Тӱвыра да каныме рӱдӧ парк (Йошкар-Ола)
| Тӱвыра да каныме рӱдӧ парк | |
|---|---|
| руш. Центральный парк культуры и отдыха | |
 Паркыш пурымаште фонтан | |
| Тӱҥ информаций | |
| Тӱрлылык | тӱвыра да каныме парк |
| Кумдык | 12,5 га |
| Негызлалтын | 1940 ий 19 шыжа |
| Статус |  Россий калыкын тӱвыра югыпого объектше - регион кӱкшытан. Рег. № 121520298030005 (ЕГРОКН). Объект № 1200000329 (БД Викигида) |
| Верланымаш | |
| 56°38′12″ с. ш. 47°53′24″ в. д.GЯO | |
| Эл | |
| Регион | Марий Эл |
| Ола | Йошкар-Ола |
 | |
 РУВИКИ.Медиаште медиафайл-влак | |
ВЛКСМ-ын XXX-ияш лӱмгечыж лӱмеш тӱвыра да каныме рӱдӧ парк (шындер) (руш. Центральный парк культуры и отдыха имени XXX-летия ВЛКСМ) — Марий Эл Республикысе Йошкар-Олан рӱдӧ ужашыштыже верланыше, тӱвыра да каныме шындер. Кундемысе ыҥан тӱвыра поянлыкын кумдыкшо.
Эртымгорно
1917 ийысе революций деч ончыч шындерын тачысе йӱдвел ужашыштыже шӱгарла лийын, тудым 1926 ий 28 ноябрьыште Йошкар-Оласе исполкомын пунчалже дене петырыме, тидын годым шӱгарласе мумо капорам оласе Марково шӱгарлаште уэш тоеныт[1]. Некрополь воктене шогышо Тихвин Юмын Ава юмоҥан черкыже пустаҥын, черкывуй, чаҥ деч посна кодын, вара тудым клатыш савыреныт[2].
1932 ийыште Йошкар-Олаш Озаҥ гыч М. Горький лӱмеш Юл кундемысе чодыратехник институт кусаралтын; тачысе шындерын йӱдвел ужашыштыже, вич ий ончыч ыштыме дендрологий сад (питомник) тудын виктарымашкыже куснен. 1940 ий 19 октябрьыште садыште оласе тӱвыра да каныме шындерым ышташ, Горкомхозлан пуымо: 6,5 гектар кумдыкышто шӱдӧ наре тӱрлӧ вондо ден пушеҥгым шынденыт[1].
1941 ий июньышто ола Марий АССР-ын коло ияш лӱмгечылан пӧлеклалтше пайремлан ямдылалтын. Но тиде лӱмгечылан пӧлеклалтше ик пашаже — 22 июньышто Тӱвыра да каныме шындерым куанлын почмаш — Кугу Ачамланде сар тӱҥалмылан кӧра кӱрылтын[1].
Марий Эл Республик Виктерын 2007 ий 27 июньысо 162 №-ан пунчалже дене ВЛКСМ-ын XXX-ияш лӱмгечыж лӱмеш шындер кундемысе ыҥан тӱвыра поянлык радамыш пурталтын[3].
Шындерын верланымыже
Шындер Йошкар-Оласе Комсомол, Первомай, Кремль да Пушкин урем-влак дене чекланыше кумдыкышто верланен.
Палемдымаш
- ↑ 1 2 3 История Центрального Парка Культуры и Отдыха в Йошкар-Оле (руш.). Тергыме кече: 6 сорла 2021. Архивлыме 7 сорла 2021 ий.
- ↑ Удивительная история Парка культуры и отдыха в Йошкар-Оле (руш.). Марийская Правда (9 кылме 2018). Тергыме кече: 6 сорла 2021. Архивлыме 7 сорла 2021 ий.
- ↑ Постановление Правительства Республики Марий Эл № 162 от 27.06.2007. Тергыме кече: 7 сорла 2021. Архивлыме 7 сорла 2021 ий.
Литератур
- Центральный парк культуры и отдыха им. XXX-летия ВЛКСМ // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 804. — 872 с. — 3505 экз. — ISBN 978-5-94950-049-1.
