Воробьёв, Василий Михайлович

Василий Михайлович Воробьёв
Василий Михайлович Воробьёв
6 Марий АССР Кӱшыл Каҥашын председательже
	1959 ий 18 март — 1967 ий 14 март
Ончычсо пашаеҥ	Иван Романович Москвичёв
Алмаштыше	Пётр Ефимович Коротков
Шочын	1909 ий 7 пургыж; Кукшэҥер, Чебоксар уезд, Озаҥ губерний, Россий империй
Колен	1995 ий 22 шорыкйол (85 ий); Йошкар-Ола, Марий Эл, Россий
Шинчымаш	ЦК КПСС ЦК пелен Кӱшыл партий школ
Паша	партий пашаеҥ, депутат
Награде

Василий Михайлович Воробьёв (1909 ий 7 февраль, Кукшэҥер ял, Чебоксар уезд, Озаҥ губерний, Россий империй — 1995 ий 22 январь, Йошкар-Ола, Марий Эл, Россий) — марий совет партий да кугыжаныш пашаеҥ. Марий АССР Кӱшыл Каҥашын председательже (1959—1967), КПСС Марий обкомын секретарьже (1956—1962). ВКП(б)-ын йыжыҥъеҥже.

Илыш корныжо

1909 ий 7 февральыште Марий Элын Провой кундем Кукшэҥер ялыштыже партий школысо туныктышын ешыштыже шочын. Партий да администраций вуйлатыше З. Антоненкон шочмо изаже^[1].

1929 ийыште Курыкмарий педтехникумын 2 курсшым, 1932 ийыште — Мариинск-Посадысе чодыра техникумым тунем лектын. 1936 ий гыч — Провой лесхозын, 1939—1941 ийлаште — Марий АССР Морко лесхозын директоржо^[1].

1942 ийыште партий пашаш куснен: йӧнозанлык пӧлкам вуйлатыше (1942—1946, 1949—1956, 1962—1966), КПСС Марий обкомын секретарьже (1956—1962). 1949 ийыште ВКП(б) ЦК пеленысе Кӱшыл партий школым (руш.) (мар. тунем пытарен^[1].

1958—1967 ийлаште Марий АССР Кӱшыл Каҥашын депутатшылан сайлалтын, 1959—1957 ийлаште — Марий АССР Кӱшыл Каҥашын (руш.) (мар. председательже^[1].

Тудын шуко ий шуктымо пайдале партий-кугыжаныш пашажым «Почёт пале» орден дене (кок гана), I степенян Ачамланде сар орден да Марий АССР Кӱшыл Каҥаш Президиумын чапкагазше дене (кум гана) палемденыт^[1].

1995 ий 22 январьыште Йошкар-Олаште колен^[1].

Суаптарже

«Почёт пале» орден (1957, 1966)^[1];
I степенян Ачамланде сар орден (1946)^[1];
«Чапле пашалан. Владимир Ильич Ленинын шочмыжлан 100 ий темме лӱмеш» лӱмгече медаль;
Марий АССР Кӱшыл Каҥаш Президиумын Чапкагазше (1944, 1946, 1959)^[1].

Палемдымаш

↑ ¹ ² ³ ⁴ ⁵ ⁶ ⁷ ⁸ ⁹ Мочаев, 2017, с. 88.

Литератур

Воробьёв Василий Михайлович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 78. — 2032 экз. — ISBN 5-87898-357-0.
Мочаев В. А. Воробьёв Василий Михайлович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 88. — 606 с. — 1500 экз. — ISBN 978-5-905314-35-3.

[_8acc06405500152c-1] ¹ ² ³ ⁴ ⁵ ⁶ ⁷ ⁸ ⁹ Мочаев, 2017, с. 88.

[1]