Ласточкина, Прасковья Ивановна

РУВИКИ — эрыкан энциклопедий гыч материал
Прасковья Ивановна Ласточкина
Ласточкина, Прасковья Ивановна.jpg
Шочмо кече 1922 ий 20 пургыж(1922-02-20)
Шочмо вер Шудасола, Советский район (Марий Эл), Марий автоном область, РСФСР
Колымо кече 2014 ий 2 сӱрем(2014-07-02) (92 ий)
Колымо вер Йошкар-Ола, Марий Эл, Россия
Гражданлык Flag of the Russian Soviet Federative Socialist Republic (1918–1925).svg РСФСР (1917—1922) →  СССР →  Россий
Паша сомыл декоративно-прикладной сымыктыш мастар
Награде да премий

Орден «Знак Почёта»  — 1966 «Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын»
Йошкар-Олан Чап гражданинже (1968)

Прасковья Ивановна Ласточкина (1922, Шудасола ял, Чарла кантон, Марий автоном область, РСФСР — 2014, Йошкар-Ола, Марий Эл, Россий) — совет жапысе марий тӱрызӧ. Йошкар-Оласе «Труженица» фабрикын тӱрызыжӧ (1950—1982). Йошкар-Олан Чап гражданинже (1968). 1953 ий гыч КПСС йыжъеҥ.

Илыш корныжо

1922 ий 20 февральыште Шӱдысола ялысе, кызыт Марий Эл Республикын Совет велже, кресаньык ешыште шочын[1][2][3].

Шочмо ялыштыже шымияш школым, 1940 ийыште — 8 март лӱмеш Йошкар-Оласе профтехшколым тунем пытарен. Профтехшколым тунем пытарымек, Марий АССР Роҥго вел «Трудовик» илыш йӧн артельыш тӱр шотышто инструкторлан колталтын. Вара шочмо ялыштыже ферме вуйлатышылан пашам ыштен. 6 тылзаш курс деч вара тудым Роҥго ВЛКСМ райкомыш инструкторлан шогалтеныт. Идалыкат пеле гыч марийже деке Мӱндыр Эрвелыш кудалын[4].

1950 ийыште Йошкар-Олашке пӧртылын. 1950–1982 ийлаште — Йошкар-Оласе «Труженица» фабрикын тӱрызыжӧ (2-шо №-ан цех). Шке пашаштыже марий калыкле тӱрын ожнысо сымыктыш йӱлажым умбакыже шуен. 12 тӱнямбал ончерыште марий тӱрым ончыктен, тыгак 1958 ийыште Брюссельыште лийын[1]. Сулен налме канышыш лекмек, мӧҥгыштӧ пашам виктарыме шотышто мастерлан тыршен[4].

1953 ийыште КПСС-ыш пурен, икмыняр созыв Йошкар-Ола комитетын, КПСС Марий обком пленумын йыжъеҥже лийын. 1964 ийыште коммунал-илыш асулышо профушем ЦК пленумын йыжъеҥжылан сайлалтын[4].

1968 ийыште «Йошкар-Олан Чап гражданинже» пуымо[5]. 1977 ийыште тудо Марий АССР-ын илыш-касыш асулымо пашаеҥже лийын. «Чап Тамга» да Марий АССР-ын Кӱшыл Совет Президиумын Чап грамотшо дене суапландаралтын[1][4].[

2014 ий 2 июльышто Семёновка селаште (кызыт — Йошкар-Ола кышкарыште) колен.

Чапланымыже

  • Марий АССР-ын илыш асулыкын сулло пашаеҥже (1977)[1][4]
  • Йошкар-Олан Чап гражданинже (1968)[1][3]
  • «Чап Тамга» орден (1966)[1][4]
  • «Владимир Ильич Ленинын шочмыжлан 100 ий темме лӱмеш» медаль[4]
  • Марий АССР Кӱшыл Каҥаш Президиумын Чап грамотшо (1957)[1][4]

Шарнымаш

П. И. Ласточкинан тӱрлымӧ пашаже-влак Йошкар-Оласе Т. Евсеев лӱмеш да Йошкар-Оласе историй тоштер фондлаште аралалтыт, тӱрлӧ ончерлаште ончыкталтыт[6][7][8].

Палемдымаш

  1. ↑ 1 2 3 4 5 6 7 Мочаев, 2007, с. 209.
  2. ↑ Шудасола (Шуда-Сола малая, Оканай-Палко) | Родная Вятка. rodnaya-vyatka.ru. Тергыме кече: 30 пеледыш 2023. Архивлыме 30 пеледыш 2023 ий.
  3. ↑ 1 2 Почетному гражданину Йошкар-Олы Прасковье Ивановне Ласточкиной – 90 лет. - Официальный сайт администрации городского округа "Город Йошкар-Ола". i-ola.ru. Тергыме кече: 30 пеледыш 2023. Архивлыме 30 пеледыш 2023 ий.
  4. ↑ 1 2 3 4 5 6 7 8 20 февраля исполняется 100 лет со дня рождения марийской вышивальщицы Прасковьи Ласточкиной | ГАЗЕТА НАШЕГО ГОРОДА (неопр.) (9 пургыж 2022). Тергыме кече: 30 пеледыш 2023.
  5. ↑ Собрание депутатов городского округа "Город Йошкар-Ола" (руш.). gor-sobry-ola.ru. Тергыме кече: 30 пеледыш 2023. Архивлыме 19 сӱрем 2019 ий.
  6. ↑ «Неувядающие» орнаменты (к 95-летию со дня рождения П.И. Ласточкиной) | Статьи | Музей истории города Йошкар-Олы. i-ola-museum.ru. Тергыме кече: 30 пеледыш 2023. Архивлыме 30 пеледыш 2023 ий.
  7. ↑ В Йошкар-Оле откроется выставка изделий легендарной фабрики «Труженица». www.marpravda.ru. Тергыме кече: 30 пеледыш 2023. Архивлыме 8 ага 2023 ий.
  8. ↑ Выставка «Гордость республики. Фабрика строчевышитых изделий «Труженица» 2021, Йошкар-Ола — дата и место проведения, программа мероприятия. (руш.). Культура.РФ. Тергыме кече: 30 пеледыш 2023. Архивлыме 30 пеледыш 2023 ий.

Литератур

  • Беляйкина Р. Ф. Играют узоры. Очерк о вышивальщице артели «Труженица» П. И. Ласточкиной. — Йошкар-Ола: Марийское книжное издательство, 1958. — 24 с.
  • Брагилевская Е. О руках, что вышили судьбу // Служба быта. — 1968. — № 12. — С. 26—27.
  • Фецина О. Ф. Неувядающие орнаменты. — Йошкар-Ола: Марийское книжное издательство, 1980. — 84 с.
  • Путеводитель: Музей трудовой славы «Труженица» / Сост. Шипицын В. П. — Йошкар-Ола: Марийская республиканская типография, 1983. — 24 с.
  • Двинянинов А. В. Ласточкина Прасковья Ивановна // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 209. — 2032 экз. — ISBN 5-87898-357-0.
  • Двинянинов А. В. Ласточкина Прасковья Ивановна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 250. — 606 с. — 1500 экз. — ISBN 978-5-905314-35-3.
  • Вахитова Е. В. «Неувядающие» орнаменты (к 95-летию со дня рождения П. И. Ласточкиной) // Музейный вестник: ежегодный сборник. Вып. № 12 / ГБУК «Национальный музей РМЭ им. Т. Евсеева»; науч. ред. Д. Ю. Ефремова. — Йошкар-Ола, 2018. — С. 262—265.

Кылвер-влак

"https://mhr.ruwiki.ru/w/index.php?title=Ласточкина,_Прасковья_Ивановна&oldid=1212449" гыч налме