Глушков, Василий Степанович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Глушков.
Василий Степанович Глушков
Глушков, Василий Степанович.jpg
Шочмо кече 1927 ий 1 шорыкйол(1927-01-01)
Шочмо вер Глушковы ял, Котельнич район, Виче кундем, РСФСР, СССР
Колымо кече 1994 ий 16 идым(1994-09-16) (67 ий)
Колымо вер Йошкар-Ола, Марий Эл, Россий
Эл  СССР →  Россий
Шанче алан юриспруденций: уголовный права, кугыжаныш да права шотышто теорий
Паша вер Марий кугыжаныш университет
Марий АССР-ын Кӱшыл Судшо
Шанче степень юридический шанче кандидат
Шанче званий доцент
Награде ден премий-влак

Василий Степанович Глушков (1 шорыкйол 1927, Глушковы[d], Котельнич уезд, Виче губерний, РСФСР[d], СССР — 16 идым 1994, Йошкар-Ола, Марий Эл Республик, Россий) ― совет да россий шанче пашаеҥ, юрист, кӱшыл школын туныктышыжо. Марий АССР Кӱшыл Судын председательже (1971―1990). Марий кугыжаныш университетысе права шотышто кафедрын доцентше (1990―1994), юридический шанче кандидат (1979). РСФСР-ын сулло юристше (1969). КПСС йыжыҥъеҥ.

Илыш корныжо

1927 ий 1 январьыште Виче кундем Котельнич вел Амосовский ялыште (кызыт Глушковы ял)[1][2] кресаньык ешеш шочын[3][4]. 1944 ийыште шочмо велысе Молотниковысо кыдалаш школын 9 классшым тунем пытарен[5].

1944 ийыште РККА-ш налыныт: 1946 ий марте ― Челябинскысе штурман-влак сар авиаций училищын курсантше. 1946 ийыште черлан кӧра армий гыч демобилизоватлыме, 1947 ий марте тӱрлӧ госпитальыште эмлалтын[5].

Мӧҥгӧ пӧртылмеке, Виче кундемын Котельничысе кыдалаш школыштыжо тунеммашым шуэн, а 1952 ийыште Озаҥысе юридический институтым тунем пытарен. Тунемме жапыште КПСС-ыш пурен[5].

Марий АССР Кӱшыл судыш колтеныт: Кӱшыл судын йыжыҥъеҥже, уголовный паша шотышто суд коллегийын председательже, 1953 ий гыч ― председательын алмаштышыже, 1960 ий гыч ― председательын икымше алмаштышыже, 1971―1990 ийлаште ― Марий АССР Кӱшыл Судын председательже[3][4][5][6].

1979 ийыште кандидатлык диссертацийым сайын арален, юридический шанче кандидат (1979)[3][4][5].

1990 ийыште отставкыш лекме деч вара Марий кугыжаныш университетыште права кафедрын туныктышыжо лийын, тиде университетын юридический факультетым шочыктен негызлымаште шоген. 1994 ийыште тудлан доцент шанче лӱмпалым пуымо[5][7][8].

«Советский суд воспитывает» (1977)[9], «На страже справедливости» (1990)[10] книга-влакын да уголовный права, кугыжаныш да права теорий, обществын илышыштыже судын верже йодыш-влак дене 30 утла шанче пашан авторжо, возымыжо «Советская юстиция», «Социалистическая законность», «Государство и право», «Правоведение» да моло журналыштат савыкталтын. 2008 ийыште автор В. Ф. Габдрахманов дене пырля «Право и суд в контексте истории и современности» / «Права да суд историйын да кызытсе жапын контекстыштыже» книгам серен, тудын колымыж деч вара савыктен, тыште марий Кӱшыл судысо пашан историй-права аспектшым почын пуымо[3][4][11][12].

1969 ийыште тудлан «РСФСР-ын сулло юристше» чаплӱмым пуымо. Кок гана Марий АССР Кӱшыл Каҥаш Президиумын Чапкагазше дене суапландаралтын[3][4][5].

Суапшым пагалымаш

  • РСФСР-ын сулло юристше (1969 ий 20 июнь)[3][4][5] ― социалист тӧртыклыкым пеҥгыдемдымаште суаплан
  • Марий АССР Кӱшыл Каҥаш Президиумын Чапкагазше[3][4] (1976, 1986)

Шарнымаш

  • 2002 да 2007 ийлаште Марий кугыжаныш университетыште тудын лӱмгечыжлан пӧлеклалтше шанче-практик конференций-влак эртеныт[3][4][13].
  • РСФСР-ын сулло юристше В. С. Глушков нерген материал-влак Марий Эл Республикын Правосудий Тоштер экспозицийыште ончыкталтыт[14].

Палемдымаш

  1. ↑ Населенный пункт «Глушковы» - Котельничский район - Кировская область. regionsrf.ru. Тергыме кече: 24 шыжа 2023. Архивлыме 28 шыжа 2023 ий.
  2. ↑ Глушковы (Харичи) | Родная Вятка. rodnaya-vyatka.ru. Тергыме кече: 24 шыжа 2023. Архивлыме 7 ага 2023 ий.
  3. ↑ 1 2 3 4 5 6 7 8 Мочаев, 2007, с. 89.
  4. ↑ 1 2 3 4 5 6 7 8 Энциклопедия Республики Марий Эл, 2009, с. 307.
  5. ↑ 1 2 3 4 5 6 7 8 Иваков А.в. Глушков Василий Степанович (к 80-летию со дня рождения) // Марийский юридический вестник. — 2008. — Т. 1, вып. 6. — С. 177–179. — ISSN 2221-6286.
  6. ↑ b.h.pомано"* ГОДЫ И ЛЮДИ Воспоминания ветерана юстиции (руш.). studylib.ru. Тергыме кече: 24 шыжа 2023.
  7. ↑ История. marsu.ru. Тергыме кече: 24 шыжа 2023. Архивлыме 22 ӱярня 2023 ий.
  8. ↑ Марийский государственный университет подписал соглашение о сотрудничестве с Верховным судом Республики Марий Эл (руш.). МариМедиа. Тергыме кече: 24 шыжа 2023. Архивлыме 27 ага 2022 ий.
  9. ↑ Василий Степанович Глушков. Советский суд воспитывает. — Йошкар-Ола: Марийское кн. изд-во, 1977. — 19 с.
  10. ↑ Василий Степанович Глушков. На страже справедливости: Рассказ пред. Верховного Суда Марийской АССР. — Йошкар-Ола: Марийское кн. изд-во, 1990. — 126 с. — ISBN 978-5-7590-0059-4.
  11. ↑ Василий Степанович Глушков, Фарит Вадутович Габдрахманов. Право и суд в контексте истории и современности. — Йошкар-Ола: Стринг, 2008. — 719 с. — ISBN 978-5-91716-008-5.
  12. ↑ Библиотека Омского государственного университета им. Ф.М. Достоевского. www.library.omsu.ru. Тергыме кече: 24 шыжа 2023. Архивлыме 28 шыжа 2023 ий.
  13. ↑ Органы милиции Чувашии в годы Великой Отечественной войны (Историко-правовой аспект). www.dslib.net. Тергыме кече: 24 шыжа 2023. Архивлыме 9 шорыкйол 2019 ий.
  14. ↑ Музей правосудия в Марий Эл – первый музей подобного рода в России. www.marpravda.ru. Тергыме кече: 24 шыжа 2023. Архивлыме 28 шыжа 2023 ий.

Литератур

  • Иваков А. В. Глушков Василий Степанович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 89. — 2032 экз. — ISBN 5-87898-357-0.
  • Иваков А. В. Глушков Василий Степанович (К 80-летию со дня рождения)) // Марийский юридический вестник. ― 2008. ― Т. 1. вып. 6. — С. 177—179.
  • Глушков Василий Степанович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 307. — 872 с. — 3505 экз. — ISBN 978-5-94950-049-1.
  • Иваков А. В. Глушков Василий Степанович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 104. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Глушков,_Василий_Степанович&oldid=1225134" гыч налме