш. 47°54′42″ в. д.GЯO | |
| Эл | |
| РФ субъект | Марий Эл |
| Ола | Йошкар-Ола |
 | |
Мари́й парк — Марий Эл Республикысе Йошкар-Олаште верланыше каныме да тӱвыра парк. 2024 ий 1 ноябрьыште пайремлын почыныт. Олан эҥер вес велныже, Ленин проспект ден Изи Какшан эҥер коклаште, Пӱнчер ото каныме вер деч тораште огыл верланен.
Историй
Совет жапыште тыгаяк лӱман парк олан рӱдыштыжӧ верланен. Тушто кугыжаныш да калык пайрем-влак эртеныт, еҥ-влак каненыт[1]. Тиде паркын верыштыже 2009 ийыште «Чарла кремль» тӱвыра-историй комплексым чоҥеныт.
У Марий парк тӱшка пайремым, калыкле мероприятий-влакым эртараш да еш дене канаш вер лийже манме шонымаш денак ышталтын. Илышыш «Формирование комфортной городской среды» федерал проект кышкарыште шыҥдаралтын[2]. Проектлан Йошкар-Олаште илыше-влак йӱкленыт, да 2022 ийыште тудо сеҥыше-влак радамыш логалын. Тудым тӱзатымым олаште илыше 4 тӱжем утла еҥ сайлан шотлен. Кумдыкым марий тӱр дене сӧрастарыме. Тушто тыгай Пеледыш пайрем, Ӱярня, Шорыкйол, Угинде марий калык пайремым да моло мероприятий-влакым эртарат[3][4].
Пӱртӱс
Паркым тӱзаташлан пистым, лышташан пушеҥге-влакым, гортензий вондерлам шынденыт[5].
Паркын объектше-влак
Марий парк калыкле сынан, йошкар тӱсан марий тӱран улмыж дене ойыртемалтеш. Паркыште каныме вер, куштымо площадке, усталык пашалан, йочалан модаш келыштарыме кумдык-влак улыт. Паркыште тротуар ден йолын коштмо корно-влакым ыштыме, тенгылым, лӱҥгалтышым да моло изи архитектур элемент-влакым вераҥдыме. Сцене воктене куштымо площадкым келыштарыме. Паркыш пурымаште — марий тӱр дене сӧрастарыме капка. Кугу тӱткышым паркыште вераҥдыме 17 стендлан ойырымо: нуно картым, сӱретым, верысе тӱвырам, пайремым да сылне вер-влакым ончыктышо Марий Эл Республикын районжо-влакым почын пуат[6].
Тидын деч посна, паркыште пу гыч ыштыме скульптур-влакым вераҥдыме, нуно марий легенде ден йомак гыч персонаж-влакым ончыктат. Нунын коклаште «Чодыра оза» (автор Акимов Е. А), «Илыш пушеҥге» (Антропов В. М.), «Юмын ӱдыр» (Смородинов Д. В.), «Лудо-Юмо» (Туркичёв А. П.), «Юмын ӱдыр» (Назаров С. Л.), «Ирга» (Тихонов С. Н.), «Марий онаеҥ» (Рябов П. В.) да молат. Шуко скульптуржо Йошкар-Олан 440 ияш лӱмгечыжлан пӧлеклалтше «Легенды народа мари» Россий кӱкшытан пу скульптур фестивальлан кӧра шочын. Чыла скульптур композицийым кид дене ыштыме. Нуно марий калыкын тӱвыра поянлыкшым да йӱлажым келгын почын пуат[7][8].
Галерей
Тӱҥ сцене
Марий Эл Республикысе район-влакын стендышт
Паркысе скульптур композиций-влак кокла гыч иктыже
Палемдымаш
- ↑ Торжественное открытие «Марий парка» 2024, Йошкар-Ола, <https://www.culture.ru/events/5052779/torzhestvennoe-otkrytie-marii-parka>. Тергыме: 25 кылме 2025.
- ↑ В Йошкар-Оле открыли Марий парк, созданный по федеральному проекту «Формирование комфортной городской среды», <https://www.marpravda.ru/news/sociym/v-yoshkar-ole-otkryli-mariy-park-sozdannyy-po-federalnomu-proektu-formirovanie-komfortnoy-gorodskoy-/>. Тергыме: 25 кылме 2025.
- ↑ Новый старый Марий парк: в Йошкар-Оле появилась новая зона для отдыха, <https://www.mk.ru/social/2024/08/23/novyy-staryy-mariy-park-v-yoshkarole-poyavilas-novaya-zona-dlya-otdykha.html>. Тергыме: 25 кылме 2025.
- ↑ В Марий парке планируют проводить марийские национальные праздники (руш.). МариМедиа. Тергыме кече: 25 кылме 2025. Архивлыме 24 шорыкйол 2025 ий.
- ↑ Общественные пространства в городах Марий Эл становятся все краше и комфортнее, <https://www.mk.ru/photo/gallery/45365-891226.html>. Тергыме: 25 кылме 2025.
- ↑ В Йошкар-Оле открыли Марий парк, созданный по федеральному проекту. www.vpgazeta.ru. Тергыме кече: 25 кылме 2025. Архивлыме 9 пургыж 2025 ий.
- ↑ В йошкар-олинском Марий парке поселились новые герои марийских сказок, <https://www.mk-mari.ru/social/2025/09/15/v-yoshkarolinskom-mariy-parke-poselilis-novye-geroi-mariyskikh-skazok.html>. Тергыме: 25 кылме 2025.
- ↑ Григорьев, Игорь (2025-08-08), Фестиваль деревянной скульптуры в Йошкар-Оле подходит к финалу, <https://el-news.ru/news/4993/festival-derevyannoj-skulptury-v-joshkar-ole-podhodit-k-finalu/>. Тергыме: 25 кылме 2025.