Канкошев, Ахмет-Хан Талович

Ахмет-Хан Талович Канкошев
кабард.-черк. Къанкъуэш Тӏал и къуэ Ахьмэтхъан
Шочмо кече	28 сорла 1914(1914-08-28)
Шочмо вер	Дейское[d], Нальчик округ[d], Терек область[d], Россий империй
Колымо кече	28 теле 1943(1943-12-28) (29 ий)
Колымо вер	Крым, СССР
Пурымаш	СССР
Войскан родшо	Сарзе-юж вий
Службо жап	1942—1943
Званий
Часть	42 авиаций гвардейский истребитель авиаций полк
Командоватлен	звено
Кредалмаш/сар	Кугу Ачамланде сар
Награде да премий

Ахмет-Хан Талович Канкошев (кабард.-черк. Къанкъуэш Тӏал и къуэ Ахьмэтхъан; 1914—1943) — лётчик-ас, Йӱдвел-Кавказ фронтын 4-ше юж армийысе 9-ше гвардий истребитель авиаций дивизийын 42 авиаций гвардейский истребитель авиаций полкысо авиаций звенон командирже, Совет Ушемын Талешкыже, южысо шкет вашпижмаште 14 гана сеҥышыш лектын, тӱшкан — 3 гана. Калыклык шот дене кабардин (адыг).

Илыш корныжо

1914 ий 28 августышто Россий империйысе Терск кундем Муртазово селаште (кызыт Дейский села Терск кундем Кабардин-Балкарий), кресаньык ешеш шочын.

1933 ийыште Орджоникидзе оласе кӱртньыгорно техникумышто (тений — Владикавказ) 2 курсым тунемын, 1937 ийыште Граждан Юж Флотын 1-ше Батайысе школжым тунем лектын, а 1938 ийыште — Москошто В. П. Чкалов лӱмеш Рӱдӧ аэроклуб пелен Осоавиахимысе чоҥештылше-влакын шинчымашыштым саемдыше школым тунем лектын. 1938 ий гыч 1942 ий марте Йошкар-Оласе аэроклубын вуйлатышыже лийын.

Кугу Ачамланде сарын салтакше

Йошкар Армийыште 1942 ий гыч. Тудо ийынак звеньевой командир курсым тунем лектын. Кугу Ачамланде сарын фронтыштыжо 1942 ий декабрь гыч. 8-ше истребитель авиаций полкын тӱшкаштыже лийын (варажым 42-шо гвардейский истребитель авиаций полк) историй кышам кодышо Орёл-Курск вашпижмаште кредалын.

1943 ий июнь вашеш юж вашпижмаш гыч 108 гана сеҥыше лектын, 45 юж кредалмаште шкетын 8 тушман самолётым пытарен, да 3-ым тӱшкан (тыге Талешке лӱмым пуышаш сауптар листыште ончыктымо, но тиде жаплан ас тушманын 10 самолётшым шкеак тӱкен шуэн). Совет Ушемын Талешкыже лӱмым 1943 ий 2 сентябрьыште пуымо.

1943 ий 28 декабрьыште Керчь кундемыште кредалме годым увер деч посна йомын. Кредалме жапыштыже 200 наре гана сеҥымаш дене кава гыч пӧртылын, шкеак 14 немыч самолётым камвозыктен.

Шарныктыш

• Талешкын лӱмжо дене Нальчик, Терек, Баксан, да Нарткала олаласе урем-влакым лӱмдымӧ, тыгак республикыште икмыняр салаште урем уло.
• Терекыште да Йошкар-Олаште мемориал оҥам вераҥдыме.

Палемдымаш

Литератур

• Ф. Болтыханов. Горный орел // Крылья Родины. — М:: ДОСААФ, 1970. — № 12. — С. 6—7.
• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Канкошев Ахмед-Хан Талович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 417. — 872 с. — 3505 экз. — ISBN 978-5-94950-049-1.
• Канкошев Ахмед-Хан Талович // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 91—93. — 374 с. — 500 экз. — ISBN 978-5-94950-070-5.
• Мочаев В. А., Кутюков В. Г. Канкошев Ахмет-Хан Талович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 191. — 606 с. — 1500 экз. — ISBN 978-5-905314-35-3.

Кылвер-влак

• Уфаркин Николай Васильеич. Ахмет-Хан Талович Канкошев (руш.). Сайт «Герои страны».