Краснов, Зосим Алексеевич

Зосим Алексеевич Краснов
Зосим Алексеевич Краснов
Шочмо кече	1924 ий 2 сорла
Шочмо вер	Кутюк-Кинер села, Морко район, Марий Эл
Колымо кече	1984 ий 5 шыжа (60 ий)
Колымо вер	Донецк, Ростов область
Пурымаш	СССР
Войскан родшо	пехото
Службо жап	1942—1945
Званий
Кредалмаш/сар	Кугу Ачамланде сар

Зосим Алексеевич Краснов (2 август 1924, Морко кантон — 5 октябрь 1984, Донецк, Ростов кундем) — Пашазе-кресаньык Йошкар Армийын старшинаже, Кугу Ачамланде сарын салтакше, Совет Ушемын Талешкыже (1945).

Илыш корныжо

Зосим Краснов 1924 ий 2 августышто Кутюк-Кинереш (кызыт — Марий Элысе Морко район) шочын. Тӱҥалтыш школым тунем пытарымек, колхозышто пашам ыштен. 1942 ий августышто Краснов Пашазе-кресаньык Йошкар Армийыш служияш каен. Ту ийысе декабрь гычак — Кугу Ачамланде сарын фронтыштыжо. Ленинград блокадым кӱрлмаште да тудым тӱрыснек кораҥдымаште лийын. Кок гана чот сусырген. Варарак Эстон ССР ден Польшым утарымаште кредалын. 1945 ий январьлан йошкарармеец Зосим Краснов 1-ше Украинский фронтын 21-ше армийжын 120-шо стрелок дивизийжын 543-шо стрелок полкшын снайперже лийын. Польшым утарымыж годым ойыртемалтын^[1].

1945 ий 19 январьыште Краснов вашпижмаште тушманын 3 салтакшым шкеак пытарен. 1945 ий 21 январьыште шке взводшо дене окруженийыш логалын, тушман пулемёт расчётым да 14 фрицым пытарен, тиде окружений гыч лекташ йӧным ыштен. Оппельн верч кредалмаште Краснов тыгак ик гана огыл ойыртемалтын, шке почешыже салтак-влакым атакыш наҥгаен. Краснов умбакыла ончык эртыме жапыште Одер гоч вончен да касвел сереш тушманын 4 салтакшым пытарен^[1].

СССР Кӱшыл Советын Президиумын 1945 ий 10 апрельысе кӱштыкшӧ почеш «Висла-Одер операцийыште патырлыкым да талылыкым ончыктымылан» йошкарармеец Зосим Краснов Совет Ушемын Талешкыже чаплӱмым сулен, Ленин орден ден 6031 номеран «Шӧртньӧ Шӱдыр» медальым кучыктымо^[1].

Сар пытымек, Краснов старшина лӱмпале дене тыныс илышыш пӧртылын. Ростов кундемын Донецк олаштыже илен да пашам ыштен, 1984 ий 5 октябрьыште колен^[1].

Тыгак икмыняр медаль-влак дене суапландаралтын^[1].

Донецкыште да Моркышто Красновым шарныме лӱмеш бюстым шогалтыме^[1].

Палемдымаш

↑ ¹ ² ³ ⁴ ⁵ ⁶ Зосим Алексеевич Краснов (руш.). Сайт «Герои страны».

Литератур

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Наши Герои. — 2-е изд., перераб. и доп. — Йошкар-Ола, 1985.
Краснов Зосим Алексеевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 454. — 872 с. — 3505 экз. — ISBN 978-5-94950-049-1.
Краснов Зосим Алексеевич // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 118—119. — 374 с. — 500 экз. — ISBN 978-5-94950-070-5.
Мочаев В. А. Краснов Зосим Алексеевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 224. — 606 с. — 1500 экз. — ISBN 978-5-905314-35-3.

[wh-1] ¹ ² ³ ⁴ ⁵ ⁶ Зосим Алексеевич Краснов (руш.). Сайт «Герои страны».

[1]