Лимаренко, Пётр Григорьевич

РУВИКИ — эрыкан энциклопедий гыч материал
Пётр Григорьевич Лимаренко
Лимаренко, Пётр Григорьевич.jpg
Шочмо кече 1928 ий 27 шорыкйол(1928-01-27) (98 ий)
Шочмо вер Тарандинцы, Лубны район, Полтава область, Украин ССР, СССР
Гражданлык  СССР →  Россий
Паша сомыл партий пашаеҥ, депутат
Награде да премий

Орден Октябрьской Революции — 1975 Орден Трудового Красного Знамени — 1971 Калык Келшымаш орден  — 1981 Орден «Знак Почёта»  — 1965 «Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын» Серебряная медаль на синей ленте.png Почётная грамота Президиума Верховного Совета РСФСР — 1978
Марий АССР-ын сулло чоҥышыжо (1980)
Марий АССР Кӱшыл Каҥаш Президиумын Чаптаныкше (1957, кум гана)

Пётр Григóрьевич Лимарéнко (шоч. 27 шорыкйол 1928, Тарандинцы[d], Лубны район[d], Полтава вел, Украин ССР[d], СССР) — совет партий пашаеҥ, туныктышо, ялозанлык шанче кандидат (1975). 1954 ий гыч КПСС йыжъеҥ. Марий АССР Министр-влак Каҥаш председательын икымше алмаштышыже (1961—1969), Марий АССР ялозанлык сатум ыштыме да ямдылыме шотышто министр (1962—1965), КПСС-ын Марий кундемысе комитетын кокымшо секретарьже (1979—1987). РСФСР Кӱшыл Каҥашын депутатше (1984—1989), КПСС XXVI погынын делегатше (1981). Марий АССР-ын сулло чоҥышыжо (1980).

Илыш корныжо

1928 ий шорыкйол тылзын 27-ше кечынже кызытсе Украин Полтава кундемын Лубны районысо Тарандинцы селаште шочын[1].

1952 ийыште Киев ялозанлык институтым (кызыт ― Украин калыкле биоресурс да пӱртӱс дене пайдаланымаш университет  (руш.) (мар.) тунем пытарен да тунамак Марий АССР-ысе Курыкмарий районыш колтымо: 1952—1955 ийлаште — Арде ялозанлык училищын туныктышыжо, завучшо, 1955—1959 ийлаште — Курыкмарий МТС-ын директоржо, 1958—1959 ийлаште — Курыкмарий райисполкомын председательже. 1954 ийыште КПСС радамыш налме[1].

1959 ийыште Йошкар-Олаш куснен: «Сельэлектрострой» управленийын начальникше, 1961—1969 ийлаште — Марий АССР Министр-влак Каҥаш председательын икымше алмаштышыже, тидын дене пырля, 1962—1965 ийлаште — МАССР ялозанлык сатум ыштымаш да ямдылыме шотышто министр[1].

1969 ий гыч КПСС-ын Марий кундемысе комитетыште  (руш.) (мар.: 1969—1979 ийлаште — секретарь, 1979—1987 ийлаште — кокымшо секретарь[1].

1975 ийыште М. Горький лӱмеш Озаҥ ялозанлык институтышто «РСФСР-ын Шемрокдымо кумдыкыштыжо шӧран вольык куштымашын экономике лектышыже (Марий АССР-ысе колхоз-влакын примерже негызеш)» теме дене кандидатлык диссертацийым арален. Ялозанлык шанче кандидат?! (1975)[1][2][3][4].

Шорык куштымо шотышто икмыняр патентын авторжо да соавторжо улеш[1][5][6][7].

1961—1985 ийлаште, 6 созыв, Марий АССР Кӱшыл Каҥашын  (руш.) (мар. депутатшылан, 1984—1989 ийлаште — РСФСР Кӱшыл Каҥашын XI созывын депутатшылан сайлалтын[8]. 1981 ийыште Марий АССР гыч делегат семын КПСС-ын XXVI погыныштыжо тыршен. 1987 ийыште КПСС РК-н аппаратышкыже пашаш кусарыме[1].

2002 ийыште Москосо «Марий Эл землячествын» ик негызлышыже лийын[1][9].

Тудын шуко ияш лектышан мер-политике пашаже Октябрь Революций орден, Пашан Йошкар Тистыже орден, Калык-влакын Келшымаш орден, «Чап Тамга» орден, медаль-влак, РСФСР Кӱшыл Каҥаш Вуйверын Чаптаныкше да Марий АССР Кӱшыл Каҥаш Вуйверын Чаптаныкше дене (кум гана) палемдалтын. 1980 ийыште тудлан «Марий АССР-ын сулло чоҥышыжо» чаплӱмым пуымо[1].

Чаплӱм да суаптар

Палемдымаш

  1. ↑ 1 2 3 4 5 6 7 8 9 10 11 12 13 14 15 16 17 Мочаев, 2017, с. 254.
  2. ↑ Лимаренко, Петр Григорьевич - Экономическая эффективность молочного скотоводства Нечернозёмной зоны РСФСР (на примере колхозов Марийской АССР) : автореферат дис. ... кандидата сельскохозяйственных наук : 08.00.05 (15.) - Search RSL (неопр.). search.rsl.ru. Тергыме кече: 19 шорыкйол 2026. Архивлыме 15 пеледыш 2022 ий.
  3. ↑ Экономическая эффективность молочного скотоводства Нечернозёмной зоны РСФСР (на примере колхозов Марийской АССР). www.dslib.net. Тергыме кече: 19 шорыкйол 2026. Архивлыме 9 кылме 2017 ий.
  4. ↑ Петр Григорьевич Лимаренко. Экономическая эффективность молочного скотоводства Нечернозёмной зоны РСФСР (на примере колхозов Марийской АССР) (ru-RU). — 1975. Архивлыме 9 идым 2017 ий.
  5. ↑ Лимаренко Пётр Григорьевич изобретатель и автор патентов - PatentDB.ru (руш.). patentdb.ru. Тергыме кече: 19 шорыкйол 2026.
  6. ↑ Способ промышленного выращивания овец // Патентон. — 1976-06-25.
  7. ↑ Патенты автора Лимаренко Пётр Григорьевич. findpatent.ru. Тергыме кече: 19 шорыкйол 2026. Архивлыме 6 шыжа 2017 ий.
  8. ↑ Официальный сайт Госсобрания Республики Марий Эл. old.gsmari.ru. Тергыме кече: 19 шорыкйол 2026.
  9. ↑ РОО "Землячество Марий Эл", Москва, проверка по ИНН 7704233501. www.audit-it.ru. Тергыме кече: 19 шорыкйол 2026.

Литература

  • Лимаренко Пётр Григорьевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 214. — 2032 экз. — ISBN 5-87898-357-0.
  • Мочаев В. А. Лимаренко Пётр Григорьевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 254. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Лимаренко,_Пётр_Григорьевич&oldid=1233778" гыч налме