Крейцберг, Мария Фрицевна
| Мария Фрицевна Крейцберг | |
|---|---|
 | |
| Шочмо кече | 16 ӱярня 1887 |
| Шочмо вер | |
| Колымо кече | 16 теле 1965 (78 ий) |
| Колымо вер | |
| Эл | |
| Профессий | врач, пӧлка вуйлатыше |
| Шанче алан | физиотерапий, неврологий |
| Паша вер |
Марий АССР Провой район Кожласола селаште верланыше 3071-ше номеран эвакогоспиталь Марий АССР Провой район Красногорский посёлкышто верланыше Сареш эмганыше-влакын республикысе госпиталь |
| Образований | |
| Званий |
 |
| Награде да премий |
  |
Мария Фрицевна Крейцберг (16 ӱярня 1887, Рига — 16 теле 1965, Красногорский, Марий Автоном Совет Социализм Республик) — совет врач-физиотерапевт, невропатолог. Кугу Ачамланде сар жапыште — Марий АССР Провой вел Кожласола селаште верланыше 3071-ше номеран эвакогоспитальыште физиокабинетым вуйлатыше, врач-невропатолог (1941―1945). Марий АССР Провой вел Красногорский посёлкышто верланыше Сареш эмганыше-влакын республикысе госпитальын эмлышыже (1946―1965). РСФСР-ын сулло врачше (1958).
Ӱмыргорныжо
1887 ий 16 мартыште Латвийын рӱдолаштыже, Ригыште, шочын. Калык шот дене — латыш[1][2].
1924 ийыште Озаҥ университетым тунем лектын[1][2].
Озаҥысе эмлымверлаште, Моско кундемысе Артём Сергеев лӱмеш санаторийыште пашам ыштен. 1934 ий гыч ― Марий АССР-ысе Провой вел Кожласола селасе кугылогар (зоб) станцийын физиотерапевт пӧлкажын вуйлатышыже[1][2][3].
Кугу Ачамланде сар жапыште ― Марий АССР-ысе Провой вел Кожласола селасе 3071-ше номеран эвакогоспитальын физиокабинетшын вуйлатышыже, врач-невропатологшо[1][2][4].
1946 ий гыч илышын пытартыш кечыже марте, Марий АССР Провой вел Красногорский посёлкышто верланыше Сар эмгак-влакым эмлыше республикысе госпитальыште эмлышылан пашам ыштен[1][2].
Физиотерапий да неврологий дене шанче паша-влакын авторжо семын палыме[1][2].
Тазалык аралымаште шуко ий тыршен пашам ыштымыжлан 1958 ийыште «РСФСР-ын сулло врачше» чаплӱмым сулен. Пашан Йошкар Тисте орденже, медаль-влак да Марий АССР-ысе Кӱшыл Каҥаш Президиумын Чаптаныкше дене палемдалтын[1][2].
1965 ий 16 декабрьыште кызытсе Марий Элын Провой вел Красногорский посёлкыштыжо илыш дене чеверласен, туштак тойымо[1][2].
Суапшым пагалымаш
- РСФСР-ын сулло эмлышыже[1][2] (1958);
- Марий АССР-ын сулло эмлышыже[1][2] (1955);
- Паша Йошкар Тисте орден[1][2] (1951);
- «1941—1945 ийласе Кугу Ачамланде сарыште чолга пашалан» медаль[1][2];
- Марий АССР Кӱшыл Каҥаш Президиумын Чапкагазше (1962)[1][2].
Палемдымаш
- ↑ 1 2 3 4 5 6 7 8 9 10 11 12 13 Мочаев, 2017, с. 226.
- ↑ 1 2 3 4 5 6 7 8 9 10 11 12 13 Энциклопедия Республики Марий Эл, 2009, с. 457.
- ↑ Объединение "Отечество" Республики Татарстан. otechestvort.ru. Тергыме кече: 25 сӱрем 2025. Архивлыме 31 сӱрем 2023 ий.
- ↑ При разборе дома врачей в Марий Эл обнаружены 19 фронтовых писем. www.marpravda.ru. Тергыме кече: 25 сӱрем 2025. Архивлыме 31 сӱрем 2023 ий.
Литератур
- Александров Н. А., Мочалов С. Г. Развитие здравоохранения в Марийской АССР. ― Йошкар-Ола: Марийское книжное издательство, 1980. ― 216 с.: ил.
- Артищева Р. В., Краснов П. В., Мочаев В. А. Крейцберг Мария Фрицевна // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 191. — 2032 экз. — ISBN 5-87898-357-0.
- Крейцберг Мария Фрицевна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 457. — 872 с. — 3505 экз. — ISBN 978-5-94950-049-1.
- Артищева Р. В., Краснов П. В., Мочаев В. А., Яналова Н. А. Крейцберг Мария Фрицевна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 226. — 606 с. — 1500 экз. — ISBN 978-5-905314-35-3.
- Ӱярня тылзын 16 кечынже шочшо-влак
- 1887 ийыште шочшо-влак
- Ригыште шочшо-влак
- Теле тылзын 16 кечынже колышо-влак
- 1965 ийыште колышо-влак
- РСФСР-ыште колышо-влак
- РСФСР-ын сулло врачше-влак
- Паша Йошкар Тисте орден дене суапландаралтше-влак
- «1941–1945 ийласе Кугу Ачамланде сарыште чолга пашалан» медаль дене суапландаралтше-влак
- Алфавит почеш персоналий-влак
- Алфавит почеш врач-влак