Зверева, Светлана Владимировна
| Светлана Владимировна Зверева | |
|---|---|
 | |
| Шочмо кече | 29 пеледыш 1982 (44 ий) |
| Шочмо вер |
|
| Эл | |
Светлана Владимировна Зверева (шоч. 29 пеледыш 1982, Йошкар-Ола) — российысе тӱвыра пашаеҥ. 2025 ий март гыч «И. С. Палантай лӱмеш тӱвыра да сымыктыш колледж» Марий Эл Республикысе кугыжаныш оксавиктыш туныктымо тӧнежын директоржо[1].
Илыш корныжо
1982 ий 29 пеледышыште Йошкар-Олаште шочын[2]. Йошкар-Оласе 11 №-ан кыдалаш шинчымашым пуышо школышто тунемын, кызыт — «Йошкар-Оласе Т. И. Александрова лӱмеш 11 №-ан лицей» муниципал тӧнеж.
2003—2005 ийлаште — «Цифровые технологии» ООО-што технике серызе[3].
2004 ийыште Марий кугыжаныш университетын историй да филологий факультетшым тунем лектын, «руш филологий» специальностьым налын[2].
2005—2007 ийлаште — Йошкар-Оласе тӱрлӧ амалкалче ыштыкверыште сату шотышто менеджер, маркетинг пӧлкам вуйлатыше[3].
2007 ий гыч 2017 ий марте — Йошкар-Оласе историй тоштерын шанче пашаеҥже, турист-экскурсий паша пӧлкам, турист-увер рӱдерым вуйлатыше[2].
2017 ийыште Юл кундемысе кугыжаныш технологий университетым «туризм» специальность дене тунем лектын[3].
2017—2018 ийлаште — Марий Эл Республикысе туризм комитетын председательже[2].
2018—2025 ийлаште — «Тимофей Евсеев лӱмеш Марий Эл Республикысе калыкле тоштер» Марий Эл Республикысе кугыжаныш оксавиктыш тӱвыра тӧнежын директоржо[3].
2025 ий март гыч — «И. С. Палантай лӱмеш тӱвыра да сымыктыш колледж» Марий Эл Республикысе кугыжаныш оксавиктыш профессионал туныктымо тӧнежын директоржо[3].
Мер пашаже
«Царёв город» фольклор ушемын еҥже.
2019 ий гыч Марий Эл Республикысе МВД пеленсе Мер каҥашын йыжъеҥже[3].
Еш
- Ешан. Марийже — Юрий Зверев. Йоча-влак: эргыже — Николай, ӱдыржӧ-влак — Варвара ден Антонина.
Чаплӱм да суаптар
- Марий Эл Республикысе МВД-ын Таумутшо «Полиций пашаеҥ-влакын шӱлыш-сылнылыкыштым нӧлтен куштымаште элгӧргӧ паша орган-влаклан полышлан» (2021);
- Марий Эл Республикысе МВД пелен Мер каҥашын Таумутшо (2022)[3].
Палемдымаш
- ↑ Зверева Светлана Владимировна. shki.mrkkii.ru. Тергыме кече: 25 кылме 2025.
- ↑ 1 2 3 4 Зверева Светлана Владимировна, <https://marihistory.ru/2011-01-01-19-53-52/25727-zvereva-svetlana-vladimirovna.html>. Тергыме: 25 кылме 2025.
- ↑ 1 2 3 4 5 6 7 Зверева Светлана Владимировна (руш.). Тергыме кече: 25 кылме 2025.
 |
|---|
