Коротков, Пётр Ефимович

РУВИКИ-ште тыгай тукымлӱм дене вес еҥ нерген статьям лудаш лиеш: Коротков.

Пётр Ефимович Коротков
7 Марий АССР Кӱшыл Каҥашын председательже
1967 ий 31 март — 1983 ий 14 апрель
Ончычсо пашаеҥ	Василий Михайлович Воробьёв
Алмаштыше	Валентин Петрович Ишалёв
Шочын	1926 ий 14 пеледыш(1926-06-14) Кугу Яшнур, Краснококшайск кантон, Марий автоном область, РСФСР
Колен	1989 ий 16 сорла(1989-08-16) (63 ий) Йошкар-Ола, Марий АССР, СССР
Паша	кугыжаныш да партий пашаеҥ, депутат
Награде

Пётр Ефимович Коротков (1926 ий 14 июнь, Кугу Яшнур ял, Краснококшайск кантон, Марий автоном область, РСФСР — 1989 ий 16 август, Йошкар-Ола, Марий АССР, СССР) — марий совет партий да кугыжаныш пашаеҥ. Марий АССР Кӱшыл Каҥашын VII—X созывласе председательже (1967—1983), Марий АССР Министр-влак Каҥаш председательын алмаштышыже (1964—1966), Марий АССР Калык эскерыше комитетын председательже (1966—1967). КПСС Марий обкомын секретарьже (1967—1982), КПСС Йошкар-Оласе кугыжаныш комитетын 1-ше секретарьже (1962—1964), ВЛКСМ Марий обкомын 1-ше секретарьже (1955—1958). 1947 ий гыч ВКП(б)-ын йыжыҥъеҥже.

Илыш корныжо

1926 ий 14 июньышто Марий Элын Медведево кундемысе Кугу Яшнур ялыште чодыра йӧнозанлык пашаеҥын ешыштыже шочын, варажым тудо орденым нумалше вуйлатыше лийын. 1945 ийыште Юл кундемысе чодыратехнике техникумым, 1950 ийыште — М. Горький лӱмеш Юл кундемысе чодыратехнике институтым тунем пытарен.

1947 ийыште ВКП(б) радамыш пуртеныт. 1950 ийыште КПСС Марий обкомын инструкторжылан политике пашам шукташ тӱҥалын. 1954 ийыште комсомол пашаш куснен: ондак 2-шо, 1955—1958 ийлаште — ВЛКСМ Марий обкомын 1-ше секретарьже. 1960 ийыште КПСС ЦК пелен Кӱшыл партий школым тунем пытарен. 1960 ий гыч партий пашаште: 2-шо, а 1962—1964 ийлаште — КПСС Йошкар-Оласе ола комитетын 1-ше секретарьже. 1964 ий гыч — Марий АССР Министр-влак Каҥаш председательын алмаштышыже, Партий-кугыжаныш эскерыше комитетын председательже, 1966—1967 ийлаште — МАССР Калык эскерыше комитетын председательже, 1967—1982 ийлаште — партийын Марий обкомысо секретарьже.

1963—1985 ийлаште Марий АССР Кӱшыл Каҥаш депутатлан сайлалтын, 1967—1983 ийлаште — Марий АССР Кӱшыл Каҥашын VII—X созывласе председательже.

Тудым шуко ий дене ыштыме пайдале политике пашажым да Марий республикын тӧртыкшым уэмден вашталтымаште кугу надыржым шотыш налын, Паша Йошкар Тисте орден дене (кум гана) да Марий АССР Кӱшыл Каҥаш Президиумын чапкагазше дене (кум гана) палемденыт.

1989 ий 16 августышто Йошкар-Олаште колен.

Суаптарже

• Паша Йошкар Тисте орден (1966, 1971, 1976);
• «Владимир Ильич Ленинын шочмыжлан 100 ий темме лӱмеш чапле пашалан» лӱмгече медаль;
• «Тулазапыште лӱддымылыклан» медаль (1973);
• Марий АССР Кӱшыл Каҥаш Президиумын Чапкагазше (1957, 1976, 1986).

Литератур

• Коротков Пётр Ефимович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 184. — 2032 экз. — ISBN 5-87898-357-0.
• Коротков Пётр Ефимович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 449. — 872 с. — 3505 экз. — ISBN 978-5-94950-049-1.
• Мочаев В. А. Коротков Пётр Ефимович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 218. — 606 с. — 1500 экз. — ISBN 978-5-905314-35-3.

Палемдымаш

Кылвер-влак

• БЕZФОРМАТА. Листая страницы истории. История республики в лицах