Костров, Станислав Иванович

Станислав Иванович Костров
Станислав Иванович Костров
Шочмо кече	1923 ий 10 ӱярня
Шочмо вер	Шепетовко ола, Хмельницкысе область, УССР, СССР
Колымо кече	2001 ий 12 сорла (78 ий)
Колымо вер	Йошкар-Ола; Марий Эл; Россий Федераций
Пурымаш	СССР
Войскан родшо	пехото
Службо жап	1942—1946
Званий
Кредалмаш/сар	Кугу Ачамланде сар

Станислав Иванович Костров (1923, 10 март Шепетовко, Волын губерний — 2001, 12 август, Йошкар-Ола) — Совет Армийын кугурак лейтенантше, Кугу Ачамланде сарын участникше, Совет Ушемын Талешкыже (1945).

Илыш корныжо

Станислав Костров 1923 ий 10 мартыште Шепетовко олаште шочын (кызыт — Украинын Хмельницкысе кундемже). Изинекак ешыж дене пырля Узбек ССР Самарканд кундемысе Зиадин посёлкыш куснен, туштыжо кыдалаш школым тунем пытарен да библиотекарьлан пашам ыштен. 1942 ийыште Костров Пашазе-кресаньык Йошкар Армийыш служиаш налалтын. Харьковысо пехото училищым тунем пытарен. 1943 ий август гыч — Кугу Ачамланде сарын фронтыштыжо. Брянск, Белорус да 1-ше Белорус фронтлаште кредалын, кум гана сусырген. 1944 ий август вашеш Станислав Костров 1-ше Белорус фронтын 69-ше армийжын 247-ше стрелок дивизийын 909-ше пулемёт взводшо дене командоватлен. Польшым утарыме годым ойыртемалтын^[1].

1944 ий 31 июль гыч 1 август йӱдым Костровын взводшо, тушманын лӱйкалыме тул йыманак, Висла эҥер гоч вончен, касвел серыштыже, Пулавы ола воктене, плацдармым руалтен налын да кандаш немыч контратакым чактарен, икмыняр пулемётым шалатен, тыгак тушманын ятыр салтак ден офицерже-шамычым пытарен. Тудо кредалмаште Костров нелын сусырген^[1].

СССР Кӱшыл Совет Президиумын 1945 ий 24 мартысе кӱштыкшӧ почеш «Вислым форсироватлымаште да руалтен налме плацдармыште патырлыкым да геройлыкым ончыктымыжлан» лейтенант Станислав Костров Совет Ушемын Талешкыже кӱкшӧ чаплӱмым сулен, Ленин орден дене «Шӧртньӧ Шӱдыр» медальым кучыктымо^[1].

1946 ийыште кугурак лейтенант Костровым шапашыш колтымо. 1961 ийыште Озаҥ совпартшколым тунем лектын. Йошкар-Олаште илен, 1967-1987 ийлаште марий кугыжаныш педагогике институтын Граждан обороно кафедрыштыже (кызыт — Марий кугыжаныш университет) кугурак туныктышо лийын. Мер пашам чолган вӱден.

2001 ий 12 августышто колен, Йошкар-Оласе Туруново шӱгарлаш тойымо^[1].

Тыгак 1-ше степенян Ачамланде сар орден дене да Йошкар Шӱдыр орден дене суапландаралтын, икмыняр медальже лийын^[1].

Шарныктыш

Узбекистанысе Зиадин посёлкышто Костров лӱмеш уремым да школым лӱмденыт^[1].

Палемдымаш

↑ ¹ ² ³ ⁴ ⁵ ⁶ Станислав Иванович Костров (руш.). Сайт «Герои страны».

Литератур

Наши Герои. — 2-е изд., перераб. и доп. — Йошкар-Ола, 1985.
Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Воробьёв В. П., Ефимов Н. В. Герои Советского Союза. Справочник. — СПб., 2010.
Костров Станислав Иванович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 450—451. — 872 с. — 3505 экз. — ISBN 978-5-94950-049-1.
Мочаев В. А. Колумб Валентин Христофорович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 219—220. — 606 с. — 1500 экз. — ISBN 978-5-905314-35-3.

Кылвер-влак

Станислав Иванович Костров (руш.). Сайт «Герои страны».

[wh-1] ¹ ² ³ ⁴ ⁵ ⁶ Станислав Иванович Костров (руш.). Сайт «Герои страны».

[1]