Зейтулаев, Эгат Алядинович

Эгат Алядинович Зейтулаев
Эгат Алядинович Зейтулаев
Шочмо кече	16 идым 1932 (93 ий)
Шочмо вер	Передовое[d], Балаклава район[d], Крым АССР[d], РСФСР[d], СССР;
Гражданлык	СССР → Россий
Паша сомыл	чоҥышо, депутат
Награде да премий	; ; Марий АССР-ын Кугыжаныш премийже (1984)

Эгáт Аляди́нович Зейтулáев (шоч. 16 идым 1932, Передовое^[d], Балаклава район^[d], Крым АССР^[d], РСФСР^[d], СССР) — совет чоҥышо. Марий кундемысе чоҥышо виктемын (Главмарийстрой) начальникше (1979—1992), «Марийстрой» концернын президентше (1992—1993). РСФСР-ын сулло чоҥышыжо (1991). Марий АССР-ын Кугыжаныш премийжын лауреатше (1974). 1959 ий гыч КПСС йыжыҥъеҥ.

Илыш корныжо

1932 ий 16 сетябрьыште РСФСР-ысе Крым АССР-ын Балаклава район Уркуста ялыште (кызыт ― Крым Республикысе федерал ыҥан Севастополь олан Балаклава районысо Передовое ял) крым татар-влак ешыште шочын^[1]^[2].

1944 ийыште ешыж дене пырля Марий АССР-ысе Звенигово районыш депортироватлалтын. 1950 ийыште Какшамарий кыдалаш школым тунем пытарен. Клубым вуйлатен, шочмо районыштыжо грузчиклан, шофёрлан пашам ыштен, 1954 ий гыч Марий АССР-ысе Йошкар-Олаште чоҥымо пашам шуктен^[1]^[2].

1956 ийыште Ленинградысе мастар-влакын школыштым тунем пытарен. 1959 ийыште КПСС-ыш пурен. 1968 ий марте — Йошкар-Оласе 116 №-ан трестын 725-ше УНР-ын прорабше, начальникше, 1968 ий гыч — «Марпромстрой» трестын 1-ше СМУ-н вуйлатышыже^[1]^[2].

1971 ийыште М. Горький лӱмеш Марий политехник институтым тунем пытарен. 1972 ий гыч Марий кундемысе чоҥышо виктемыште (Главмарийстрой): вуйлатышын алмаштышыже, 1975 ий гыч — вуйлатышын икымше алмаштышыже, 1979—1992 ийлаште — вуйлатышыже. 1982 ийыште СССР калык озанлык академийым (руш.) (мар. тунем пытарен. 1992 ий гыч — «Марийстрой» концернын президентше, 1993—1997 ийлаште — Йошкар-Оласе «Созидатель» ОАО-н президентше^[1]^[2].

Мер-политике пашаште тыршен: 1967—1986 ийлаште СССР Кӱшыл Каҥаш депутат Г. Караваевын ӱшанъеҥже. 1980—1993 ийлаште — Марий АССР Кӱшыл Каҥашын (руш.) (мар. X—XIII созывысе депутатше^[1]^[2]^[3]^[4].

Марий республикысе чоҥымо пашам вияҥдыме да мер-политике илышыште надыржылан Паша Йошкар Тисте орден (кок гана), «Почёт Пале» орден да медаль-влак дене, тыгак Марий АССР Кӱшыл Каҥаш Президиумын Чаптаныкше дене суапландаралтын. 1974 ийыште Марий АССР Кугыжаныш премийын лауреатше лийын. 1991 ийыште тудлан «РСФСР-ын сулло чоҥышыжо» чаплӱмым пуымо^[1]^[2].

Кызыт Йошкар-Олаште ила.

Суапшым пагалымаш

РСФСР-ын сулло чоҥышыжо (1991)^[1]^[2];
Марий АССР-ын сулло чоҥышыжо (1977)^[1]^[2];
Паша Йошкар Тисте орден (1981, 1986)^[1]^[2];
«Почёт Пале» орден (1971)^[1]^[2];
«Пашан ветеранже» медаль;
«Чапле пашалан. Владимир Ильич Ленинын шочмыжлан 100 ий темме лӱмеш» медаль;
Марий Эл Республикын кугыжаныш премийже (1984)^[1]^[2];
Марий АССР Кӱшыл Каҥаш Президиумын Чаптаныкше (1982)^[1]^[2].

Палемдымаш

↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² Мочаев, 2007, с. 135.
↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² Энциклопедия Республики Марий Эл, 2009, с. 375—376.
↑ Официальный сайт Госсобрания Республики Марий Эл (неопр.). old.gsmari.ru. Тергыме кече: 2 пургыж 2026.
↑ К 80-летию высшего законодательного органа республики Парламент в лицах Они были депутатами Верховного Совета десятого созыва (неопр.). yoshkarola.bezformata.com. Тергыме кече: 2 пургыж 2026.

Литератур

След в жизни // Марийская правда. — 2000. — 11 августа.
Зейтуллаев Эгат Алядинович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 135. — 2032 экз. — ISBN 5-87898-357-0.
Зейтуллаев Эгат Алядинович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 375—376. — 872 с. — 3505 экз. — ISBN 978-5-94950-049-1.
Топоров В.В., Мочаев В. А. Зейтулаев Эгат Алядинович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 157. — 606 с. — 1500 экз. — ISBN 978-5-905314-35-3.

[_59452f2b56639ea4-1] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² Мочаев, 2007, с. 135.

[_c12a4ac0c8c8d8b9-2] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² Энциклопедия Республики Марий Эл, 2009, с. 375—376.

[3] Официальный сайт Госсобрания Республики Марий Эл (неопр.). old.gsmari.ru. Тергыме кече: 2 пургыж 2026.

[4] К 80-летию высшего законодательного органа республики Парламент в лицах Они были депутатами Верховного Совета десятого созыва (неопр.). yoshkarola.bezformata.com. Тергыме кече: 2 пургыж 2026.

[1]

[2]

[3]

[4]