Игнатьев, Григорий Игнатьевич

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Игнатьев.
Григорий Игнатьевич Игнатьев
Григорий Игнатьевич Игнатьев.jpg
Шочмо кече 1901 ий 23 шорыкйол(1901-01-23)
Шочмо вер Аманыр, Чыкма уезд, Озаҥ губерний, Россий империй
Колымо кече 1985 ий 20 пеледыш(1985-06-20) (84 ий)
Колымо вер Краселицӹ, Курыкмарий район, Марий АССР, РСФСР, СССР
Гражданстве  Россий империй →  СССР
Паша партий пашаеҥ, депутат
Шинчымаш РККА-н Сарзе-ветеринар академийже
Партий ВКП(б)-КПСС
Тӱҥ идей коммунизм
Суаптар Ленин орден — 1935 Орден Отечественной войны I степени— 1985 «Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын»

Григорий Игнатьевич Игнатьев (1901, Аманыр, Чыкма уезд, Озаҥ губерний, Россий империй — 1985, — 20 июнь 1985 Краселицӹ, Курыкмарий вел, Марий АССР, РСФСР, СССР) — марий совет кугыжаныш да озанлык пашаеҥ. Марий АССР-ын / Марий Автоном областьын Курыкмарий / Йоласал велысе Краселицӹ колхозын председательже (1931—1941, 1945—1959). Марий кундемыште икымше Ленин орденын кавалерже (1935). СССР Кӱшыл Советын I созывысе депутатше (1937—1946). Граждан да Кугу Ачамланде сарын участникше. Москосо Сеҥымашын парадыште лийын (1945 ий 24 июньышто).

Илыш корныжо

1901 ий 23 январьыште Марий Элысе Курыкмарий вел Аманыр ялысе[1] икмарда кресаньык ешеш шочын[2][3].

Кок классан школым шочмо ялышкыже тунем лектын, 1919 ийыште Чарла педагогике техникумыш пурен[2][3].

1920—1921 ийлаште — Граждан сарын участникше «йошкарге-влак» могырышто, ош поляк-влак, Врангель дене кредалын, Крым дене ушнымо верыште (перешейка) Сиваш вӱдым форсироватлен[4].

1931—1941 ийлаште Ммарий автоном областьысе / Марий АССР-ын Йоласал велныже Краселицӹ колхозым вуйлатен. 1935 ийыште колхоз чоҥымаште кугу сеҥымашыш шумылан Марий автоном областьыште икымше Ленин орден дене суапландаралтын да Ударник-колхозник-влакын II пӱтыньушемысе погынын делегатшылан сайлалтын[2][3][5][6].

1937—1946 ийлаште СССР Кӱшыл Советшын I созывысе депутатшылан сайлалтын, Кугырак-влак Каҥашын йыжъеҥже лийын[2][3][7].

1939 ийыште РККА-н Сарзе-ветеринар академийжым тунем пытарен. 1942 ийыште шке кумылын фронтыш каен. Кугу Ачамланде сарын салтакше, курурак лейтенант. 1945 ий 24 июньышто Москошто Сеҥымашын парадыште лийын. II степенян Ачамланде сар орден да медаль дене суапландаралтын[2][3][5].

Сар деч вара, 1945—1959 ийлаште — Йоласал / Курыкмарий вел Марий АССР-ын Краселицӹ ялысе колхоз председательлан уэш пӧртылын. 1958 ийыште тыште олма питомникым почын[2][3].

1985 ий 20 июньышто Марий АССР Курыкмарий вел Краселицӹ ялыште илыш гыч каен[2][3]. Марий Эл Республик Курыкмарий вел Сурасе шӱгарлаште тойымо[8].

Суаптарже-влак

  • Ленин орден (1935)[2][3]
  • II степенян Ачамланде сар орден (1985)[2][3]
  • «Владимир Ильич Ленинын шочмыжлан 100 ий темме лӱмеш» медаль

Шарнымаш

1936 ийыште тудын лӱмжым «Чоткар патыр нерген муро» эпический поэмыш пуртымо, сылнымут поэме Марий Автоном областьын 15 ияш лӱмгечыж вашеш И. В. Сталинлан серыш семын возымо[2][3].

Палемдымаш

  1. ↑ Амануры | Родная Вятка. rodnaya-vyatka.ru. Тергыме кече: 15 пеледыш 2023. Архивлыме 10 пургыж 2023 ий.
  2. ↑ 1 2 3 4 5 6 7 8 9 10 Мочаев, 2007, с. 149.
  3. ↑ 1 2 3 4 5 6 7 8 9 10 Энциклопедия Республики Марий Эл, 2009, с. 390.
  4. ↑ ИГНАТЬЕВ Григорий Игнатьевич (неопр.). Марийская история в лицах. Тергыме кече: 15 пеледыш 2023. Архивлыме 10 кылме 2021 ий.
  5. ↑ 1 2 Красное Селище | Родная Вятка. rodnaya-vyatka.ru. Тергыме кече: 15 пеледыш 2023.
  6. ↑ Средневековое поселение – Красное Селище (руш.). komanda-k.ru (27 пургыж 2018). Тергыме кече: 15 пеледыш 2023. Архивлыме 11 шыжа 2022 ий.
  7. ↑ Церковь Святой Троицы, Горномарийский район (Марий Эл) — Letopisi.ru. letopisi.org. Тергыме кече: 15 пеледыш 2023. Архивлыме 7 идым 2019 ий.
  8. ↑ Деревня Сидулино - Республика марий эл администрация горномарийского района. dereksiz.org. Тергыме кече: 15 пеледыш 2023. Архивлыме 28 шыжа 2022 ий.

Литератур

  • Захаров С. И. Пахарь // Поле вдохновения. Из досье журналиста. — Йошкар-Ола: Марийское книжное издательство, 1973. — С. 76—78.
  • Краснов П. В., Мочаев В. А., Опарина Т. Т., Фадеев В. З. Игнатьев Григорий Игнатьевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 149. — 2032 экз. — ISBN 5-87898-357-0.
  • Игнатьев Григорий Игнатьевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 390. — 872 с. — 3505 экз. — ISBN 978-5-94950-049-1.
  • Краснов П. В., Мочаев В. А., Опарина Т. Т., Фадеев В. З. Игнатьев Григорий Игнатьевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 174. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Игнатьев,_Григорий_Игнатьевич&oldid=1194144" гыч налме