Загайнов, Василий Фёдорович

Загайнов Василий Фёдорович
Загайнов Василий Фёдорович
Шочмо кече	1903 ий 13 шорыкйол
Шочмо вер	Лоповцы ял, Россий империй (кызыт У Торъял район, Марий Эл)
Колымо кече	1943 ий 4 шыжа (40 ий)
Колымо вер	Брагин район, Гомель область, СССР
Пурымаш	СССР
Службо жап	1942—1943
Званий	Ефрейтор
Кредалмаш/сар	Кугу Ачамланде сар

Загайнов Василий Фёдорович (1903—1943) — Кугу Ачамланде сарын салтакше, 1185-ше стрелок полкысо 3-шо ротын пулемётчикше (Рӱдӧ фронтын 61-ше армийже, 89-ше стрелковый корпус, 356-шо стрелок дивизий), ефрейтор. Совет Ушемын Талешкыже.

Илыш корныжо

1903 ий 13 январьыште, Марий АССР У Торъял район Пектубай ялсоветыш пурышо, Лоповцы ялысе кресаньык ешыште шочын. Руш.

Пектубай школын 7 классшым тунем лектын. Колхозышто счетоводлан пашам ыштен. Партийдыме.

Йошкар Армийыш 1942 ий январьыште налыныт да вигак действующий армийыш колталтын. 1185-ше стрелковый полкын пулемётчикше ефрейтор Загайнов 1943 ий 4 октябрьыште Днепрын пурла серысе Пирки ял воктене(кызыт Гомель кундем, Брагино вел) плацдарм верч кредалмаште пулемёт тул дене тушманын атакыжым чактарен, тыгодым икмыняр лу гитлеровецым пытарен. Шке тыршымыж дене полкын стрелковый подразделенийже-влаклан эҥер вӱд гоч вончаш йӧным ыштен. Тиде кредалмаште колен.

Пирки ялыште иза-шольо шӱгарыште тойымо.

Суапландырымаш

СССР Кӱшыл Совет Президиумын 1944 ий 15 январьысе «Йошкар Армийын генерал, офицер, сержант да рядовой-влак тӱшкалан Совет Ушемын Талешкыже чаплӱмым пуымо нерген» кӱштыкше почеш «Днепр эҥерым вончымо годым командованийын заданийым сайын шуктымыжлан да тыгодым патырлык ден талылыкым ончыктымылан» Совет Ушемын Талешкыже лӱмым, колымекыже пуымо^[1].
Ленин орден дене суапландаралтын.

Шарныктыш

У Торъял районысо Пектубай селаште, Талешкын тунемме верыште чапкӱм шогалтыме.
В. Ф. Загайновын лӱмжым У Торъял районысо Пектубай селаште да Белоруссийысе Гомель кундемысе Пирки школ-влак нумалыт.
Марий Элыште Совет Ушемын Талешкыже, У Торъял районысо Пектубай селан шочшыжо Загайнов Василий Фёдоровичым шарныме лӱмеш Республикысе грек-рим кучедалмашын турнирже эртаралтеш^[2].
Российысе сарзе-историй обществын еҥже-влак Загайновын тунемме У Торъял районысо Пектубай кыдалаш школ пӧрт пырдыжеш шарныме мемориал оҥам вераҥденыт.

Палемдымаш

↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 15 января 1944 года // Ведомости Верховного Совета Союза Советских Социалистических Республик : газета. — 1944. — 23 шорыкйол (№ 4 (264)). — С. 1. Архивлыме 24 идым 2021 ий.
↑ Сведения о юбилейных датах государственных и муниципальных образовательных учреждений Республики Марий Эл в 2010 году Архивысе копий 4 ӱярня 2016 гыч.

Литератур

Загайнов Василий Фёдорович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 365. — 872 с. — 3505 экз. — ISBN 978-5-94950-049-1.
Загайнов Василий Фёдорович // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 82—83. — 374 с. — 500 экз. — ISBN 978-5-94950-070-5.
Краснов Г. В., Мочаев В. А. Загайнов Василий Фёдорович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 152. — 606 с. — 1500 экз. — ISBN 978-5-905314-35-3.

Кылвер-влак

Игорь Сердюков. Василий Фёдорович Загайнов (руш.). Сайт «Герои страны». Тергыме кече: 27 сӱрем 2015.
Новоторъяльский муниципальный район — Василий Фёдорович Загайнов.

[1] Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 15 января 1944 года // Ведомости Верховного Совета Союза Советских Социалистических Республик : газета. — 1944. — 23 шорыкйол (№ 4 (264)). — С. 1. Архивлыме 24 идым 2021 ий.

[2] Сведения о юбилейных датах государственных и муниципальных образовательных учреждений Республики Марий Эл в 2010 году Архивысе копий 4 ӱярня 2016 гыч.

[1]

[2]